ДАР БОРАИ ВАЗЪ ДАР ӮЗБЕКИСТОН: сарҳадҳо баста, одамон ба рухсатӣ фиристода мешаванд, ҳама бояд ниқоб дошта бошанд
ДУШАНБЕ, 23.03.2020 /АМИТ «Ховар»/. Комиссияи махсуси ҷумҳуриявӣ оид ба пешгирии паҳншавии намуди нави коронавирус дар Ҷумҳурии Ӯзбекистон дар ҷаласаи навбатии худ 22 март дар бораи саривақт муайян кардани беморон ё шахсони гумонбар ба гирифтории беморӣ дар кишвар ва пешгирии паҳншавии он, инчунин оид ба дигар масъалаҳои дар ҷаласа баррасишуда қарор қабул намуд, хабар медиҳад АМИ «УзА».
Тибқи ин қарор маҳдудиятҳо муқаррар шуда, чораҳои дахлдор андешида мешаванд. Аз ҷумла, аз соати 00:01-и 23 март тамоми нуқтаҳои гузаргоҳи сарҳадӣ, ки дар Ӯзбекистон ҷойгиранд, баста мешаванд (шаҳрвандони хориҷие, ки кишварро тарк мекунанд, истисноянд).
Аз 23 март ҳама корхонаҳо ва муассисаҳои Тошканд, новобаста аз шакли моликияташон, бо нигоҳ доштани фаъолияти асосии худ, бояд бо тартиби муқарраркардаи қонун кормандонро ба рухсатии меҳнатӣ фиристонанд. Қисми боқимонда ба таври фосилавӣ (онлайн) кор хоҳанд кард.
Кормандон бояд дар ҷои корашон лавозимоти муҳофизати инфиродӣ дошта бошанд ва бо тартиби муқаррарнамудаи қонун нисбат ба онҳое, ки карантинро вайрон мекунанд, чораҳои интизомӣ татбиқ карда мешаванд.
Аз 23 март сар карда, нафароне, ки дар ҷойҳои ҷамъиятӣ дар Тошканд, Қарақалпоқистон ва марказҳои минтақа бидуни лавозимоти муҳофизати шахсӣ (ниқобҳои тиббӣ) гаштугузор мекунанд, «огоҳӣ» мегиранд. 25 март, аз соати 6 субҳ, тартиби ҷазо ба қувваи қонунӣ медарояд — барои надоштани ниқоб дар ҷойҳои ҷамъиятӣ ба андозаи арзиши ҳисобшудаи заминавӣ ҷарима баста мешавад, дар ҳолати такроран вайрон кардани он ҷарима ба се арзиши ҳисобшудаи заминавӣ мерасад.
Нисбат ба соҳибкороне, ки ба таври сунъӣ норасоии таҷҳизоти муҳофизати тиббӣ, аз ҷумла ниқобро ба вуҷуд меоранд, чораҳои қатъӣ андешида мешаванд.
Барои ҳифзи саломатии шаҳрвандони кишвар ба шахсони аз 65-сола боло ва дорои бемориҳои музмин тавсия дода мешавад, ки бидуни зарурат аз хона набароянд ва ҳангоми ба кӯча баромадан аз таҷҳизоти муҳофизати шахсӣ (ниқобҳо) истифода кунанд.
Бо мақсади пешгирии ин беморӣ дар ҳамаи нуқтаҳои савдо, бозорҳо ва хоҷагиҳои деҳқонӣ барои нигоҳ доштан ва риоя шудани масофаи зарурии тавсияшуда дар байни одамон чораҳо андешида мешаванд.
АКС:t.me/tshtxuz
СОЛИ БАЙНАЛМИЛАЛИИ ҲИФЗИ ПИРЯХҲО. Тоҷикистон дар сатҳи ҷаҳон чун ташаббускори муҳими ҳалли мушкилоти глобалӣ шинохта шудааст
ИНТИХОБОТИ ВАКИЛОНИ ХАЛҚ-2025. Натиҷаҳои пешакии интихоботи вакилони Маҷлиси намояндагони Маҷлиси Олии Ҷумҳурии Тоҷикистон эълон гардиданд
ИНТИХОБОТИ ВАКИЛОНИ ХАЛҚ-2025. Натиҷаи пешакии интихоботи вакилони Маҷлиси намояндагони Маҷлиси Олии Ҷумҳурии Тоҷикистон 3 март эълон мегардад
КОМИССИЯИ МАРКАЗИИ ИНТИХОБОТ ВА РАЪЙПУРСӢ. То соати 12:00 шумораи овоздиҳандагон дар Тоҷикистон 59 фоизро ташкил дод
КОМИССИЯИ МАРКАЗИИ ИНТИХОБОТ ВА РАЪЙПУРСӢ. То соати 9:00 шумораи овоздиҳандагон дар Тоҷикистон 22,1 фоизро ташкил дод
Пешвои миллат: «Мусулмони комил бояд ба Ватану миллати худ содиқ ва ба ҳифзи марзу буми он ҳамеша омода бошад»
«ИЛМИ СИНО РӮИ ДУНЁРО ГИРИФТ…». Андешаҳои Шоири халқии Тоҷикистон Камол Насрулло дар мавриди шаҳомати оламафрӯзи Абӯалӣ ибни Сино
ПРЕЗИДЕНТИ ТОҶИКИСТОН ДАР ИН МАВРИД ҲУШДОР ДОДА БУДАНД. Барномаи муҳити зисти СММ ба амалҳои фаврӣ дар мубориза бо буҳрони сегонаи сайёра даъват менамояд
СОЛИ БАЙНАЛМИЛАЛИИ ҲИФЗИ ПИРЯХҲО. Ташаббуси Тоҷикистон барои пешгирии оқибатҳои ҳузнангез дар сайёра хеле саривақтӣ мебошад
Сарфармондеҳи Олии Қувваҳои Мусаллаҳ: «Ман ба афсарону сарбозони далеру шуҷоъ, бонангу номуси Ватан бовар дорам ва бо онҳо ифтихор мекунам»
«РИВОЯТИ ЭМОМАЛӢ РАҲМОН». Яъқуб Ясно, нависанда ва пажуҳишгар: «Агар шумо шахсияти сиёсии дигареро дар замони муосир мешиносед, ки бештар аз муҳтарам Эмомалӣ Раҳмон дар эҳё ва рушди фарҳанги ориёӣ самимона заҳмат кашидааст, намуна ва мисол биоваред!»
«ОТАШИ ҶАШНИ САДА ОТАШИ МЕҲРИ ВАТАН АСТ». Дар Душанбе ҷашни Сада ва намоиши тухмии зироати кишоварзӣ баргузор шуд
