Шамс Аббосӣ: «Таҳти роҳбарии Эмомалӣ Раҳмон мардуми тоҷик дар самти мубориза бо тағйирёбии иқлим ва пешбурди донишҳои экологӣ қадамҳои бузург мегузоранд»
ДУШАНБЕ, 31.05.2025. /АМИТ «Ховар»/. «Сарфи назар аз таъсири ҷаҳонии тағйирёбии иқлим ва гармшавии глобалӣ муҳити Тоҷикистон то ҳол тоза ва бехатар боқӣ мондааст. Шумо воқеан мардуми хушбахт ҳастед. Ман метавонам бо боварии комил иброз намоям, ки Тоҷикистон яке аз давлатҳои камшумори ҷаҳон аст, ки то ҳол низоми табиии худро нигоҳ доштааст. Чунин иброз дошт дар суҳбат бо хабарнигори АМИТ «Ховар» мухбири Агентии «Ассошиэйтед пресс» дар Покистон Шамс Аббосӣ.
«Таҳти роҳбарии Президенти Ҷумҳурии Тоҷикистон муҳтарам Эмомалӣ Раҳмон, шумо дар самти ҳифзи табиат, мубориза бо тағйирёбии иқлим ва пешбурди донишҳои экологӣ қадамҳои бузург гузоштаед», — гуфт Шамс Аббосӣ.
Мухбири Агентии «Ассошиэйтед пресс» дар Покистон ҳамчунин изҳор намуд, ки «Тоҷикистон дар минтақа мамлакати нодир ва беназир аст. Ин давлат дорои пиряхҳои зиёд, кӯҳҳои баланд ва табиати бой аст. Дар ҳоле ки бисёр давлатҳо роҳи саноатисозии босуръат ва рушди фарогирро пеш гирифтаанд ва он аксаран ба муҳити зист зарар мерасонад, Тоҷикистон роҳи устувору оқилонаро интихоб намудааст. Ба назари ман, ин иқдоми дуруст ва саривақтӣ мебошад».
Шамс Аббосӣ мегӯяд, ки «баргузории Конфронси байналмилали сатҳи баланд оид ба пиряхҳо яке аз иқдоми муҳими Тоҷикистон аст, ки роҳбарии ҷаҳониро нишон медиҳад. Ҳамин аст, ки имрӯз Тоҷикистон дар самти обу иқлим ва ҳифзи пиряхҳо барои дигар мамлакатҳо намунаи ибрат гаштааст».
Ёдовар мешавем, ки дар Конфронси байналмилалии сатҳи баланд оид ба ҳифзи пиряхҳо беш аз 500 нафар хабарнигор аз давлатҳои ҷаҳон иштирок доранд, ки аз ҷараёни баргузории ин конфронс хабару гузоришҳо пешниҳод менамоянд.
Шамс Аббосӣ аз зумраи чунин хабарнигороне мебошад, ки аз ҷараёни баргузории конфронс дар Агентии «Ассошиейтед пресс»-и Покистон хабару гузоришҳои муфассал инъикос менамояд.
Моҳинави НАВРӮЗ,
АМИТ «Ховар»
АКС: АМИТ «Ховар»









Тоҷикистон барои мубориза бо тағйирёбии иқлим ва ҳифзи пиряхҳо иқдомҳои мушаххасро тақвият мебахшад
Дар Донишкадаи кӯҳию металлургӣ оид ба ташаббусҳои ҷаҳонии Президенти Тоҷикистон конфронси байналмилалӣ доир гардид
Ташаббусҳои байналмилалии Тоҷикистон дар соҳаи обу иқлим дар Донишкадаи таҳсилоти обии Делфт муаррифӣ гардиданд
КОНСТИТУТСИЯ—ШОҲСУТУНИ ДАВЛАТ. Иқтибосҳо аз суханрониҳои Президенти Тоҷикистон
Намояндаи Тоҷикистон дар брифинги Конвенсия оид ба ботлоқзор дар Женева иштирок намуд
Корҳои омодагӣ ба ҷашни 40-солагии Истиқлолияти давлатии Ҷумҳурии Тоҷикистон оғоз гардиданд
Дар Душанбе оид ба афзалияти иқлимии Тоҷикистон дар остонаи COP31 ва муаррифии NDC 3.0 ҳамоиш доир шуд
Сафири Тоҷикистон дар Ҳамоиши байналмилалии «Ҳафтаи оби Қоҳира-2026» иштирок намуд
Намояндаи Тоҷикистон ба ҳайси раиси Мақомоти ёрирасон ҷиҳати татбиқи Конвенсияи СММ оид ба гуногунии биологӣ интихоб гардид
Моҳи майи соли 2027 Душанбе мизбони Конфронси байналмилалии сатҳи баланд бахшида ба оғози Даҳсолаи байналмилалии таҳкими сулҳ мегардад
Оид ба тадқиқоти пиряхҳо ва раванди гузаронидани корҳои экспедитсионӣ машварати илмӣ-назариявӣ доир гардид
Сафири Тоҷикистон дар Амороти Муттаҳидаи Араб дар брифинги оид ба раванди омодагӣ ба Конфронси оби СММ-2026 иштирок намуд






