Абдухалил Ғафурзода: «Дар Академияи идоракунии давлатӣ ихтисосҳои нави бозори меҳнат таъсис ёфтанд»
ДУШАНБЕ, 11.02.2020. /АМИТ «Ховар»/. Соли 2019 барои баланд бардоштани сатҳи таъминоти кадрии муассисаҳои соҳаи хизмати давлатии Ҷумҳурии Тоҷикистон дар зинаи таҳсилоти бакалаврият 4 ихтисоси нав — идораи мақомоти маҳаллӣ, сиёсат ва идораи давлатӣ, менеҷменти молиявӣ, менеҷменти сиёсӣ ва дар зинаи таҳсилоти магистратура 7 ихтисоси нав-менеҷменти сиёсӣ, идораи мақомоти маҳаллӣ, сиёсат ва идораи давлатӣ, менеҷменти молиявӣ, идораи давлатӣ ва иқтисодиёт, идоракунии ҳайати кадрӣ, муносибатҳои байналмилалӣ ва 2 ихтисос дар зинаи таҳсилоти дуюми олии касбӣ- идораи давлатӣ, ҳуқуқ ва менеҷменти сиёсӣ илова карда шуд. Дар ин бора имрӯз зимни нишасти матбуотӣ Ректори Академияи идоракунии давлатии назди Президенти Ҷумҳурии Тоҷикистон, доктори илмҳои ҳуқуқшиносӣ, профессор Абдухалил Ғафурзода иброз намуд.
Бино ба маълумоти номбурда, то соли 2019 дар ин муассисаи олии мамлакат дар зинаи бакалаврият аз рӯи 4 ихтисос (идораи давлатӣ, идораи давлатӣ ва иқтисодиёт, идораи ҳайати кадрӣ ва муносибатҳои байналмилалӣ), дар зинаи магистратура аз рӯи 2 ихтисос (идораи давлатӣ ва амнияти иттилоотӣ) ва 2 ихтисос дар зинаи таҳсилоти дуюми олии касбӣ (идораи давлатӣ ва идораи ҳайати кадрӣ) мутахассис омода карда мешуд.
Ҳамзамон дар зинаи таҳсилоти докторантура (доктори фалсафа PhD аз рӯи ихтисос) аз рӯи 3 равия (равияҳои идоракунии давлатӣ ва маҳаллӣ, муносибатҳои байналмилалӣ, методҳо ва системаҳои ҳифзи иттилоот ва амнияти иттилоотӣ) иҷозатномаи пешбурди фаъолияти таълимӣ гирифта шуд.
Аз ҷониби раёсати таълим дар якҷоягӣ бо мудирони кафедраҳои тахассусӣ барои ҳамаи ихтисосҳои нав (ба миқдори 11 адад) нақшаҳои таълимӣ таҳия гардида, баъди гузаронидан аз ташхиси маркази методии назди Вазорати маориф ва илми Ҷумҳурии Тоҷикистон тасдиқ ва мавриди истифода қарор гирифтанд.
«Ҳадафи асосии Академия бунёди низоми доимоамалкунандаи замонавии тайёр кардани кадрҳои баландихтисоси соҳаи идоракунии давлатӣ (бакалавр, магистр, маълумоти дуюми олӣ ва такмили ихтисоси хизматчиёни давлатӣ), баланд бардоштани сатҳи касбӣ ва салоҳиятнокии хизматчиёни давлатӣ дар Ҷумҳурии Тоҷикистон мебошад»,-гуфт Ректори Академияи идоракунии давлатии назди Президенти Ҷумҳурии Тоҷикистон Абдухалил Ғафурзода.
ҲУНАРМАНД ҲЕҶ ГОҲ ХОР НАМЕГАРДАД. Устои карнайсоз аз Истаравшан бо ин ҳунараш соҳибэҳтиром гардидааст
ПАЙРОҲАИ ЭҶОД. Намоиши инфиродии рассоми Донишкадаи давлатии санъати тасвирӣ ва дизайни Тоҷикистон ифтитоҳ шуд
Оид ба робитаи илм бо истеҳсолот ва технологияҳои коркардшуда машварати илмӣ баргузор гардид
Дар Душанбе оид ба нақши занон дар татбиқи қатъномаи СММ оид ба Соли байналмилалии ҳифзи пиряхҳо ҳамоиш доир шуд
Шоири ғазалсарои тоҷик Ҳофизи Шерозӣ дар қатори бузургтарин шоирони дунё мақоми шоиста дорад
Азнавбақайдгирӣ ва феҳристнигории ёдгориҳои шаҳри Душанбе ба анҷом расид
Ба ифтихори Рӯзи Қувваҳои Мусаллаҳи Тоҷикистон дар Осорхонаи миллӣ ҳамоиши фарҳангӣ баргузор шуд шуд
«САД РАНГИ ЧАКАН». Даври ноҳиявии фестивали ҷумҳуриявӣ дар «Хуррамшаҳр»-и ноҳияи Данғара доир шуд
21 ФЕВРАЛ — РӮЗИ БАЙНАЛМИЛАЛИИ ЗАБОНИ МОДАРӢ. Дар Тоҷикистон ба забони модарии ҳамаи қавму миллатҳо эҳтиром гузошта мешавад
Дар Осорхонаи миллии Тоҷикистон ба ифтихори 700-солагии Ҳофизи Шерозӣ маҳфили ҳофизхонӣ баргузор шуд
Дар Душанбе ҳамкории муассисаҳои илмии Тоҷикистон ва Шоҳигарии Арабистони Саудӣ баррасӣ гардид
Дар Осорхонаи миллии Тоҷикистон намоиши «Воқеънигор» ифтитоҳ гардид
