Ректори ДТТ Ҳайдар Одиназода: «Барои баланд бардоштани сифати дониш миёни донишҷӯён усули машғулиятгузарониро дар мактабҳо бояд тағйир дод»
ДУШАНБЕ, 28.01.2020 /АМИТ «Ховар»/. «Омӯхтани илмҳои дақиқ аз мактаби миёна оғоз ёфта, дар донишгоҳҳо идома меёбад. Барои баланд бардоштани сифати дониши донишҷӯён зарур аст, ки дар мактабҳо тарзи машғулиятгузарониро тағйир дода, вақти машқҳои амалӣ зиёд гардонида шаванд»,- гуфт ректори Донишгоҳи техникии Тоҷикистон ба номи М.Осимӣ Ҳайдар Одиназода имрӯз зимни нишасти матбуотии ин ниҳод.
Дар қатори чораҳои баланд бардоштани сифати таълиму тадрис роҳбари донишгоҳ таъмин намудани муассисаҳои таълимиро бо муаллимони физика, химия ва информатика номбар намуд.
«Қобили зикр аст, ки ноил гаштан ба ҳадафи стратегии миллӣ –саноатикунонии мамлакат бе омӯхтани илмҳои дақиқ ғайриимкон аст. Барои ноил гаштан ба ин, сатҳи омӯзиши фанҳои дақиқ бояд пурра баланд бардошта шавад»,-иброз дошт ректори Донишгоҳи техникӣ.
Ёдовар мешавем, ки зимни Паёми солонаи худ ба Маҷлиси Олӣ Президенти Ҷумҳурии Тоҷикистон муҳтарам Эмомалӣ Раҳмон дастур доданд, ки назоратро аз болои омӯхтани илмҳои муосир аз ҷониби донишҷӯён пурзӯр намоянд, онҳоро ба хондани китобҳои бадеӣ ва илмӣ шавқманд созанд, қобилияти эҷодиашонро таҳким бахшанд ва ба омӯхтани илмҳои табиӣ, дақиқ ва риёзӣ таваҷҷуҳи махсус зоҳир намоянд. Сарвари давлат бо мақсади боз ҳам такмил додани ҷараёни омӯзиши илмҳои табиӣ, дақиқ ва риёзӣ, ҳамчунин ташаккул додани тафаккури техникии насли наврас пешниҳод намуданд, ки соли 2020 -2040 «Бистсолагии омӯзиш ва рушди илмҳои табиӣ, дақиқ ва метематика» эълон карда шавад.
Алҳол дар донишгоҳ 10 ҳазору 724 нафар донишҷӯён таҳсил доранд.
«Куллиёт»-и осори Мирзо Турсунзода рӯнамоӣ гардид
Ба шаҳри Панҷакент Шаҳодатномаи Шаҳри байналмилалии ҳунармандӣ дода шуд
«ТУ ҚАЛБИ ТОҶИКИСТОНӢ, ДУШАНБЕ!» Дар пойтахт озмуни шаҳрӣ идома дорад
«ФАРҲАНГИ СУМАНАКПАЗӢ». Ин таоми миллӣ хусусияти табобатӣ низ дорад
Сокинони ноҳияи Ҷаббор Расулов соҳиби туҳфаи Пешвои миллат — «Шоҳнома»-и Абулқосим Фирдавсӣ мегарданд
«ДАР ҲУНАР КӮШ, КИ ЗАР ЧИЗЕ НЕСТ…». Фаъолияти Аспармо Мавлоназарова барои рушди ҳунарҳои миллӣ намунаи ибрати ҷавонон аст
Дар Душанбе дар мавзуи Куруши Кабир ва Эъломияи умумии ҳуқуқи башар ҳамоиш доир гардид
Туҳфаи Президенти Тоҷикистон — «Шоҳнома»-и Абулқосим Фирдавсӣ ба ноҳияи Мастчоҳ расид
ҲИФЗИ МЕРОСИ МИЛЛӢ ДАР ТОҶИКИСТОН. Тавассути сиёсати хирадмандона имрӯз ҷаҳониён бо таъриху фарҳанги миллати мо шинос мешаванд
Донишкадаи давлатии санъати тасвирӣ ва дизайни Тоҷикистон бо «Россотрудничество» ҳамкориро густариш медиҳад
Дар Институти масъалаҳои об, гидроэнергетика ва экология озмоишгоҳи муштараки муҳити экологӣ ба истифода дода шуд
Фестивали байналмилалии «Сӯзании Панҷакент» баргузор мешавад
