Муовини Сарвазири Тоҷикистон аз қисмҳои низомии мамлакат боздид намуд
ДУШАНБЕ, 30.04.2020 /АМИТ «Ховар»/. Муовини Сарвазири Ҷумҳурии Тоҷикистон Ширин Исматуллозода ва раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдуллоҳ Раҳмонзода 28 апрел аз қисми низомии 02615-и ноҳияи Шоҳмансур ва 07150-и шаҳри Турсунзода дидан намуданд. Дар ин бора аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон ба АМИТ «Ховар» хабар доданд.
Зимни сафар аз омодагиҳои қисмҳои низомӣ вобаста ба пешгирӣ аз бемориҳои сироятӣ, аз ҷумла коронавирус, ҳолати бунгоҳҳои саломатӣ ва шароит дар вақти мулоиҷа, ҳолати буду боши сарбозон, инчунин ҷойи хоб, хурду хӯрок, ҷойҳои шустани дасту рӯй ва бадан, синфхонаҳои дарсӣ, майдончаҳои варзишӣ ва ҷойҳои тамрини ҳарбӣ, фароғативу маишӣ (боғҳо) шинос шуданд.
Муовини Сарвазири мамлакат зимни суҳбат бо сарбозону афсарон иброз намуд, ки «Артиши миллӣ — сипари боэътимодест, ки ба ҷасорату мардонагии ҷавонон асос ёфтааст. Хизмат ба Ватан-Модар қарзи фарзандӣ ва имониву виҷдонии ҳар як ҷавонмарди бонангу номус буда, мактаби бузурги тарбияи ирода, ҷасорат, шуҷоат ва ватандорӣ ба ҳисоб меравад. Иҷрои ин қарз нишонаи камолоти инсонии ҳар як ҷавон мебошад».
Ба сарбозону афсарони қисмҳои низомӣ дастур дода шуд, ки ҷиҳати самаранок истифода намудани заминҳои дар ихтиёр доштаашон тадбирҳои судманд андешанд.
Ба муовини Сарвазири мамлакат иттилоъ дода шуд, ки қисмҳои низомӣ бо маводи хӯрокӣ таъмин буда, захираи фаровони маҳсулоти хоҷагиҳои назди қисмҳои ҳарбӣ дар ихтиёри онҳо қарор дорад.
Ҳамчунин барои таъмини ҳолати санитарию гигиенӣ ва тамрини сарбозон маводи антисептикӣ ва лавозимоти варзишӣ тақдим карда шуданд.
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
Котиби Шурои амнияти Тоҷикистон дар Вохӯрии котибони шуроҳои амният дар қолаби «Осиёи Марказӣ – Русия» иштирок намуд
Юсуф Раҳмон дар ҷаласаи Кумитаи котибони шуроҳои амнияти Созмони Аҳдномаи амнияти дастҷамъӣ иштирок намуд
Дар Тоҷикистон нақшаи даъвати баҳорӣ ба сафи Қувваҳои Мусаллаҳ 100 фоиз иҷро шуд
Оид ба Стратегияи пешгирии экстремизм ва терроризм дар Тоҷикистон вохӯрӣ баргузор гардид
Дар Душанбе масоили муқовимат ба ҷинояткорӣ дар замони муосир баррасӣ шуд
Намояндаи Тоҷикистон татбиқи Стратегияи миллӣ оид ба назорати маводи нашъаоварро дар ҷаласаи СҲШ муаррифӣ намуд
