Дастаи наврасони то 16-солаи Тоҷикистон оид ба футбол дар «Ҷоми рушд-2020» бар дастаи Исландия ғолиб омад

Январь 20, 2020 11:20

ДУШАНБЕ, 20.01.2020 /АМИТ «Ховар»/. Дастаи наврасони то 16-солаи Тоҷикистон оид ба футбол Мусобиқаи байналмилалии «Ҷоми рушд-2020»-ро дар шаҳри Мински Беларус бо ғалаба оғоз кард. Дар даври аввал шогирдони Аҳлиддин Турдиев бар дастаи наврасони Исландия бо ҳисоби 2:1 пирӯз шуданд. Дар ин бора ба АМИТ «Ховар» аз Кумитаи миллии олимпии Тоҷикистон хабар доданд.

Ба иттилои манбаъ, голҳоро аз ҳайати Тоҷикистон Абдулфаттоҳ Худойдодзода дар дақиқаи 27-ум ва Суннатулло Азизов дар дақиқаи 75-ум ба ҳадаф расониданд.

Бозии дигари гурӯҳи «В» миёни дастаҳои наврасони Исроил ва Гурҷистон мусовӣ (1:1) анҷом ёфт.

Дастаи мунтахаби наврасони Тоҷикистон дар даври дуюм- 21 январ бо дастаи Исроил вомехӯрад. Бозӣ соати 14:00 бо вақти Душанбе оғоз мегардад.
Ёдовар мешавем, ки дар Ҷоми рушд-2020 8 даста дар ду гурӯҳ як давр бозӣ мекунанд. Сипас, ғолибони гурӯҳҳо ба финал мебароянд, дастаҳои ҷои дуюми гурӯҳҳо барои ҷои сеюм бозӣ мекунанд.

Мусобиқаи байналмилалии «Ҷоми рушд-2020»

Гурӯҳи «В».

Даври 1-ум

Исландия (U-17) – ТОҶИКИСТОН (U-16) – 1:2
Голҳо: Абдулфаттоҳ Худойдодзода, 27 (0:1). Даниэл Деян Ҷурич, 50 – аз пеналтӣ (1:1). Сунатулло Азизов, 75 (1:2).

Исроил (U-17) – Гурҷистон (U-17) – 1:1

Гурӯҳи «А».

Даври 1-ум

Белгия (U-17) – Финландия (U-17) – 2:1

Беларус (U-17) – Ӯзбекистон (U-16) – 4:1

Бозиҳои баъдӣ:

Даври 2-юм

21 январ (сешанбе)

14:00 – Исроил – ТОҶИКИСТОН

16:10 – Гурҷистон – Исландия

18:20 – Белгия – Ӯзбекистон

20:30 – Финландия – Беларус

Даври 3-юм

23 январ (панҷшанбе)

14:00 – ТОҶИКИСТОН – Гурҷистон

16:10 – Исландия – Исроил

18:20 – Ӯзбекистон – Финландия

20:30 – Беларус – Белгия

25 январ (шанбе)

Бозӣ барои ҷои 7-ум

12:00 – 4 «А» – 4 «В»

Бозӣ барои ҷои 5-ум

14:15 – 3 «А» – 3 «В»

Бозӣ барои ҷои 3-юм

16:30 – 2 «А» – 2 «В»

Финал
18:45 – 1 «А» – 1 «В»

Январь 20, 2020 11:20

Хабарҳои дигари ин бахш

Таҳкими ҳамкорӣ байни Тоҷикистон ва вилояти Форси Эрон дар бахши ҷавонон ва варзиш баррасӣ гардид
Дар Ҳисор мусобиқаи «CAFA Nations Сup 2025» дар гурӯҳи «В» оғоз мешавад
Ҳайати Кумитаи кор бо ҷавонон ва варзиши Тоҷикистон бо Академияи Кумитаи миллии олимпии Эрон шинос шуд
Барномаи иҷроии ҳамкорӣ байни Тоҷикистон ва Эрон дар соҳаи варзиш ва ҷавонон ба имзо расид
Бо иштироки ҷавонони Тоҷикистон ва Эрон ҳамоиш доир гардид
Дар Теҳрон густариши ҳамкории Тоҷикистон ва Эрон дар самти ҷавонон ва варзиш баррасӣ гардид
Ғолиби «Ҷоми Раиси ВМКБ» аз намуди волейбол муайян карда шуд
«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад