ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар шаҳри Гулистон меҳмонхонаҳои «Далер», «Соҳил» ва гулгашти нав ба истифода дода шуданд
ДУШАНБЕ, 09.04.2020 /АМИТ «Ховар»/. Ба истиқболи 30-солагии Истиқлолияти давлатии Ҷумҳурии Тоҷикистон то имрӯз дар шаҳри Гулистон 129 иншоот ба маблағи беш аз 280 миллион сомонӣ бунёд ва мавриди истифода қарор дода шуданд.
Тавре аз Хадамоти матбуоти Раиси вилояти Суғд ба АМИТ «Ховар» иттилоъ доданд, дар шаҳри Гулистон илова бар иншооти ба нақша гирифташуда даҳҳо иншооти иловагӣ низ дар доираи корҳои ободониву созандагӣ бунёд гардидаанд.
Аз ҷумла, меҳмонхонаи замонавии «Соҳил», майдончаҳои варзишии теннис, баскетбол, волейболи пляжӣ, мавзеи пиёдароҳи варзишӣ бо таҷҳизоти тамринӣ дар соҳили «Баҳри тоҷик», фермаи мурғпарварӣ ва гармхонаи лимӯпарварӣ дар осоишгоҳи «Баҳористон», таҷдиди бинои маъмурии ҶСК «Қолинҳои Қайроққум», сехи коркарди қоғаз дар ҳудуди ҶДММ «Сахо ва К», фабрикаи мурғпарварӣ, меҳмонхонаи «Далер», гулгашти нав дар даромадгоҳи ғарбии шаҳр бунёд гардида, чароғонкунии шоҳроҳи Хуҷанд-Гулистон низ ба анҷом расонида шуд.
Корҳои ободониву бунёдкорӣ дар шаҳри Гулистон вусъат ёфта, сохтмони дигар иншооти муҳим, аз ҷумла ҳаммому сартарошхонаҳо бахшида ба ҷашни миллӣ тибқи нақша ҷараён доранд.
Истифодаи таҷрибаи байналмилалӣ дар самти рушди ҳудудҳои табиии махсус муҳофизатшаванда баррасӣ шуд
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
Сарвари давлат Эмомалӣ Раҳмон бинои нави маъмурияти минтақаи озоди иқтисодии «Кӯлоб»-ро мавриди баҳрабардорӣ қарор доданд
Сарвари давлат Эмомалӣ Раҳмон дар минтақаи озоди иқтисодии Кӯлоб корхонаи истеҳсоли қисмҳои эҳтиётии автомобилӣ ҶДММ «Тоҷик-Алмос»-ро мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Кӯлоб марказҳои обтаъминкунӣ ва корезро ба истифода доданд
Пешвои миллат Эмомалӣ Раҳмон ба шаҳри Кӯлоб Беморхонаи хусусии ташхисию табобатии «Мирзоён»-ро ба истифода доданд
Сарвари давлат Эмомалӣ Раҳмон дар шаҳри Кӯлоб 10 иншооти соҳаи маорифро ба таври фосилавӣ мавриди истифода қарор доданд
Пешвои миллат Эмомалӣ Раҳмон муассисаи таҳсилоти миёнаи умумии рақами 51-и шаҳри Кӯлобро баъд аз таъмиру навсозӣ мавриди баҳрабардорӣ қарор доданд
