Иҷрокунандаи вазифаи раиси ноҳияи Мастчоҳ аз ҷониби раиси вилояти Суғд муаррифӣ гардид
ДУШАНБЕ, 16.01.2020 /АМИТ «Ховар»/. 15 январ дар мақомати иҷроияи ҳокимияти давлатии ноҳияи Мастчоҳ бо иштироки Раиси вилояти Суғд Раҷаббой Аҳмадзода маросими муаррифии иҷрокунандаи вазифаи раиси ноҳияи Мастчоҳ Тоҳир Азиззода баргузор гардид.
Тавре аз хадамоти матбуотии Раиси вилояти Суғд ба АМИТ «Ховар» хабар доданд, дар маросими муаррифӣ Раҷаббой Аҳмадзода ба раиси пешинаи ноҳияи Мастчоҳ Ғайрат Азиззода барои фаъолияти пурсамараш изҳори сипос намуда, ба Тоҳир Азиззода барои иҷрои вазифаҳои хизматӣ барору комёбиҳо таманно намуд.
Ҳамчунин Раиси вилоят дар назди роҳбарияти ноҳия ҷиҳати беҳтар намудани вазъи соҳаҳои саноату кишоварзӣ, ҳалли масъалаҳои иҷтимоӣ, баррасии саривақтии муроҷиати шаҳрвандон, дастгирии қишри ниёзманди ҷомеа ва боз ҳам беҳтар намудани нишондиҳандаҳо вазифаҳои мушаххас гузошта, изҳори боварӣ намуд, ки сокинони ноҳияи Мастчоҳ ҷашни ҷумҳуриявии Рӯзи Ваҳдати миллиро бо дастовардҳои арзанда истиқбол мегиранд.
Мавриди зикр аст, ки Тоҳир Азиззода 17-уми апрели соли 1980 дар деҳаи Пастиғави ноҳияи Кӯҳистони Мастчоҳ таваллуд шудааст. Ӯ хатмкардаи Донишгоҳи давлатии ҳуқуқ, бизнес ва сиёсати Тоҷикистон мебошад. Номбурда дар вазифаҳои раиси бахши ҷавонони ноҳияи Кӯҳистони Мастчоҳ, раиси хоҷагии деҳқонии ҷамоавии ба номи Мусо Исоев, роҳбари ҶДММ «Пастиғав» ва муовини якуми раиси ноҳияи Кӯҳистони Мастчоҳ кор кардааст.
Ёдовар мешавем, ки аз 13 январи соли 2020 бо Фармонҳои Президенти Ҷумҳурии Тоҷикистон Ғайрат Азиззода бо сабаби ба кори дигар гузаштанаш аз вазифаи раиси ноҳияи Мастчоҳи вилояти Суғд озод гардида, ба ҷойи ӯ иҷрокунандаи вазифаи раиси ноҳияи Мастчоҳи вилояти Суғд Тоҳир Азиззода таъин карда шуд.
«Душанбе пешрафта ва сарсабз мешавад», -бардошт аз ҳамоиш дар Маркази тадқиқоти стратегӣ
МАСЛИҲАТИ МУТАХАССИС. Истифодаи барги тару тозаи қоқу кори узвҳои ҳозимаро тақвият мебахшад
Ҳамкории Ваколатдор оид ба ҳуқуқи инсон дар Тоҷикистон бо мақомоти давлатии Финляндия густариш меёбад
ИМРӮЗ- РӮЗИ КОРМАНДОНИ МАҚОМОТИ АДЛИЯ. Онҳо дар сафи пеши ҳифзи ҳуқуқу озодиҳои асосии инсон, ҳимояи қонуният ва адолат қарор доранд
Озмоишгоҳи миллии референсӣ дар бахши озмоиши бактериологӣ соҳиби Сертификат ва баҳогузории 100-фоиза гардид
«БАРОБАРИИ ГЕНДЕРӢ– ҲАДАФИ РУШДИ УСТУВОР». Дар Душанбе вохӯрии занони Тоҷикистон ва Узбекистон баргузор шуд
Кумаки башардӯстонаи Тоҷикистон ба мардуми аз обхезиҳои шадид зарадидаи Қазоқистон ба роҳ баромад
Намояндагони Тоҷикистон дар Форуми ташкилоти кор бо ҷавонони аъзои ИДМ дар шаҳри Тошканд иштирок намуданд
Кумитаи кор бо ҷавонон ва варзиши Тоҷикистон бо ташкилоти байналмилалии соҳавӣ ҳамкориро тақвият мебахшад
Имрӯз дар Душанбе бо иштироки меҳмонон аз Узбекистон Озмуни ҷумҳуриявии «Кадбонуи беҳтарин» ҷамъбаст гардид
Ҳайати намояндагӣ-занони роҳбари воҳидҳои сохтории Ҷумҳурии Узбекистон ба Тоҷикистон омад
МАРОТИБАИ АВВАЛ. Табибони тоҷик усули нави ҷарроҳӣ дар самти табобати сурхрӯда ва меъдаро амалӣ намуданд
