КОРОНАВИРУС: дар ҷаҳон ҳолати фавқулода эълон карда шуд
ДУШАНБЕ, 31.01.2020/ АМИТ «Ховар»/. Созмони умумиҷаҳонии тандурустӣ (СУТ) паҳншавии коронавируси навро дар соҳаи тандурустии ҷамъиятии дорои аҳамияти байналмилалӣ ҳолати фавқулода эътироф кард. Дар ин хусус дирӯз, 30 январ дар ҷаласаи кумитаи ҳолатҳои фавқулодаи ин созмон қарор қабул карда шуд, хабар медиҳад АМИТ «Ховар» бо истинод ба сомонаи СУТ.
«Ман бо сабаби авҷгирии глобалии коронавирус ҳолати фавқулодаи байналмилалӣ эълон мекунам», — изҳор доштааст директори генералии СУТ Тедрос Адханом Гебрейесус дар Twitter.
Вай шарҳ дод, ки сабаби асосии ин тасмим на танҳо паҳншавии вирус дар Чин, балки ба қайд гирифта шудани он дар дигар кишварҳо низ ҳаст. СУТ, пеш аз ҳама, аз эҳтимолияти паҳн шудани вирус дар кишварҳое, ки низоми тандурустиашон суст рушд мекунад, изҳори нигаронӣ мекунад.
Тибқи маълумоти директори генералии СУТ, 7834 ҳолати сирояти 2019-nCoV тасдиқ карда шудааст, ки 7736 нафари онҳо дар Чин мебошанд. Ин тақрибан 99%-и ҳамаи ҳолатҳои бақайдгирифташуда дар тамоми ҷаҳонро ташкил медиҳад, — илова намуд Гебрейесус. Зиёда аз 170 нафар қурбони вирус гаштаанд ва ҳамаи фавтидаҳо дар Чин ба қайд гирифта шудаанд.
Директори генералии СУТ кӯшишҳои Чинро дар самти пешгирии паҳншавии ин беморӣ назаррас арзёбӣ намуд. Ӯ зикр намуд, ки Пекин дар мубодилаи маълумот оид ба вирус бо СУТ ва ҷомеаи ҷаҳонӣ шаффофияти бештар нишон медиҳад. Ба назари ҷаноби Гебрейесус, «агар амалҳои саривақтии Чин намебуданд, дар ҷаҳон ҳодисаҳои беморӣ ва марг аз коронавирус бештар мегардиданд».
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
23 март-Рӯзи ҷаҳонии обуҳавошиносӣ. Дар ҳар се соат ҳавошиносони тоҷик ба Хадамоти ҷаҳонии ҳавошиносӣ маълумот пешниҳод менамоянд
«НАВРӮЗ ДАР АСЛ ҶАШНИ ЗИНДАГИСОЗ АСТ». Иқтибос аз суханрониҳои Президенти Ҷумҳурии Тоҷикистон
ИМРӮЗ-РӮЗИ БАЙНАЛМИЛАЛИИ ҲИФЗИ ПИРЯХҲО. Ҳифзи пиряхҳо аз обшавии босуръат ҳамкории дастҷамъонаи давлатҳо ва созмонҳои байналмилалиро тақозо менамояд
Пешвои миллат: «Тоҷикистони маҳбуби мо воқеан Ватани аслии Наврӯз аст»
Бузургии Зан-Модар- ин олиҳаи ҳаёт ҳамеша вирди забони башарият аст
Рӯзи Модар рамзи эҳтиром ва қадршиносии махсуси давлату ҳукумати Тоҷикистон нисбат ба Зан-Модар мебошад
