ИНТИХОБОТ-2020. Мушоҳидони ИДМ бо кори як зумра комиссияҳои ҳавзавӣ ва участкавии интихоботӣ шинос шуданд

Февраль 19, 2020 12:04

ДУШАНБЕ, 19.02.2020 /АМИТ «Ховар»/. Миссияи мушоҳидони Иттиҳоди Давлатҳои Мустақил (ИДМ) мушоҳидаи ҷараёни омодагӣ ба интихоботи парлумониро дар Тоҷикистон идома медиҳад. Мушоҳидони дарозмуддати Иттиҳод аз ҳавзаҳои интихоботии Бохтар, Кӯшониён, Сомонӣ, Турсунзода, Шаҳринав ва Ҳисор дидан намуда, бо кори комиссияҳои ҳавзавӣ ва участкавии интихоботӣ оид ба интихоботи Маҷлиси намояндагони Маҷлиси Олии Ҷумҳурии Тоҷикистон шинос шуданд. Дар ин бора мухбири АМИТ «Ховар» бо истинод ба Ситоди миссияи мушоҳидони ИДМ хабар медиҳад.

Аъзои комиссияҳои интихоботӣ ба мушоҳидон дар бораи натиҷаҳои кор оид ба саҳеҳияти рӯйхатҳои овоздиҳандагон, таълими аъзои комиссияҳои интихоботӣ ва огоҳ кардани интихобкунандагон доир ба вақт ва макони овоздиҳӣ маълумот доданд.

Намояндагони Миссия имкон пайдо карданд, ки бо ҳуҷҷатҳои вобаста ба омодагӣ ба интихобот, аз ҷумла протоколҳои маҷлисҳои комиссияҳои интихоботӣ шинос шаванд. Мушоҳидон зикр менамоянд, ки роҳбарият ва аъзои комиссияҳои интихоботӣ барои суҳбат омодаанд ва дар бораи марҳилаҳои гузаштаи маъракаи пешазинтихоботӣ маълумоти зарурӣ медиҳанд.

Ташаккули Миссияи мушоҳидони ИДМ дар арафаи анҷомёбист. Ҳуҷҷатҳои беш аз 130 мушоҳиди ИДМ ба Комиссияи марказии интихобот ва раъйпурсии Ҷумҳурии Тоҷикистон барои аккредетатсия ирсол карда шуданд. Онҳо намояндагони Ҷумҳурии Озарбойҷон, Ҷумҳурии Беларус, Ҷумҳурии Қазоқистон, Ҷумҳурии Қирғизистон, Федератсияи Россия, Туркманистон, Ассамблеяи байнипарлумонии давлатҳои аъзои ИДМ, Маҷлиси парлумонии Иттиҳоди Беларус ва Россия ва Кумитаи иҷроияи Иттиҳод мебошанд.

Февраль 19, 2020 12:04

Хабарҳои дигари ин бахш

Вакилони мардумӣ дар шаҳру ноҳияҳои Тоҷикистон бо намояндагони ҷомеа ва ходимони дин мулоқот намуданд
Тадбирҳои мубориза бо муҳоҷирати ғайриқонунӣ дар давлатҳои аъзои Созмони Аҳдномаи амнияти дастҷамъӣ пешниҳод гардиданд
Дар Душанбе вазъ ва дурнамои ҳамкории байнипарлумонии Тоҷикистон ва Гурҷистон баррасӣ шуд
Рустами Эмомалӣ ба Валентина Матвиенко ва Вячеслав Володин барқияи изҳори тасаллӣ ирсол намуданд
БАР ЗИДДИ ИФРОТГАРОИВУ ТЕРРОРИЗМ САРҶАМЪОНА МУБОРИЗА БАРЕМ. Андешаҳо дар ҳошияи мулоқоти Президенти Тоҷикистон бо намояндагони ҷомеа ва ходимони дин
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд
САРМОЯИ ИНСОНӢ. Рушд ва самаранокии истифодаи сармояи инсонӣ барои давлату Ҳукумат аҳамияти аввалиндараҷа дорад
Дар Маҷлиси намояндагони Маҷлиси Олии Ҷумҳурии Тоҷикистон Рӯзи Модар пуршукуҳ таҷлил гардид
НАҚШИ ЗАНОН ДАР ПАРЛУМОНИ ТОҶИКИСТОН. 8 зан аъзои Маҷлиси миллӣ ва 16 нафар вакили Маҷлиси намояндагон мебошанд
Дар Душанбе бахшида ба Соли маърифати ҳуқуқӣ ҳамоиш баргузор гардид
Имрӯз дар шаҳри Душанбе иҷлосияи ҳабдаҳуми Маҷлиси миллии Маҷлиси Олии Ҷумҳурии Тоҷикистон, даъвати шашум баргузор гардид
Дар Маҷлиси намояндагони Маҷлиси Олии Ҷумҳурии Тоҷикистон созишномаҳо ба тасвиб расиданд