КОДЕКСИ МУРОФИАВИИ ИҚТИСОДИИ ҶУМҲУРИИ ТОҶИКИСТОН. Минбаъд ирсоли хабарномаҳои судӣ бо истифода аз алоқаи электронӣ ва мобилӣ сурат мегирад
ДУШАНБЕ, 20.03.2020. /АМИТ «Ховар»/. Дар таҳрири нав ифода намудани моддаи 120-и Кодекси мурофиавии иқтисодии Ҷумҳурии Тоҷикистон ба рушди ҷараёни хабардоркунии шахсони иштироккунандаи парванда марбут ба амалҳои мурофиавӣ алоқаманд аст. Тибқи меъёрҳои амалкунанда, бевосита ё тавассути почта равон намудани хабарномаҳои судӣ ба шахсони иштироккунандаи парванда дар шароити кунунӣ қаноатмандкунанда нестанд. Ҳолатҳое ҷой доранд, ки хабарномаҳо сари вақт ё умуман ба суроғаи таъйиншуда дастрас намегарданд. Ин ҳолат барои дар муҳлати дар қонун пешбинигардида баррасӣ намудани парвандаҳо таъсир мерасонад. Аз ин рӯ, бо дарназардошти пешрафти технологияи инноватсионӣ дар замони муосир ирсоли хабарномаҳои судӣ минбаъд бо истифода аз алоқаи электронӣ ва мобилӣ сурат мегирад.
Ин матлаб зимни баррасии Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодекси мурофиавии иқтисодии Ҷумҳурии Тоҷикистон» дар иҷлосияи бисту дуюми палатаи болоии Парлумони Тоҷикистон – Маҷлиси миллӣ 19 март баён гардид.
Раиси Кумитаи Маҷлиси миллии Маҷлиси Олии Ҷумҳурии Тоҷикистон Озода Раҳмон Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодекси мурофиавии иқтисодии Ҷумҳурии Тоҷикистон»-ро тавзеҳ дода, зикр намуд, ки он аз ҷониби Ҳукумати Ҷумҳурии Тоҷикистон ба Парлумони мамлакат бо мақсади иҷрои «Барномаи ислоҳоти судӣ-ҳуқуқӣ барои солҳои 2019-2021» пешниҳод гардидааст.
Инчунин қонуни мазкур бо мақсади мутобиқгардонии истифодаи мафҳумҳои ягона дар қонунгузории Ҷумҳурии Тоҷикистон, мушаххас гардонидани меъёрҳои алоҳида ва меъёрҳои нав, ки амалҳои алоҳидаи мурофиавиро зимни баррасии парвандаҳои иқтисодӣ ба танзим медароранд, инчунин ҷиҳати таҳрири баъзе аз меъёрҳои амалкунандаи қонунгузории мурофиавии иқтисодӣ таҳия шуда, онро 25 декабри соли 2019 вакилони Маҷлиси намояндагони Маҷлиси Олии Ҷумҳурии Тоҷикистон қабул намуда буданд.
Қонуни мазкур ба таҳкими мурофиаи суди иқтисодӣ ва дар маҷмӯъ, ҳокимияти судӣ нигаронида шуда, ҳадафаш такмили меъёрҳои алоҳидаи Кодекси мурофиавии иқтисодии Ҷумҳурии Тоҷикистон, мушаххас намудани салоҳияту вазифаҳои судҳои иқтисодии мамлакат, инчунин марҳилаи кассатсионии он мебошад.
Вакилон Қонуни Ҷумҳурии Тоҷикистон «Дар бораи ворид намудани тағйиру иловаҳо ба Кодекси мурофиавии иқтисодии Ҷумҳурии Тоҷикистон»-ро ҷонибдорӣ карданд.










Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Эҳтиром ба Рӯзи Президент эҳтиром ба давлат, миллат, Истиқлолияти давлатӣ ва сулҳу ваҳдат аст
Китоби «Президент ва ниҳоди президентӣ дар Ҷумҳурии Тоҷикистон» рӯнамоӣ гардид
Дар Маҷлиси намояндагон бахшида ба Рӯзи Президенти Тоҷикистон ҳамоиш баргузор гардид
ДАР МЕҲВАРИ СУЛҲ, ВАҲДАТ ВА СОЗАНДАГӢ. Мулоҳизаҳо оид ба рисолати таърихии Пешвои миллат муҳтарам Эмомалӣ Раҳмон
Раиси Маҷлиси намояндагон бо Сафири Беларус дар Тоҷикистон вохӯрӣ намуд
Дар иҷлосияи Маҷлиси намояндагон ба якчанд қонун тағйиру иловаҳо ворид гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Файзалӣ Идизода бо Аҳмад бин Муҳаммад Ал-Ҷарвон ба таври маҷозӣ вохӯрӣ намуд
Рустами Эмомалӣ аз шаҳри Тошканд ба шаҳри Бухоро ташриф оварданд
Ҷаласаи навбатии иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд






