Сохторҳои зиддитеррористии ИДМ соли 2020 дар минтақаи Каспий машқҳои муштарак мегузаронанд
ДУШАНБЕ, 19.02.2020 /АМИТ «Ховар»/. Cоли 2020 давлатҳои аъзои Иттиҳоди Давлатҳои Мустақил (ИДМ) машқҳои муштараки «Каспий-Антитеррор» мегузаронанд, ки дар онҳо механизмҳои амнияти минтақаи Каспий таҳия мешаванд. Тавре АМИТ «Ховар» бо истинод ба Интерфакс хабар медиҳад, дар ин бора маркази матбуоти Маркази зиддитеррористии (МЗТ) Иттиҳод иттилоъ дод.
Рӯзи сешанбе дар Москва «дар ҳошия»-и ҷаласаи роҳбарони марказҳои зиддитеррористии давлатҳои ИДМ машварати кории намояндагони хадамоти махсуси кишварҳои ИДМ баргузор гардид.
Тавре аз маркази матбуоти МЗТ ИДМ ба Интерфакс хабар доданд, дар ҷаласа масъалаҳои омодагӣ ба машқҳои муштараки зиддитеррористии «Каспий – Антитеррор-2020», ки масъалаҳои асосии он бо технологияҳои таъмини амнияти минтақаи Каспий марбут мебошанд, мавриди муҳокима қарор гирифтаанд.
«Айни замон сенарияи машқҳо таҳия шуда, ҳайати иштирокчиён муайян мегардад», — гуфта мешавад дар иттилоия бо истинод ба роҳбари МЗТ ИДМ Андрей Новиков.
Дар ҷаласа ҳайатҳои ниҳодҳои амниятӣ ва хадамоти махсуси нуҳ давлати Иттиҳод — Арманистон, Озарбойҷон, Беларус, Қазоқистон, Қирғизистон, Молдова, Россия, Тоҷикистон, Туркманистон ва Ӯзбекистон ширкат доштанд. Намояндагони сохторҳои оинномавӣ ва ҳамкории соҳавии давлатҳои ИДМ, Кумитаи байнидавлатии авиатсионӣ, Кумитаи иҷроияи Сохтори минтақавии зиддитеррористии СҲШ ва Котиботи СААД низ ширкат варзиданд.
«Иштирокчиёни ҷаласа тазаккур доданд, ки ҳоло ба амнияти давлатҳои ИДМ «ячейкаҳои хуфта» аз шумули онҳое, ки аз минтақаҳои даргир баргаштаанд, таъсир мерасонанд, ҷалбнамоӣ ба ташкилотҳои террористӣ ва экстремистӣ идома дорад ва таблиғот аз ҷониби аъзои ташкилотҳои байналмилалии террористӣ (ТБТ) бурда мешавад», — омадааст дар иттилоия.
Илова бар ин, яке аз омилҳое, ки ба амнияти минтақа таъсир мерасонад, ин «истифодаи технологияҳои нав аз ҷониби террористон, истифодаи робототехникаҳо ва дастовардҳо дар соҳаи технологияҳои рақамӣ бо мақсадҳои террористӣ» мебошад.
ДАР АКС: машқҳои муштараки фармондеҳӣ-ситодии «Каспий-Антитеррор», аз 17 то 19 августи соли 2005. Акс аз бойгонӣ
Ҳайати Тоҷикистон дар Форуми Осиё ва Уқёнуси Ором дар Филиппин иштирок намуд
Дар Кӯлоб ҷаласаи Шурои ҳамоҳангсозии фаъолияти мақомоти ҳифзи ҳуқуқ баргузор гардид
ҲАР АМАЛИ НОДУРУСТ ҶАВОБГАРӢ ДАР ПАЙ ДОРАД! Дар Душанбе паҳнкунандагони доруи психотропии «Прегабалин» дастгир шуданд
Ҳайати Тоҷикистон дар Вена дар конфронси Созмони Милали Муттаҳид оид ба мубориза бо қаллобӣ иштирок дорад
Дар Вена ҳамкории Тоҷикистон ва Британияи Кабир дар соҳаи ҳифзи ҳуқуқ баррасӣ гардид
14 МАРТ — РӮЗИ КОРМАНДОНИ МАҚОМОТИ ПРОКУРАТУРА. Бо назардошти вазъи геополитикии ҷаҳон дар назди кормандони он масъулияти баланд меистад
Агентии назорати маводи нашъаовари Тоҷикистон ва Раёсати СММ оид ба маводи нашъаовар ва ҷинояткорӣ ҳамкориро тақвият медиҳанд
Ҷаласаи навбатии Комиссияи даъвати ҷумҳуриявӣ оид ба омодагӣ ба даъвати баҳории соли 2026 ба хизмати ҳарбӣ доир гардид
Нозирони мизҳои ҳарбӣ дар шаҳри Бохтар ба машғулияти такмили ихтисос фаро гирифта шуданд
Дар Хатлон ҳамкории милитсия, омӯзгорон ва волидайн дар самти пешгирии ҷинояткорӣ байни ноболиғон тақвият меёбад
Ташаккул ва рушди фарҳанги киберамният дар низоми таълиму тарбия аҳамияти аввалиндараҷа касб мекунад
Ҳайати Тоҷикистон дар иҷлосияи Комиссияи СММ оид ба воситаҳои нашъадор иштирок дорад
