АЗ САРАЗМ ТО СУҒДИЁН. Сафири Тоҷикистон Имомуддин Сатторов дар Москва доир ба аҳамияти шаҳраки қадимии ҳудуди Панҷакент барои тоҷикон ибрози андеша намуд
ДУШАНБЕ, 25.02.2020/АМИТ «Ховар»/. Дар Москва бо ибтикори Сафорати Ҷумҳурии Тоҷикистон дар Федератсияи Россия ба муносибати бузургдошти 5500-солагии шаҳри бостонии Саразм, ки ба феҳристи Мероси умумиҷаҳонии ЮНЕСКО шомил аст, таҳти унвони «Аз Саразм то Суғдиён» намоиши аксҳо баргузор гардид. Дар ин бора АМИТ «Ховар» бо истинод ба «Sputnik» хабар медиҳад.
Дар намоиш 35 акси деворнигораи қадимӣ ва нигораҳои бозёфтаи бостоншиносон ба тамошо гузошта шуданд. Муаллифи ҳамаи аксҳо коргардони машҳур Сафарбек Солеҳ (Солиев) мебошад.
Сафири Фавқулода ва Мухтори Тоҷикистон дар Россия Имомуддин Сатторов гуфт, ки Саразм, ғайр аз мавзеи бостоншиносӣ, боз кадом арзишҳоеро дорост.
«Барои тоҷикон, ин решаҳо, таърих ва маълумотест, ки мо аз куҷо пайдо шудаем ва якчанд ҳазор сол қабл чиҳо буданд. Фикр мекунам, ки ҳар мардум метавонад бо чунин таърих ва тамаддуни бой ифтихор кунад. Барои ман, ҳамчун тоҷик, донистани ин хеле муҳим аст. Ман фикр мекунам, ки ин ҷашн имконияти хубест барои ҷамъ овардани олимон, дипломатҳо ва сиёсатмадорон, то дар бораи Тоҷикистон ва он ки тоҷикон яке аз халқҳои қадимтаринанд, суҳбат орост. Таърихи мо – ин Суғдиён, Бохтар, Саразм ва Панҷакент мебошад. Мо инро дар асоси афсонаҳо намегӯем, балки таваҷҷуҳро ба боигариҳое, ки дар осорхонаҳои миллии Тоҷикистон ва Эрмитажи давлатӣ дар Санкт-Петербург нигаҳдорӣ мешаванд, ҷалб менамоем», — шарҳ дод ӯ ба «Sputnik».
Ба гуфтаи ӯ, иштироки зиёди одамон дар маросими ифтитоҳи намоиш ғайричашмдошт буд. Ба Сафорат садҳо занги телефонӣ ворид мешуд — бисёре аз сокинони Москва мехостанд чиптаҳои ройгон гирифта, дар бораи таърихи чандҳазораи Саразм маълумот пайдо кунанд.
Дипломат таъкид кард, ки Саразм танҳо як фоиз омӯхта шудааст. Намоишгоҳ бояд ба коршиносони рус аҳамияти таҳқиқи ин иншоотро ёдрас намояд.
Акс аз Sputnik
«ШОҲИ ТАОМҲО». Фестивали «Оши палав» ва Намоиш-фурӯши шолӣ ва биринҷ бо шукӯҳу шаҳомати хос доир гардид
«ОМАД ХУҶАСТА МЕҲРГОН, ҶАШНИ БУЗУРГИ ХУСРАВОН!». Дар Душанбе Иди Меҳргон таҷлил гардид
Президенти Тоҷикистон: «Меҳргон бояд ба омили рушди фарҳанг, сайёҳӣ ва иқтисоди миллӣ табдил дода шавад»
МЕҲРГОН-ҶАШНИ БАРАКАТУ ФАРОВОНӢ ВА МЕҲРУБОНӢ. Иқтибосҳо аз суханрониҳои Президенти Тоҷикистон
Форуми байналмилалии «Ҳамкории муштараки киносозону продюсерон» ва нишасти матбуотӣ баргузор гардид
«ЗАБОНИ МО – ҶАҲОНИ МО». Анҷумани сеюми забоншиносони давлатҳои ҳамзабону ҳамфарҳанг доир шуд
Иштирокдорони Анҷумани сеюми забоншиносони ҷаҳон бо осори таърихию фарҳангии Осорхонаи миллии Тоҷикистон шинос шуданд
Пагоҳ дар Тоҷикистон Иди Меҳргон таҷлил мегардад
Дар Душанбе Рӯзҳои кинои Эрон оғоз гардиданд
ИМРӮЗ–РӮЗИ КИНОИ ТОҶИК. Аз соли 1991 то соли 2025 дар маҷмуъ 313 филм ба навор гирифта шудааст
«ЗАБОНИ МО – ҶАҲОНИ МО». 16 октябр Анҷумани сеюми забоншиносони давлатҳои ҳамзабону ҳамфарҳанг баргузор мегардад
ФИЛМҲОИ МИЛЛӢ ДАР ҶАШНВОРАҲОИ БАЙНАЛМИЛАЛӢ ЭЪТИРОФ ВА ҚАДРДОНӢ МЕШАВАНД. Эҳдо ба Рӯзи кинои тоҷик
