Бо мақсади пешгирӣ аз сирояти коронавирус дар тамоми ҷаҳон иншооти сайёҳӣ баста мешаванд
ДУШАНБЕ, 04.03.2020 /АМИТ «Ховар»/. Аз сабаби паҳн гаштани коронавирус, ки тақрибан ба 90 ҳазор одам дар ҷаҳон сироят кардааст, дар кишварҳои гуногун иншооти сайёҳӣ ва маконҳои тамошобоб баста мешаванд, хабар медиҳад CNN.
Ҳанӯз 24 январ яке аз аввалинҳо шуда «Disneyland» дар Шанхайи Чин баста шуд, ки дар бораи санаи боз шудани он чизе гуфта нашудааст. Баъди он «Disneyland» ва боғи фароғатии «Ocean Park» дар Гонконг, (ноҳияи маъмурӣ дар ҷанубу шарқи Чин) фаъолияти худро боздоштанд. Дар Япония то 16 март «Disneyland» ва боғи обӣ (аквапарк) «DisneySea»-ро низ бастаанд. Таиланд аз 3 март баста шудани боғи фароғатии «Legend Siam»-ро эълон намуд.
Дар осорхонаҳои бузурги ҷаҳонӣ ва дигар муассисаҳои фарҳангӣ низ аз сабаби коронавирус таътили бенақшаро оғоз намуданд. Масалан, дар Франсия 1 март Лувр дарҳои худро ба рӯи меҳмонон баст. Роҳбарияти осорхона бо Кумитаи масъалаҳои истисноии саломатӣ, бехатарӣ ва шароити корӣ санаи имконпазири кушодани онро муҳокима менамоянд.
Дар Чин тамоми осорхонаҳо муваққатан баста шудаанд. Аммо, онҳо ҳанӯз ҳам дар шабакаҳои иҷтимоӣ фаъоланд ва коллексияҳои худро тариқи онлайн муаррифӣ месозанд.
Дар Япония Осорхонаи санъати бадеии Мори, Осорхонаи миллии санъати муосир ва осорхонаи миллии Киот ба қатори басташудаҳо дохиланд. Маросими ифтитоҳи муассисаи маъруфи сайёҳии Токио – бурҷи телевизионии «Tokyo Skytree» 15 март дар нақша аст.
Дар Ҷумҳурии Корея Осорхонаи миллӣ ва Осорхонаи миллии санъати муосири миллӣ дарҳои худро ба муҳлати номуайян бастаанд. Сайрҳои муташаккилонаи гурӯҳӣ ба маҷмааи қасри Кенбоккун, яке аз ҷойҳои машҳуртарини кишвар боздошта мешаванд.
Дар Милан, Венетсия ва дигар шаҳрҳои шимоли Италия низ осорхонаҳои зиёд то муддати номуайян баста шудаанд. Оғоз аз 23 феврал театри овозадори операи Милан «La Scala» аз фаъолият бозмондааст.
Ҳолатҳои нави сирояти коронавирус ҳар рӯз тасдиқ мешаванд, бинобар ин, баста шудани маконҳои тамошобоби сайёҳӣ дар кишварҳои гуногуни олам имконпазир аст. Маълумот дар бораи кори осорхонаҳо, боғҳои фароғатӣ ва дигар муассисаҳоро бояд дар сайти расмии онҳо қаблан муайян намуд.
Акс Reuters
Президенти Комиссияи Иттиҳоди Аврупо Урсула фон дер Ляйен аз иқтидори бузурги Неругоҳи азими барқи обии «Роғун»-и Тоҷикистон ёдовар шуд
Президенти Тоҷикистон тавсеаи ҳамкории давлатҳои Осиёи Марказиро бо Иттиҳоди Аврупо дар соҳаи энергетикаи «сабз» аз самтҳои ояндадор номиданд
Эмомалӣ Раҳмон: «Пиряхҳои Тоҷикистон танҳо манбаи об барои минтақа набуда, дар нигоҳдории иқлими минтақа низ нақши муҳим мебозанд»
Инъикоси густурдаи таҷлили Ҷашни байналмилалии Наврӯз бо иштироки Сарони се давлати Осиёи Марказӣ дар расонаҳои хабарии минтақаю ҷаҳон ва шабакаҳои иҷтимоӣ
Эмомалӣ Раҳмон: «Натиҷаҳои вохӯриҳои имрӯзаро мо ҳамчун пайки таҷдид ва оғози марҳилаи сифатан нав дар муносибатҳои се кишвар медонем»
Президенти Тоҷикистон: «Худдорӣ намудан аз ҳама гуна зиёдаравию исрофкорӣ вазифаи ҳар бандаи муъмин дар ҳама ҳолат, аз ҷумла дар айёми ид мебошад»
23 март-Рӯзи ҷаҳонии обуҳавошиносӣ. Дар ҳар се соат ҳавошиносони тоҷик ба Хадамоти ҷаҳонии ҳавошиносӣ маълумот пешниҳод менамоянд
«НАВРӮЗ ДАР АСЛ ҶАШНИ ЗИНДАГИСОЗ АСТ». Иқтибос аз суханрониҳои Президенти Ҷумҳурии Тоҷикистон
ИМРӮЗ-РӮЗИ БАЙНАЛМИЛАЛИИ ҲИФЗИ ПИРЯХҲО. Ҳифзи пиряхҳо аз обшавии босуръат ҳамкории дастҷамъонаи давлатҳо ва созмонҳои байналмилалиро тақозо менамояд
Пешвои миллат: «Тоҷикистони маҳбуби мо воқеан Ватани аслии Наврӯз аст»
Бузургии Зан-Модар- ин олиҳаи ҳаёт ҳамеша вирди забони башарият аст
Рӯзи Модар рамзи эҳтиром ва қадршиносии махсуси давлату ҳукумати Тоҷикистон нисбат ба Зан-Модар мебошад
