Намояндаи Созмони Умумиҷаҳонии Тандурустӣ мавҷуд набудани сирояти коронавирусро дар Тоҷикистон расман эълон дошт
ДУШАНБЕ, 01.04.2020/АМИТ «Ховар»/. Роҳбари Намояндагии доимии Дафтари минтақавии аврупоии Созмони Умумиҷаҳонии Тандурустӣ (СУТ) дар Тоҷикистон Галина Перфилева рӯзи сешанбе зимни мусоҳиба дар шабакаи телевизиони «Тоҷикистон» мавҷуд набудани коронавирусро дар қаламрави Ҷумҳурии Тоҷикистон расман эълон дошта, аз аҳолии кишвар хоҳиш намуд, ки гигиенаи худро риоя ва аз рафтан ба ҷойҳои серодам худдорӣ намоянд.
«Ҳоло тамоми ҷаҳон бо COVID-19 мубориза мебарад, дар ҷаҳон қариб кишваре нест, ки дар он ин намуди беморӣ вуҷуд надошта бошад. Аз миёни 53 кишвари минтақа Тоҷикистон ва Туркманистон ду кишваре ҳастанд, ки дар онҳо ягон ҳолати гирифторӣ ба COVID-19 ба қайд гирифта нашудааст», — гуфт Галина Перфилева.
Ӯ илова намуд: «Вирус, тавре мо мефаҳмем, худ аз худ ба вуҷуд намеояд, балки он ба кишвар оварда мешавад. Аз ин рӯ, аз оғози (паҳншавии коронавирус), аз ҳолатҳои аввали (сирояти) он дар хориҷа, Вазорати тандурустӣ ва ҳифзи иҷтимоии аҳолии Тоҷикистон барои пешгирии воридшавии вирус ба кишвар корҳои зиёдеро анҷом дод. То имрӯз, тибқи омори расмӣ ва мо низ тасдиқ мекунем, зеро мо бо лабораторияҳое, ки озмоишҳои марбутаро анҷом медиҳанд, ҳамкории зич дорем, дар Тоҷикистон ягон ҳолати гирифторӣ ба COVID-19 вуҷуд надорад».
Намояндаи СУТ иброз дошт, ки айни замон, беш аз 700 cанҷиш гузаронида шуд, ки натиҷаҳояшон манфӣ баромаданд. Бо мақсади расман итминон доштан, ки мо ба ин санҷишҳо эътимод дошта метавонем, Вазорати тандурустӣ ва ҳифзи иҷтимоӣ якҷо бо СУТ маводҳоро барои тасдиқи ин ҳолатҳои манфӣ ба Москва ва Лондон фиристоданд. Ҳамаи санҷишҳои такрории натиҷаҳои манфии дар Тоҷикистон муайянкардашуда низ натиҷаи манфӣ доданд. «Яъне тасдиқ гардид, ки дар Тоҷикистон санҷиш босифат гузаронида шудааст ва то ҳол дар кишвар расман ин гуна ҳолатҳо мавҷуд нестанд», — гуфт ӯ.
«Моҳи феврал аз аввалин гумонбарон ташхис гирифта, ба Федератсияи Россия фиристода шуд. Баъдан, «Роспотребнадзор»-и Россия ба Тоҷикистон 2 ҳазор тест кумак намуд. Ин ниҳод боз ҳазор ва ҳафтаи гузашта тестҳо барои гузаронидани санҷиши 20 ҳазорро тақдим намуд. Инчунин ҳазор тест аз Олмон тақдим шуд ва бо Чин оид ба дастрас намудани тест созиш ба даст омад», — гуфт роҳбари намояндагии СУТ.
«РИВОЯТИ ЭМОМАЛӢ РАҲМОН». Яъқуб Ясно, нависанда ва пажуҳишгар: «Агар шумо шахсияти сиёсии дигареро дар замони муосир мешиносед, ки бештар аз муҳтарам Эмомалӣ Раҳмон дар эҳё ва рушди фарҳанги ориёӣ самимона заҳмат кашидааст, намуна ва мисол биоваред!»
«ОТАШИ ҶАШНИ САДА ОТАШИ МЕҲРИ ВАТАН АСТ». Дар Душанбе ҷашни Сада ва намоиши тухмии зироати кишоварзӣ баргузор шуд
ҲАРОРАТИ ГЛОБАЛИИ ҲАВО БА 1,5 ДАРАҶА РАСИДААСТ. Ин ба уҳдадории давлатҳо дар доираи Созишномаи Париж мухолифат мекунад
Президенти Тоҷикистон: «Кишоварзони мамлакат бояд ба масъалаи парваришу захираи тухмиҳои беҳтарин ва ниҳолҳои серҳосил таваҷҷуҳи махсус зоҳир намоянд»
Эмомалӣ Раҳмон: «Се ҷашни миллии мо – Наврӯз, Сада ва Меҳргон аз ҷониби мардуми фарҳангпарвари ҷаҳон пазируфта шудаанд»
«ОЛАМИ ГУЛДӮЗИИ ТОҶИКОН». Ин китоб мероси пурарзиши тоҷиконро ба ҷаҳониён муаррифӣ менамояд
Вобаста ба омодагӣ ба баргузории Конфронси байналмилалии сатҳи баланд оид ба Cоли байналмилалии ҳифзи пиряхҳо ҳамоиш доир шуд
ТАШАББУСИ ТОҶИКИСТОН. Созмони Милали Муттаҳид ба таҷлили Соли байналмилалии ҳифзи пиряхҳо оғоз намуд
Дар Созмони Милали Муттаҳид Соли байналмилалии ҳифзи пиряхҳо оғоз гардид
Масъуд Пизишкиён: «Дар Тоҷикистон эҳсоси ғурбат намекунам»
Эмомалӣ Раҳмон Масъуд Пизишкиёнро ба ҷашни Наврӯз даъват намуданд
НАЗАРИ КОРШИНОС. Робитаҳои Ҷумҳурии Тоҷикистон бо Ҷумҳурии Исломии Эрон бар пояи пайвандҳои таърихӣ асос ёфтаанд
