Доварони бозии дастаи «Хуҷанд» ва «Нефтчӣ» муайян гардиданд

Февраль 13, 2020 14:20

ДУШАНБЕ, 13.02.2020. /АМИТ «Ховар»/. Конфедератсияи футболи Осиё ҳакамонеро, ки бозиҳои дастаҳои  футболи «Хуҷанд»-и Тоҷикистон ва  «Нефтчӣ»-и Қирғизистонро дар плей-оффи Ҷоми КФО-2020 доварӣ мекунанд, таъйин намуд. Бозии аввали плей-оффи Ҷоми КФО-2020 миёни дастаҳои «Нефтчӣ» барандаи Ҷоми Қирғизистон ва «Хуҷанд» ноиби қаҳрамони Тоҷикистонро ҳакамон аз Кореяи Ҷанубӣ бо сарварии довари ФИФА Чае Санг-Ҳёп баҳогузорӣ мекунанд. Дар ин бора шореҳи варзиши АМИТ «Ховар» Меҳрони Қурбон бо истинод ба Федератсияи  футболи Тоҷикистон иттилоъ  медиҳад.

Тибқи иттилои манбаъ, ҳакамони бозии ҷавобии плей-оффи Ҷоми Конфедератсияи футболи Осиё -2020 миёни дастаҳои   «Хуҷанд» ва «Нефтчӣ» аз Урдун мебошанд. Довари ФИФА Аҳмад Файсал Муҳаммад Ал-Алӣ сардовари ин бозӣ таъйин шудааст.

Ёдовар мешавем, ки  бозии аввали плей-оффи Ҷоми КФО-2020 миёни дастаҳои футболи «Нефтчӣ» ва «Хуҷанд» 19 феврали соли равон   дар варзишгоҳи «Қурмонбек»-и Ҷалолобод ва бозии ҷавобӣ  26 феврал дар Варзишгоҳи марказии  шаҳри Душанбе баргузор мешаванд.

Аз рӯи натиҷагирии ду бозӣ миёни  дастаҳои «Нефтчӣ» ва «Хуҷанд» дастаи ғолиб ба марҳилаи гурӯҳии Ҷоми КФО-2020 роҳ меёбад ва дар гурӯҳи «D» бо  дастаҳои футболи  «Истиқлол»-и Тоҷикистон, «Олтин Асир»-и Туркманистон  ва «Дордой»-и Қирғизистон бозӣ хоҳад кард.

Ҷоми АFC-2020

Минтақаи Марказӣ

Плей-офф. Бозии аввал

19-уми феврал (чоршанбе)

Оғози бозӣ – соати 14:00 (бо вақти маҳаллӣ)

«Нефтчӣ» (Қирғизистон) – «Хуҷанд» (Тоҷикистон)

Сардовар: Чае Санг-Ҳёп (Кореяи Ҷанубӣ)

Ҷалолобод, варзишгоҳи «Қурмонбек»

Плей-офф. Бозии ҷавобӣ

26-уми феврал (чоршанбе)

Оғози бозӣ – соати 16:00 (бо вақти Душанбе)

«Хуҷанд» (Тоҷикистон) – «Нефтчӣ» (Қирғизистон)

Сардовар: Аҳмад Файсал Муҳаммад Ал-Алӣ (Урдун).

Душанбе, Варзишгоҳи марказии ҷумҳуриявӣ

Февраль 13, 2020 14:20

Хабарҳои дигари ин бахш

Таҳкими ҳамкорӣ байни Тоҷикистон ва вилояти Форси Эрон дар бахши ҷавонон ва варзиш баррасӣ гардид
Дар Ҳисор мусобиқаи «CAFA Nations Сup 2025» дар гурӯҳи «В» оғоз мешавад
Ҳайати Кумитаи кор бо ҷавонон ва варзиши Тоҷикистон бо Академияи Кумитаи миллии олимпии Эрон шинос шуд
Барномаи иҷроии ҳамкорӣ байни Тоҷикистон ва Эрон дар соҳаи варзиш ва ҷавонон ба имзо расид
Бо иштироки ҷавонони Тоҷикистон ва Эрон ҳамоиш доир гардид
Дар Теҳрон густариши ҳамкории Тоҷикистон ва Эрон дар самти ҷавонон ва варзиш баррасӣ гардид
Ғолиби «Ҷоми Раиси ВМКБ» аз намуди волейбол муайян карда шуд
«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад