Дониш пояи аслии расидан ба муваффақият аст. ММКД-и шаҳри Бохтарро 160 нафар донишҷӯ хатм намуд
ДУШАНБЕ, 19.02.2020 /АМИТ «Ховар»/. Мактаби маълумоти касбӣ ва давомдори (ММКД) Донишгоҳи Осиёи Марказӣ дар Маркази омӯзишии шаҳри Бохтар нахустин маросими хатми таҳсил баргузор намуд. Беш аз 160 нафар донишҷӯён дарсҳои забони англисии сатҳи гуфтугӯӣ, забони русӣ, банақшагирии тиҷорат, муҳосибот ва гувоҳномаи байналмилалии корбарии компютер (ICDL)-ро бо муваффақият хатм карданд. Маросими хатми таҳсил дар «Кохи Ватан»-и шаҳри Бохтар бо иштироки намояндагони Ҳукумати Тоҷикистон ва созмонҳои байналмилалӣ баргузор гардид. Маркази омӯзишии шаҳри Бохтар моҳи марти соли 2019 ифтитоҳ шуда, то имрӯз 635 нафар донишомӯзро ба таҳсил фаро гирифтааст.
-ММКД фурсатеро фароҳам кардааст, ки ман метавонам дониши худро дар заминаи тиҷорат ва инчунин эҷоди робита бо дигар соҳибкорон дар вилоят тавсеа диҳам,-мегӯяд хатмкунандаи дарси банақшагирии тиҷорат аз ноҳияи Ҷайҳун Акмал Акрамшоев.
«Дониш пояи аслии расидан ба муваффақият аст ва чизе, ки мо дар ММКД омӯхтем, ба амалӣ намудани нақшаҳо, расидан ба қуллаҳои нав ва боло бурдани маҳорати касбии мо ба гунаи чашмрас мусоидат мекунад»,- меафзояд Акмал Акрамшоев.
Шурӯъ аз моҳи марти соли 2019 54 донишомӯз дар дарси 150-соатаи ММКД худро сабти ном карда, 46 нафари онҳо ҳангоми маросими хатм соҳиби гувоҳнома гардиданд.
Мактаби маълумоти касбӣ ва давомдор ба унвони шарики амалӣ намудани лоиҳаи «Пешрафти Тоҷикистон» ҳадаф гузоштааст, ки 165 ҳазор нафар сокинонро мустақиман ва 460 ҳазор бошандаи 16 ноҳияи Тоҷикистон, воқеъ дар марз бо Афғонистонро ба таври ғайримустақим ба барномаҳои худ фаро гирад.
Лоиҳаи «Пешрафти Тоҷикистон» ҳамкории худро ҷиҳати тақвияти рушди иҷтимоӣ-иқтисодии сокинони вилояти Хатлон ва Вилояти Мухтори Кӯҳистони Бадахшон тавсеа медиҳад.
ММКД дар доираи ин лоиҳа соҳибкоронро дар заминаи дастрасӣ ба сармоягузорӣ ва хизматрасониҳои техникӣ дастгирӣ мекунад. Ҳадафи мазкур ба густариши давраҳои омӯзишии соҳибкорӣ (200 нафар) ва соҳибкории иҷтимоӣ (160 нафар) нигаронида шуда, ММКД Донишгоҳи Осиёи Марказӣ дар 16 ноҳияи марзии вилоятҳои Бадахшон ва Хатлон амалӣ мешавад.
ДАР АКС: Ашам Миралиева (аз тарафи рост), хатмкунандаи барномаи забони англисии ММКД дар ҳоли гирифтани гувоҳнома аз дасти директори Мактаби маълумоти касбӣ ва давомдор Диловар Бутабеков.
Давоми шабонарӯзи охир бар асари бориши шадид дар минтақаҳои гуногуни Тоҷикистон сел ба амал омад
Бахшида ба Рӯзи ҷавонони Тоҷикистон Вазири корҳои дохилӣ бо ҷавонони фаъол вохӯрӣ намуд
Директори Хазинаи байналмилалии асъор бо занони пешсафи тоҷик мулоқот намуд
МОҲВОРАИ ҶАВОНОН. Дар шаҳри Бохтар Фестивали бозиҳои миллӣ баргузор гардид
«МАКТАБИ СИЁСИИ ПЕШВОИ МИЛЛАТ». Таҳти чунин унвон конференсияи 4-уми байналмилалии илмӣ-амалӣ доир шуд
БАХШИДА БА РӮЗИ ҶАВОНОНИ ТОҶИКИСТОН. Дар ноҳияи Панҷ бо афсарону сарбозони қисмҳои ҳарбӣ вохӯрӣ доир гардид
Дар Душанбе масъалаи фарогирии умумӣ ба хизматрасонии тандурустӣ баррасӣ гардид
Дар Душанбе бо намояндагони созмонҳои байналмилалӣ оид ба коҳиши хатари офатҳои табиӣ мулоқот доир гардид
ОГОҲИИ АГЕНТИИ ОБУҲАВОШИНОСӢ. Давоми чор рӯз дар Тоҷикистон ҳавои номусоид ва сел пешгӯӣ мешавад
Дар Душанбе маҷлиси Раёсати Кумитаи Иҷроияи Марказии Ҳизби Халқии Демократии Тоҷикистон баргузор гардид
«РУШДИ САРМОЯИ ИНСОНӢ». Таҳти чунин унвон Форуми байналмилалӣ доир гардид
Дар Тоҷикистон бо иштироки роҳбарони иттифоқҳои касабаи давлатҳои Осиёи Марказӣ омӯзиш баргузор гардид
