Дар Тоҷикистон моҳи саводнокии молиявӣ ҷараён дорад

Апрель 6, 2020 14:22

ДУШАНБЕ, 06.04.2020. /АМИТ «Ховар»/. «Омӯзед! Захира кунед! Пул кор кунед!» — шиори расмии «Global Money Week-2020» буда, он кӯдакон ва ҷавононро на танҳо барои тақсимоти оқилонаи буҷаи худ водор мекунад, балки дар интиқол додани дониши андӯхтаи худ ба оила ва атрофиёни худ ба онҳо кумак мекунад.

Бонки миллии Тоҷикистон якҷо бо Вазорати маориф ва илми Ҷумҳурии Тоҷикистон ва созмонҳои шарик аз 1 то 30 апрел  дар доираи маъракаи байналмилалии «Global Money Week-2020» моҳи саводнокии молиявӣ баргузор менамояд.

Аз Бонки миллии Тоҷикистон  ба АМИТ «Ховар» иттилоъ доданд, ки маъракаи мазкур ҳамасола дар саросари ҷаҳон баргузор гардида, ҳадафаш баланд бардоштани саводнокии молиявии аҳолӣ, рӯҳбаланд кардани кӯдакон ва ҷавонон барои нигоҳубини пул ва дар ниҳоди онҳо сайқал додани малакаи соҳибкорӣ мебошад, зеро дар шароити кунунӣ ҷалби кӯдакон ва ҷавонон ба бахши молиявӣ аҳамияти муҳим касб кардааст.

Алҳол дар сатҳи ҷаҳон камтар аз 1 фоизи кӯдакон аз маърифати молиявӣ бархӯрдор буда, ба бахши молиявӣ ҷалб гардидаанд. Аксарияти ҷавонон ҳангоми гирифтан ва истифодаи қарзҳо ба мушкилиҳои зиёд дучор мегарданд, ки ин ба рушди минбаъда ва некӯаҳволии онҳо таъсири манфӣ мерасонад. Аз ин лиҳоз, баргузории маъракаи байналмилалии «Global Money Week-2020» барои ҷалби диққати бештар ба аҳамияти ҳуқуқҳои молиявӣ, хусусан барои кӯдакон ва ҷавонон мусоидат менамояд, зеро бо шарофати дастрасӣ ба маърифати молиявӣ кӯдакон тарзи оқилона идора кардани пулро меомӯзанд.

Илова бар ин, шиори «Омӯзед! Захира кунед! Пул кор кунед!» ба ҳамагон имкон медиҳад, ки оқилона истифода бурдани пул, фикр кардани ояндаи худ, барои худ ва оила пул кор карданро омӯзанд. Дар доираи баргузории маъракаи «Global Money Week-2020» давоми як моҳ ташкилотҳои қарзии Тоҷикистон оид ба саводнокии молиявӣ барои хонандагон ва донишҷӯён семинару тренинг ва экскурсияҳо ташкил намуда, инчунин боздид аз осорхонаи Бонки миллии Тоҷикистон ва иншооти истеҳсолӣ дар назар аст.

Апрель 6, 2020 14:22

Хабарҳои дигари ин бахш

Дар гармхонаи шаҳри Хоруғ зиёда аз 10 ҳазор кӯчати гул парвариш мешавад
Дар Тоҷикистон беш аз 200 ҳазор оилаи занбӯри асал парвариш меёбад
35-СОЛАГИИ ИСТИҚЛОЛИ ДАВЛАТӢ. Дар шаҳри Панҷакент коргоҳи истеҳсоли шифер бунёд карда мешавад
Бо ташаббуси Тоҷикистон дар қароргоҳи СММ чорабинии сатҳи баланд доир ба зеҳни сунъӣ баргузор шуд
Дар таъмини бехатарии парвозҳо дар ҳарими ҳавоии Тоҷикистон зан-метеорологҳо нақши муассир доранд
Масоили таҳкими ҳамкорӣ байни Тоҷикистон ва Русия дар соҳаи энергетика дар Москва баррасӣ гардид
Президенти Тоҷикистон: «53 ҳазор нафар занон роҳбарони хоҷагиҳои деҳқонӣ мебошанд»
Дар шаҳри Абузабӣ мулоқоти вазирони саноати Тоҷикистон ва Амороти Муттаҳидаи Араб доир шуд
Иқдоми Пешвои миллат дар самти дастгирии давлатии соҳибкорӣ кафили рушди устувори бахши хусусӣ ва ҷалби сармоя мебошад
ҚУРБИ АСЪОР: дар Тоҷикистон 1 доллари ИМА аз 10.9309 то 10.9700 сомонӣ сомонӣ муқаррар шудааст
Ҷопон хостори тақвияти ҳамкории байнибонкӣ бо Тоҷикистон мебошад
Дар «Саноатсодиротбонк» Рӯзи Модарро бошукуҳ таҷлил намуданд