Худ ва дигаронро аз бемориҳо ҳифз намоед! Тавcияҳои Ташкилоти Умумиҷаҳонии Тандурустӣ оид ба пешгирии коронавирус

ДУШАНБЕ, 05.02.2020 /АМИТ «Ховар»/. Шурӯъ аз охирҳои моҳи декабри соли 2019 мақомоти Чин ба  Созмони умумиҷаҳонии тандурустӣ доир ба хуруҷи бемории илтиҳоби шуши номаълум дар шаҳри Вуҳан, воқеъ дар қисми марказии ин мамлакат хабар доданд. Коршиносон ангезандаи бемориро муайян карда, ба хулосае омаданд, ки ин коронавируси 2019-nCoV мебошад. Имрӯз ҳолатҳои сирояти коронавирус ғайр аз Ҷумҳурии Мардумии Чин дар    23 кишвари дигар дида мешаванд. Ташкилоти Умумиҷаҳонии Тандурустӣ (ТУТ)   авҷ гирифтани бемории мазкурро  чун  ҳолати  фавқулодаи дорои аҳамияти байналмилалӣ эътироф  намудааст. Бо мақсади пешгирӣ аз коронавирус Ташкилоти Умумиҷаҳонии Тандурустӣ бо ҷалби доираи васеи коршиносон тавсияҳо ва пешниҳодҳои худро таҳия намудааст:

Шустани дастон:

— шустани дастон бо собун дар вақте ки ифлосии дастон намоён аст.

— агар ифлосии дастон намоён набошад, мунтазам дастонро бо собун ва ё маҳлулҳои безараргардонанда тоза кунед.

Дар чунин ҳолатҳо ҳатман шустани дастон шарт аст: 

— баъди сулфазанӣ ё атса,

— ҳангоми нигоҳубини бемор,

— пеш аз тайёр кардани хӯрок ва пас аз он,

— пеш аз хӯрок хӯрдан,

— баъд аз ҳоҷат кардан,

— баъди тоза кардани партовҳои ҳайвонот.

Худро солим нигоҳ доред!

— баъди даст задан ба ҳайвонот ва маҳсулоти гӯштӣ тез-тез дастонатонро бо собун шӯед,

— таҷҳизот ва ҷои кориро дар як рӯз як маротиба тоза ва дезинфексия кунед.

Дигаронро аз беморӣ ҳифз намоед!

— ҳангоми сулфазанӣ ва таби баланд аз робитаи наздик бо дигарон дурӣ ҷӯед,

— аз туф кардан дар ҷойҳои ҷамъиятӣ худдорӣ кунед,

— агар шумо табларза, сулфа ва нафаскашии душвор дошта бошед, сари вақт ба духтур муроҷиат кунед,

— ҳангоми кор бо ҳайвонот ва маҳсулоти гӯштӣ хилъати ҳимоявӣ, дастпӯшак ва ниқоб пӯшед,

— баъди анҷоми кор лавозимоти ҳимоявиро кашед. Ҳар  рӯз хилъатро шуста, дар ҷои кор нигоҳ доред,

— бо либосу пойафзоли кории ифлос ба хона наравед, то аъзои оиларо низ ба беморӣ мубтало накунед.

Риоя ва таъмини бехатарии ғизо

— дар минтақаҳое, ки хуруҷи беморӣ мавҷуд аст, бояд маҳсулоти гӯштии бехатар истеъмол намуд. Ба шарте, ки тарзи дуруст ва бехатар кардани хӯрок риоя шуда бошад,

— Чорвое, ки бо сабаби беморӣ мурдаанд, набояд хӯрда шаванд,

— барои пора кардани гӯшти хом ва таомҳои пухта аз корд ва тахтачаи алоҳида бояд истифода намуд,

— ҳангоми истифодаи ғизои хом ва пухта бояд дастонро шуст,

— ҳангоми сулфа ва атсазанӣ даҳон ва бинии худро бо даст ё рӯймолча пӯшонед,

—  дастмолҳои истифодашударо партофта, дастонро ҳатман шӯед,

— дастмолҳои истифодашударо ҳатман ба зарфҳои пӯшида партоед,

— баъди нигоҳубини бемор дастонро бо собун ва ё маҳлулҳои безараргардонанда шуста тоза кунед.

Ҳангоми саёҳат кардан

— танҳо хӯрокҳои хуб пухта шударо истеъмол намоед,

— аз туф кардан дар ҷойҳои ҷамъияти худдорӣ кунед,

— аз робитаи наздик ва сафар бо бо ҳайвоноти бемор худдорӣ кунед,

— ҳангоми дар сафар бемор шудан ба экипаж хабар диҳед ва сари вақт барои расонидани  кумаки тиббӣ муроҷиат кунед,

— агар ба кумак ва таваҷҷуҳи тиббӣ эҳтиёҷ дошта бошед, ҳолат ва таърихи онро ба духтур фаҳмонед,

— агар пӯшидани ниқобро ихтиёр кардед,  боварӣ ҳосил кунед, ки даҳон ва бинӣ пӯшида шудаанд,

— баъд аз пӯшидани ниқоб ба он даст нарасонед,

— пас аз истифодаи ниқоби яккарата онро фавран партофта, дастонатонро шӯед,

— аз робитаи наздик бо шахсони  гирифтори табларза ва сулфазанӣ худдорӣ кунед,

— ба чашм, бинӣ ё даҳон даст нарасонед,

— агар табларза ва сулфа дошта бошед, аз сафар худдорӣ намоед,

— агар табларза, сулфа ва нафаскашии душвор дошта бошед, сари вақт ба духтур муроҷиат кунед.