Дар Вазорати фарҳанги ҷумҳурӣ вазъи имрӯзаи театри тоҷик ва драматургияи муосир баррасӣ гардид

Февраль 19, 2020 14:40

ДУШАНБЕ, 19.02.2020 /АМИТ «Ховар»/. 18 феврал дар Вазорати фарҳанги Ҷумҳурии Тоҷикистон дар мавзӯи «Вазъи имрӯзаи театри тоҷик ва драматургияи муосир» ҷаласаи корӣ баргузор гардид. Дар ин бора ба хабарнигори АМИТ «Ховар» аз маркази матбуоти Вазорати фарҳанги Ҷумҳурии Тоҷикистон иттилоъ доданд.

Бино ба иттилои манбаъ, дар ҷаласа муовини якуми Вазири фарҳанг Обидҷон Назариён, роҳбарон ва ҳунарпешаҳои театрҳои касбӣ, драматургон, коргардонҳо ва мунаққидони театрӣ иштирок намуданд.

Дар ҳамоиш мавзӯъҳои мубрами марбут ба фаъолияти театрҳо, аз ҷумла «Мушкилот ва пешомадҳои драматургияи тоҷик дар замони Истиқлолият», «Ҷустуҷӯ ва ковишҳо дар асарҳои драмавии имрӯза», «Андешаҳо перомуни репертуари театрҳои мамлакат» ва «Драматургия ва мақоми он дар ҷомеа» мавриди баррасӣ ва таҳлил қарор гирифтанд.

Иштирокчиён оид ба мушкилоти таҳияи асарҳои барҷаста, ки инъикосгари муаммоҳои мубрами ҳаёти имрӯза ва дастовардҳои солҳои истиқлолият мебошанд, сухан гуфта, пешниҳод намуданд, ки минбаъд байни драматургон ва коргардонҳо ҳамкории зич ба роҳ монда шавад.

Зимни ҷаласа доир ба шомил намудани намояндаи бахши драматургияи Иттифоқи нависандагони Тоҷикистон ба Шӯрои бадеии театрии Вазорати фарҳанг, таъсиси нашрияи театрӣ ва ташкили фестивалҳои байналмилалии театрӣ дар Тоҷикистон мавриди таҳлил қарор гирифт.

Бояд тазаккур дод, ки соли 2019 аз ҷониби театрҳои касбии мамлакат 55 асари нав пешниҳод гардиданд, ки 30 асар аз драматургони тоҷик ва 25 асар аз муаллифони хориҷӣ мебошанд.

Ҳамчунин соли гузашта аҳли санъат ва ҳунари тоҷик дар чандин барномаҳои байналмилалӣ ширкат варзида, сазовори ҷойҳои намоён гардиданд.

Имсол кормандони театр  ният доранд, ки бо пешниҳоди асарҳои баландмазмун ба дастовардҳои бештар ноил шаванд.

Февраль 19, 2020 14:40

Хабарҳои дигари ин бахш

Дар мавзеи Сари Майни ноҳияи Айнӣ корҳои омӯзишии бостоншиносӣ ва антропологӣ оғоз ёфт
Санъаткорони Қирғизистон Осорхонаи миллии Тоҷикистонро тамошо карданд
Дар Душанбе бо мақсади рушди ҳамкорӣ дар самти илмҳои яхшиносӣ вохӯрӣ баргузор гардид
Ба Маркази мероси хаттӣ беш аз 100 нусха китобҳои чопи сангӣ ва дастнависҳо тақдим гардид
«ШОҲНОМА». Фирдавсӣ дар сар то сари ин асари безавол дӯст доштани Ватанро таъкид мекунад
Беш аз 23 ҳазор нусха китобҳои Китобхонаи миллии Тоҷикистон ба шаҳру ноҳияҳои ҷумҳурӣ фиристода шуд
«ДӮСТИИ АБАДӢ». Таҳту чунин унвон барномаи фарҳангии Тоҷикистон ва Қирғизистон доир мегардад
Собиқ Вазири фарҳанги Ҷумҳурии Тоҷикистон Тамара Абдушукурова аз олам даргузашт
Ҷаласаи вазирони фарҳанги давлатҳои аъзои Созмони ҳамкории Шанхай доир гардид
Имсол дар Академияи миллии илмҳои Тоҷикистон 8 озмоишгоҳи замонавӣ ба истифода дода шуд
ҲАРГИЗ НАМИРАД ОН КИ ДИЛАШ ЗИНДА ШУД БА ИШҚ. Девони Ҳофиз дар Тоҷикистон беш аз сад маротиба ба нашр расидааст
КУЛОЛГАРӢ. Саразми бостон яке аз нахустин марказҳои кулолгарии Осиёи Марказӣ будааст