ОБУ ҲАВО: Имрӯз дар Тоҷикистон ҳавои боронӣ дар назар аст

ДУШАНБЕ, 05.05.2020. /АМИТ «Ховар»/.  Имрӯз дар ҷумҳурӣ ҳавои абрнок шуда, дар водиҳо борон ва дар ноҳияҳои кӯҳӣ борон ва барф меборад. Туман мефарояд.  Дар ин бора аз Агентии обуҳавошиносии Тоҷикистон ба АМИТ «Ховар» хабар доданд.

Ба иттилои Агентии обуҳавошиносӣ, имрӯз дар Вилояти Мухтори Кӯҳистони Бадахшон ҳавои абрноки бебориш пешбинӣ шудааст. Шамол аз самти ғарб бо суръати 3-8 метр дар як сония мевазад. Ҳаво дар ғарби вилоят   шабона аз 4 дараҷа хунук то 1 дараҷа гарм ва рӯзона 5+10 дараҷа гарм  мешавад. Дар  шарқи вилоят  ҳаво шабона 12-17 дараҷа хунук ва рӯзона аз 4 дараҷа хунук то 1 дараҷа гарм мешавад.

Ҳаво дар вилояти Суғд  абрнок шуда, дар водиҳо борон меборад. Дар ноҳияҳои кӯҳӣ боришоти борон ва барф дар назар буда, дар  ноҳияҳо туман мефарояд.  Шамол  аз самти  ғарб бо суръати 3-8 ва дар ноҳияҳои алоҳида бо шиддати то 13-18 метр дар як  сония мевазад. Ҳаво  дар водиҳо шабона 1+6 дараҷа гарм ва рӯзона 4+9 дараҷа гарм  мешавад. Дар ноҳияҳои кӯҳӣ ҳаво шабона 0-5 дараҷа хунук  ва рӯзона 0+5 дараҷа гарм мешавад.

Дар вилояти Хатлон   ҳаво  абрнок шуда,  дар водиҳо борон ва  дар ноҳияҳои доманакӯҳӣ борон ва барф ба амал меояд. Туман мефарояд.  Шамол аз самти ғарб бо суръати  3-8 метр дар як сония мевазад. Ҳаво дар водиҳо шабона 2+7 ва рӯзона 6+11 дараҷа гарм мешавад. Дар  доманакӯҳҳо ҳаво шабона аз 1 дараҷа хунук то 4 дараҷа гарм  ва рӯзона 1+6 дараҷа гарм мешавад.

Дар шаҳру ноҳияҳои тобеи марказ ҳаво абрнок шуда,  дар водиҳо борон меборад. Дар ноҳияҳои кӯҳӣ борон ва барф ба амал омада, дар ноҳияҳо туман мефарояд .  Шамол аз самти ғарб бо суръати 3-8 метр дар як сония  мевазад.  Ҳаво  дар водиҳо  шабона 2+7 ва рӯзона 4+9  дараҷа гарм мешавад.  Дар  ноҳияҳои кӯҳӣ ҳаво шабона  аз 3 дараҷа хунук то 2 дараҷа гарм ва  рӯзона 0+5 дараҷа гарм  мешавад.

Дар  шаҳри Душанбе ҳаво абрнок шуда, борони кӯтоҳмуддат меборад. Шамол аз самти ғарб бо суръати 2-7  метр дар як сония   мевазад. Ҳаво шабона 4+6 ва  рӯзона 6+8 дараҷа гарм мешавад.