Дастаи занони волейболбози Мактаби Президентии шаҳри Хоруғ соҳиби Ҷоми раиси вилоят гардид
ХОРУҒ, 05.03.2020 /АМИТ «Ховар»/. Давоми як ҳафта дастаҳои мунтахаби занони волейболбози муассисаҳои таълимию тандурустӣ ва фарҳангию низомӣ дар толори Қасри варзиши шаҳри Хоруғи Вилояти Мухтори Кӯҳистони Бадахшон барои ба даст овардани Ҷоми Раиси вилоят бо ҳам рақобат намуданд.
Тавре сардори Раёсати ҷавонон ва варзиши вилоят Сураҷ Чоршанбиев ба хабарнигори минтақавии АМИТ «Ховар» гуфт, “таваҷҷуҳи занону духтарони бадахшонӣ ба бозии волейбол зиёд аст ва ҳамасола онҳо дар мусобиқаҳои ҷумҳуриявӣ соҳиби мақомҳои ифтихорӣ мегарданд. Аз ин рӯ мо бо кумаки мақомоти иҷроияи ҳокимияти давлатии вилоят қарор додем, ки дар арафаи Рӯзи Модар байни дастаҳои занони волейболбоз мусобиқа баргузор намоем”.
Дар мусобиқа 8 даста ширкат доштанд ва дастаи мунтахаби Мактаби Президентии шаҳри Хоруғ ҳамаи дастаҳоро шикаст дода, соҳиби ҷои аввал гардид. Дастаи комиссариати ҳарбии вилоят ҷои дуюм ва дастаи Раёсати Кумитаи амнияти миллӣ дар вилоят ҷои сеюмро ишғол намуданд.
Сармураббии дастаи занони волейболбози вилоят Раҳмат Алифшоев гуфт, ки чунин мусобиқаҳо барои боз ҳам таҳким ёфтани дастаи мунтахаби вилоят аз намуди волейбол кумаки калон мерасонанд ва дар оянда бозингарони навро ба майдон меоранд.
Ғолибони мусобиқа бо Ҷоми раиси вилоят, медалу ифтихорнома ва мукофоти пулӣ сарфароз гардиданд.
БОЗИИ РӮЗ! Имрӯз бозии ниҳоии марҳилаи интихобии Ҷоми Осиё-2027 байни Тоҷикистон ва Филиппин доир мегардад
Гурӯҳи доварон аз Тоҷикистон бозии дастаҳои Сурия ва Афғонистонро ҳакамӣ мекунад
ҶОМИ ОСИЁ-2027. Пагоҳ бозии даври 6-уми марҳилаи интихобӣ байни дастаҳои мунтахаби Тоҷикистон ва Филиппин доир мешавад
Дастаи мунтахаби Тоҷикистон дар Чемпионати Осиё оид ба ҷудо дар Чин иштирок мекунад
Дар Бадахшон беҳтаринҳо дар гӯштин, волейбол ва дави наврӯзӣ муайян гардиданд
Ғолибони Шоҳҷоизаҳои Мусобиқаи гӯштини миллӣ (гӯштингирӣ) дар деҳаи Пушинги ноҳияи Данғара муайян шуданд
35 медали паралимпичиёни тоҷик бахшида ба 35-солагии Истиқлоли давлатӣ дар Фестивали байналмилалӣ дар шаҳри Сочии Русия
МУСОБИҚАИ АСПДАВОНӢ. Ин бозии миллӣ аз ҷумлаи расму ойинҳои Наврӯз аст
Дастаи мунтахаби олимпии Тоҷикистон (U-23) аввалин пирӯзиашро дар мусобиқаи байналмилалӣ дар Ҳиндустон ба даст овард
Дастаи мунтахаби наврасони Тоҷикистон (U-17) бо дастаи Чин бозиҳои дӯстона анҷом дод
Мадина Қурбонзода ва Абубакр Шеров соҳиби шоҳҷоизаҳои Мусобиқаи гӯштини миллӣ (гӯштингирӣ) дар ноҳияи Данғара шуданд
Мутахассиси беларусӣ ба ситоди мураббиёни дастаи мунтахаби Тоҷикистон оид ба футбол ҳамроҳ шуд
