Вазорати саноат ва технологияҳои нав: «Имкониятҳои истеҳсолии корхонаҳои ордбарорӣ талаботи бозори дохилиро пурра таъмин менамоянд»
ДУШАНБЕ, 06.03.2020. /АМИТ «Ховар»/. Дар ҷумҳурӣ 47 корхонаи ордбарорӣ мавҷуд буда, имконияти истеҳсоли 1,9 миллион тонна орди гандумиро дар як сол доро мебошанд ва ин иқтидор нисбат ба талаботи солонаи ҷумҳўрӣ, ки 800,8 ҳазор тоннаро ташкил медиҳад 1,9 маротиба зиёдтар аст. Ин матлабро ба хабарнигори АМИТ «Ховар» дар Вазорати саноат ва технологияҳои нави Ҷумҳурии Тоҷикистон иброз намуданд.
Бино ба маълумоти манбаъ, дар корхонаҳои мазкур дар як шабонарўз 1835 тонна орд истеҳсол мегардад. Корхонаҳои коркард бо гандум ва бозори дохилӣ бо орд асосан аз ҳисоби истеҳсоли дохилӣ таъмин гардида, қисми дигари он аз Ҷумҳурии Қазоқистон ва Федератсияи Россия мунтазам дар ҳаҷми зарурӣ ворид гардида истодааст.
Дар ду моҳи соли 2020 аз ҷониби корхонаҳои истеҳсоли орди ватанӣ 110,0 ҳазор тонна орди гандумӣ истеҳсол гардида, дар баробари ин 14,6 ҳазор тонна аз хориҷи мамлакат ворид карда шудааст, ки дар маҷмўъ бо дарназардошти бақияи соли 2019 (47,1 ҳазор тонна) 171,7 ҳазор тоннаро ташкил медиҳад. Ин рақам нисбат ба талабот (133,5 ҳазор тонна) 126,7% зиёд мебошад.
Дар моҳҳои январ – феврали соли 2020 ба ҷумҳурӣ нисбат ба ҳамин давраи соли 2019 дар ҳаҷми 346,7 тонна орд зиёдтар ворид гардида, дар баробари ин аз хориҷи мамлакат барои истеҳсоли орд 95047,8 тонна гандум ворид шудааст, ки ба истеҳсоли 71285,9 тонна орд мусоидат намуда, талаботи аҳолии мамлакатро бо маҳсулоти хушсифат пурра ва сари вақт таъмин менамояд.
Дар натиҷаи рушди соҳаи саноат сол то сол таъминоти талаботи бозори дохилии ҷумҳурӣ бо маҳсулоти воридотивазкунандаи истеҳсоли ватанӣ таъмин гардида, соли 2019 талаботи лозима дар ҳаҷми 710,1 ҳазор тонна бо орд пурра таъмин карда шуда, 3132,5 тоннаи он ба хориҷи мамлакат содирот карда шудааст.
Акс аз бойгонӣ
ПАДИДАИ ПЕШВО ДАР ТОҶИКИСТОН-АКСИ САДОИ ТАЪРИХ БА НИЁЗҲОИ СИЁСИИ МИЛЛАТИ ТОҶИК. Ба Рӯзи Президенти Тоҷикистон бахшида мешавад
Эмомалӣ Раҳмон -таҳкимбахши Истиқлолияти давлатӣ ва Пешвои ваҳдатофар
Дар Осорхонаи миллӣ ба ифтихори Рӯзи Президент Рӯзи дарҳои кушод гузаронида мешавад
ҲАР РӮЗИ ФАЪОЛИЯТИ ЭМОМАЛӢ РАҲМОН ТАЪРИХСОЗИСТ. Андешаҳои академик Фарҳод Раҳимӣ бахшида ба Рӯзи Президенти Ҷумҳурии Тоҷикистон
Сарвари давлат: «Ҳар як фарди ҷомеа вазифадор аст, ки моҳияту аҳаммияти Конститутсияро ба фарзандони худ ҳанӯз аз хурдсолӣ фаҳмонад»
Эмомалӣ Раҳмон: «Маҳз ба шарофати Конститутсия ва амалӣ шудани меъёрҳои он дар Тоҷикистон фазои орому осуда муҳайё гардид»
Президенти Тоҷикистон: «Конститутсия соҳибистиқлолии халқи моро ба расмият дароварда, асосҳои бунёдии ҷомеа ва давлати навини тоҷиконро муайян намуд»
КОНСТИТУТСИЯ — ШАҲОДАТНОМАИ ХАЛҚИ ТОҶИКИСТОН. Иқтибосҳо аз суханрониҳои Президенти Тоҷикистон
Президенти Тоҷикистон: «Гузариш ба иқтисоди «сабз» барои ҷомеаи ҷаҳонӣ баҳри ҳаллу фасли масоили иҷтимоӣ имконоти зиёд фароҳам меоварад»
ЭЪТИРОФИ БАЙНАЛМИЛАЛӢ. «Lonely Planet» Тоҷикистонро байни самтҳои беҳтарини сайёҳии ҷаҳон ҷой дод
Сарвари давлат: «Меҳргон яке аз муҳимтарин ҷашнҳои табиӣ ва фарҳангии мо – тоҷикон аст»
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
