Донишгоҳи миллии Тоҷикистон бо 12 муассисаи таҳсилоти олии Ӯзбекистон созишнома ба тасвиб расонид
ДУШАНБЕ, 27.01.2020 /АМИТ «Ховар»/. Донишгоҳи миллии Тоҷикистон (ДМТ) соли 2019 бо 29 муассисаи таълимии олии хориҷӣ, марказҳои илмӣ ва созмонҳои байналмилалӣ Созишнома ва Ёддошти тафоҳум оид ба ҳамкорӣ ба тасвиб расонид. Аз ҷумла, ДМТ барои муносибатҳои дӯстона ва ҳамкории минбаъда бо 12 муассисаи таҳсилоти олии Ӯзбекистон созишнома ба имзо расонд. Ин нуктаро муовини ректор оид ба робитаҳои байналмилалӣ, номзади илмҳои ҳуқуқшиносӣ, дотсент Хайрулло Мирзамонзода имрӯз зимни нишасти матбуотии ин ниҳод баён дошт.
Дар нишасти мазкур муовини аввал, муовини ректор оид ба таълим, номзади илмҳои физикаю математика, дотсент Тоир Хоҷазода, муовини ректор оид ба илм, доктори илмҳои химия, профессор Сафармамад Сафармамадов, муовини ректор оид ба тарбия, номзади илмҳои филологӣ, дотсент Ҷамила Раҳмонзода, муовини ректор оид ба робитаҳои байналмилалӣ, номзади илмҳои ҳуқуқшиносӣ, дотсент Хайрулло Мирзамонзода, муовини ректор оид ба корҳои иқтисодӣ ва иҷтимоӣ, номзади илмҳои иқтисодӣ, дотсент Нуралӣ Собирзода ва устодону рӯзноманигорон иштирок намуданд.
Тоир Хоҷазода оид ба фаъолияти пурсамари донишгоҳи мазкур пурра маълумот дода, зикр кард, ки ҳайати омӯзгорон ва донишҷӯён дар таҷлили чандин санаҳои муҳими давлатӣ соли 2019 фаъолона ширкат намуда, маҳз ба хотири ин заҳмату талошҳояшон бо мукофотҳои давлативу соҳавӣ ва ифтихорномаҳо, аз ҷумла 5 нафар омӯзгор бо ҷоизаи “Исмоили Сомонӣ барои олимони ҷавон”, 23 нафар бо нишони сарисинагии “Аълочии маориф ва илми Тоҷикистон”, 17 нафар бо “Ифтихорнома”-и Вазорати маориф ва илми Ҷумҳрии Тоҷикистон” ва 4 нафар бо “Ифтихорнома”-и Вазорати фарҳанги Ҷумҳурии Тоҷикистон сарфароз гардонида шуданд.
Иттилоъ дода шуд, ки дар 14 факултети донишгоҳ 259 нафар донишҷӯ тибқи квотаи Президенти Ҷумҳурии Тоҷикистон таҳсил менамоянд.
Дар нишасти матбуотӣ зикр гардид, ки донишгоҳи миллӣ бо 283 муассисаи таҳсилоти олии касбӣ, муассисаҳои илмӣ-таҳқиқотии давлатҳои хориҷӣ ва созмонҳои байналмилалӣ ҳамкорӣ дошта, инчунин аъзои Донишгоҳи шабакавии ИДМ ва Донишгоҳи СҲШ мебошад. Дар баробари ин дар донишгоҳ ҳоло 921 нафар шаҳрванди хориҷӣ таҳсил менамоянд.
Михаил Гусман: «Вақте «Душанбеи офтобӣ» мегӯем, ин ҷо сухан танҳо аз гармии ҳаво не, балки аз гармии дили одамон низ меравад!»
Дар Тоҷикистон Рӯзҳои фарҳанги Озарбойҷон оғоз меёбанд
«Телевизиони Сафина» се филми мустанад — «Таназзули пиряхҳо», «Сарвати башарӣ» ва «Ванҷях» -ро манзури тамошобинон намуд
Мавзеъҳои таърихию фарҳангии ноҳияи Данғараро беш аз 18 ҳазор сайёҳони дохилию хориҷӣ тамошо намудаанд
КОШИНКОРӢ. Он ҳунари дастии қадимии халқи тоҷик аст, ки давоми ҳазорсолаҳо газанд намеёбад
Дар ноҳияи Данғара 46 муассисаи фарҳангӣ фаъолият менамояд
ИМРӮЗ — РӮЗИ БАЙНАЛМИЛАЛИИ ОСОРХОНАҲО. Ба ин муносибат дар Осорхонаи миллӣ 30 барномаи гуногуни фарҳангӣ пешниҳод мешавад
Оид ба ҳифзи гуногунии биологӣ ва экосистема дар Тоҷикистон конференсияи байналмилалӣ баргузор гардид
Ҷаласаи муштараки Шурои ҳамкории башардӯстонаи кишварҳои аъзои ИДМ баргузор шуд
Ҳамкории олимони Тоҷикистон ва Қазоқистон густариш меёбад
Китоби «Устод Айнӣ, таърих, сиёсат» ба нашр расид
