Олимони Россия илоҷи маҳви коронавирусро ёфтанд
ДУШАНБЕ, 01.04.2020 /АМИТ «Ховар»/. Олимони Россия аз Сколково усули муборизаи пурсамар бар зидди бактерия, мағор ва вирусҳоро ёфтанд. Мутахассисон муайян кардаанд, ки оби бо плазмаи сард софкардашуда ҳатто бар зидди коронавируси SARS-CoV-2 метавонад силоҳи марговар гардад, навиштааст рӯзномаи «Известия».
Моеъ «Магнарил» унвон гирифт. Дар чунин об сафедаҳо барҳам мехӯранд ва баъди хушкидан дар ҷои пӯсти коркардшуда чизе боқӣ намемонад.
Технология бо чунин тарз кор мекунад. Дастгоҳ плазмаи сард- газро аз зарраҳои неругирифта ва ногирифта истеҳсол менамояд, ки он ба оби одӣ ворид мешавад. Баъд аз ин атомҳо як қисми электронҳоро гум мекунанд ва дар натиҷа ба молекулаи H2O пайваст шуда наметавонанд.
Ин сабаби пайдошавии шаклҳои гуногуни оксиген ва гидроген мегардад, ки онҳо ҳуҷайраҳои вирусро вайрон мекунанд.
Ба ҷуз оксигени «хатарзо» «Магнарил» вирусро инчунин аз ҳисоби кислотаи хлорнок барҳам мезанад.
«Аз даҳ як фоизи намаки чунин кислота дар об ба афзоиши коронавирус монеъ мешавад. Ҳамзамон кислота аз намаки худ фаъолтар аст. Метавон тахмин зад, ки моеъ на фақат афзоиши бактерияҳои касалиоварро бозмедорад, балки онҳоро маҳв месозад»,- шарҳ дод роҳбари ширкати дар Сколково ҷойдоштаи «Магнарил аква лаб» Дмитрий Балаболин.
Чунин обро фақат барои соф кардани ниқобҳо ва ашёи гуногун, ҳамчунин барои пош додан дар ҳаво истифода бурдан мумкин аст. Он барои инсон безарар ва ҳамчунин дар истеҳсолот хеле арзон аст– тақрибан 100 рубл барои 1000 литр.
Вале баъзе мутахассисон ба он ақидаанд, ки сарфи назар аз арзонӣ маҳлули нав чандон оянда надорад.
Гидрогени туршшуда нисбат ба маҳлули оксигени синглетӣ, ки дар оби бо плазмаи сард софкардашуда ҳосил шудааст, хеле пурқувват мебошад, изҳор дошт роҳбари озмоишгоҳи инженерияи насабшиносии Пажӯҳишгоҳи физикӣ-техникии Москва Павел Волчков. – Оксид дастрасу хеле арзон аст ва барои истеҳсоли он таҷҳизоти махсус лозим нест.
Маҳлули нав ба фарқ аз оксиди гидроген барои ҷисми инсон комилан безарар аст, мегӯянд муаллифони маҳлули нав. Агар буғҳои оксид ба луобпардаҳо зиён расонда, ҳатто сӯзиши чашмро ба вуҷуд оранд, пас, як истакон «Магнарил»-ро метавон бе ҳеҷ зиён барои саломатӣ нӯшид.
Ба ғайр аз ин, онро барои намнок кардани биноҳо истифода намудан мумкин аст, он гоҳ ҳавои аз пардаи он гузаранда аз бактериҳои касалиовар тоза мешавад.
Айни ҳол олимон ба тартиб додани иҷозатнома ба ин ихтироот ва истеҳсоли мунтазами он машғуланд.
АКС: РИА «НОВОСТИ»
Сарвари давлат: «Меҳргон яке аз муҳимтарин ҷашнҳои табиӣ ва фарҳангии мо – тоҷикон аст»
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
Тоҷикистон дар соҳаи дипломатияи об мавқеи фаъол дорад
Тоҷикистон аз пайомадҳои манфии раванди тағйирёбии иқлим нигарон мебошад
Эмомалӣ Раҳмон: «Қатъномаи махсуси СММ оид ба эълон кардани «Даҳсолаи таҳкими сулҳ ба хотири наслҳои оянда» мавриди баррасӣ қарор дода шавад»
Президенти Тоҷикистон: «Маҷмаи Умумии СММ имконияти эълон намудани Соли байналмилалии маърифати ҳуқуқиро мавриди баррасӣ қарор диҳад»
Муҳаммадҷаъфари Ёҳаққӣ: «Мо раҳбари хирадмандеро меситоем, ки дасти як миллатро бар «Шоҳнома»-и устоди Тӯс кушода кард»
