Директори Агентии «Тоҷикстандарт» Қудрат Давлатзода: «Соли 2019 ба миқдори 2 313 736 кг маҳсулоти хӯроквории гуногуни пастсифат ошкор гардид»
ДУШАНБЕ, 03.02.2020 /АМИТ «Ховар»/. Агентии стандартизатсия, метрология ва нозироти савдои назди Ҳукумати Ҷумҳурии Тоҷикистон соли 2019 ба миқдори 2 313 736 кг маҳсулоти хӯроквории гуногуни пастсифат ошкор намуд. Дар ин бора имрӯз зимни нишасти матбуотӣ директори Агентии «Тоҷикстандарт» Қудрат Давлатзода иттилоъ дод.
«Як қисми ин маҳсулот аз ҷиҳати бехатарӣ ва қисми дигари он аз рӯи тамғагузорӣ дар борҷомаашон ба талабот ҷавобгӯй набуданд. Нисбат ба воридкунандагону истеҳсолкунандагони ин маҳсулот тадбирҳои маъмурӣ андешида шуданд»,-гуфт Қудрат Давлатзода.
Бино ба маълумоти номбурда, дар ин давра дар озмоишгоҳҳои ташхисии маҳсулоти хӯроквории Агентӣ аз рӯи сифату бехатарӣ ва тамғагузорӣ 732 298 кг маҳсулоти гӯштӣ, 252 214 кг равғани растанӣ, 22 683 литр нӯшокиҳои спиртӣ, 513 640 литр нӯшокиҳои ташнагишикан, 62 805 кг маҳсулоти қаннодӣ, 139 947 кг намак, 33 853 кг чой, какао, қаҳва, 3349 кг маҳсулоти ширӣ, 45 560 кг иловагиҳои ғизоӣ, 3930 кг консерваҳо, 8 490 кг қанду набот, 1743 кг маҳсулоти макаронӣ, 195 110 кг орди гандумӣ, 206 395 кг меваи хушк, 42 346 дона тухми мурғ, 353 648 дона қандакҳои хитойӣ ва дигар маҳсулот, ки қисми зиёдашон маҳсулоти воридотӣ ба ҳисоб мераванд, ғайристандартӣ дониста шуданд.
Аз ҷониби нозироти савдо соли 2019 маҳсулоти ғайрихӯрокворӣ аз ҷумла, масолеҳи сохтмонӣ – 66 468 кг, фурӯзонакҳои тафсон – 4 973 дона, фурӯзонакҳои каммасраф – 6 782 дона, маводи ороишӣ – 21 685 адад, бозичаҳо – 85 778 дона, ноқил–47 042 метр (аз рӯи ташхис), тамоку 11 292 кг, тахта — 121 м3, матоъ – 2 439 м, телефони мобилӣ – 462 адад, дафтар – 8 540 дона, китоб – 300 дона, либос – 2689 адад, либоси мактабӣ – 480 ҷуфт, ки ба талаботи ҳуҷҷатҳои меъёрӣ-техникӣ ҷавобгӯй набуданд, ошкор ва аз муомилот гирифта шуданд.
«Бо мақсади таъмини риояи ҳуқуқҳои истеъмолкунадагон ва ҳимояи бозори истеъмолӣ оид ба воридшавии маҳсулоти ғайристандартӣ барои вайрон кардани қоидаҳои савдо, фиреб додани истеъмолкунандагон ва риоя накардани талаботи қонунгузории соҳа дар 8599 ҳолат ба маблағи умумии 2 001 180 сомонӣ қарорҳо оид ба бастани ҷаримаи маъмурӣ бароварда шуданд»,-иброз намуд директори Агентии «Тоҷикстандарт» Қудрат Давлатзода.
«DIGITAL TAJIKISTAN 2026». Моҳи ноябр дар Душанбе форуми байналмилалӣ доир мешавад
Оид ба татбиқи Конвенсияи Созмони Милали Муттаҳид бар зидди коррупсия дар Ҷумҳурии Тоҷикистон вохӯрӣ доир шуд
Дар Бохтар Форуми байналмилалии сармоягузории «Хатлон Инвест – 2026» баргузор мешавад
Ҷамшед Нурмаҳмадзода: «Омори боэътимод заминаи муҳими банақшагирӣ, пешрафт ва қабули қарорҳои дуруст ба манфиати ҷомеа аст»
Байни Тоҷикистон ва Чин Ёддошти тафоҳуми ҳамкорӣ дар соҳаи стандартизатсия ба имзо расид
Тоҷикистон ва Арманистон ҳамкориро дар самти ҳифз ва барқарорсозии экосистемаҳо ва мониторинги гуногунии биологӣ тақвият медиҳанд
Байни Тоҷикистон ва Чин Ёддошти тафоҳум оид ба мусоидат ба ҳамкорӣ дар соҳаи инфрасохтор ва сохтмони муҳандисӣ ба имзо расид
Байни мақомоти зиддикоррупсионии Тоҷикистон ва Чин Ёддошти тафоҳум оид ба пешгирӣ ва мубориза бо коррупсия ба имзо расид
Дар Агентии авиатсияи гражданӣ дар мавзуи «Амнияти иттилоотӣ дар шароити таҳдидҳои киберии муосир» ҳамоиш доир шуд
Дар Тоҷикистон беш аз 4 ҳазор коргоҳу корхонаи истеҳсолӣ фаъолият менамояд
Сохтмони роҳи таворавии шаҳри Кӯлоб қадами муҳим дар рушди инфрасохтори нақлиётии Тоҷикистон аст
Дар вилояти Суғд ҳаҷми истеҳсоли маҳсулоти кишоварзӣ ба беш аз 21 миллиард сомонӣ расид
