ДУШАНБЕ, 08.01.2019 /АМИТ «Ховар»/. Соли 2019 дар ноҳияи Рашт ҳаҷми умумии маҳсулоти кишоварзӣ 400  миллиону 341 ҳазор сомониро ташкил намудааст,  ки нисбат ба ҳамин давраи соли гузашта 6 миллиону 937  ҳазор  сомонӣ  зиёд мебошад.  Дар ин бора аз шуъбаи кишоварзии ноҳияи Рашт ба хабарнигори АМИТ «Ховар» иттилоъ доданд.

Дар ин сол  хоҷагиҳои кишоварзӣ дар майдони 1312 гектар  картошка кишт намуда, аз он  46028 тонна картошка истеҳсол намуданд, ки нисбат ба соли 2018 1373 тонна зиёд аст. Ҳамчунин кишоварзони ноҳияи Рашт дар баробари истеҳсоли картошка соли 2019 боз  5891 тонна ғалладонагӣ, 10515 тонна сабзавот, 18075 тонна мевагӣ  ва 82955 тонна хӯроки чорво  ҷамъоварӣ намудаанд.

Дар ноҳияи Рашт  2935 хоҷагии деҳқонии инфиродӣ  фаъолият менамоянд. Давоми соли 2019 73  гектар боғҳои нав бунёд ва дар майдони  213  гектар боғҳои кӯҳнаро барқарор намуданд. Инчунин  дар ҳамаи шаклҳои хоҷагидорӣ 7278  гектар зироати кишоварзӣ кишт карда шуд.

Соли 2019 дар ҳамаи шаклҳои хоҷагидорӣ саршумори чорвои калони шохдор 75600 сар, моли майда 166496 сар, асп 1486 сар, мурғ 117554 сар ва занбӯри асал 21122 оиларо ташкил медиҳад, ки нисбат ба нишондиҳандаҳои ҳамин давраи соли гузашта чорвои калони шохдор 3544 сар, моли майда 6826 сар, асп 28 сар, мурғ 3157 сар ва занбӯри асал 163 оила зиёд шудааст.

Истеҳсоли гӯшт соли 2019  ба 2979,9  тонна, шир ба 6599,8 тонна,  тухм ба 9 млн. 513,4  ҳазор дона, пашм ба 66,5  тонна, асал ба 526,3  тонна ва пилла ба 20,3 тонна расонида шуд.