Ширкати «ТВЕА Душанбе саноати кӯҳӣ» дар ноҳияи Айнӣ корхонаи нави истеҳсолиро фаъол менамояд
ДУШАНБЕ, 17.01.2020. /АМИТ «Ховар»/. Ширкати «ТВЕА Душанбе саноати кӯҳӣ» соли ҷорӣ дар мавзеи Кумарғи ноҳияи Айнӣ корхонаи нави истеҳсолиро фаъол менамояд. Мавзӯи мазкур зимни мулоқоти Раиси вилояти Суғд Раҷаббой Аҳмадзода ва роҳбари ширкати «ТВЕА Душанбе саноати кӯҳӣ» Юан Син Мин баррасӣ гардид.
Ба иттилои Хадамоти матбуоти Раиси вилояти Суғд, корхонаи нав иқтидори истеҳсоли 1 тонна тилло дар як солро доро буда, дар марҳилаи аввал 200 ва давоми ду соли наздик, яъне то соли 2022 миқдори ҷойҳои нави кориро ба 600 адад расониданӣ аст.
Раиси вилоят иқдоми роҳбарияти ширкатро хуш пазируфта, таъкид кард, ки бунёди корхонаи мазкур метавонад дар раванди татбиқи ҳадафи чоруми стратегӣ, яъне саноатикунонии мамлакат таъсири мусбат расонад.
Зикр гардид, ки ширкат дар соли 2019 корҳои нақшакашӣ, санҷишҳои геологӣ ва бунёди инфрасохтори заруриро ба маблағи 30 миллион доллари амрикоӣ дар ин мавзеъ ба роҳ монда, соли равон ният дорад бо анҷоми корҳои сохтмонӣ ба истеҳсолот шурӯъ намояд. Ҳайати кории ширкатро дар маҷмӯъ 600 корманди техникӣ ва сохтмонӣ фаро мегирад, ки аз ин 426 нафарро коргарони маҳаллӣ ташкил хоҳанд дод.
Раиси вилоят масъулини соҳаро уҳдадор намуд, ки бо таъсиси комиссияи дахлдор раванди омодагиҳоро барои шурӯи фаъолияти корхонаи нави истеҳсолӣ омӯхта, хулосаҳои заруриро пешниҳод намоянд.
Тавсия дода шуд, ки баробари ба роҳ мондани фаъолияти истеҳсолӣ, ширкат ҳамзамон дар вусъати корҳои ободонии ноҳияи Айнӣ, аз қабили таъмиру азнавсозии роҳҳо ва бунёди иншооти иҷтимоӣ саҳмгузор бошад.
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
Дар Тоҷикистон раванди ҷорӣ намудани низоми рамзгузории электронии молҳо амалӣ мегардад
