Профессор Абдусаттор Саидов: «Истеъмоли ғизои солим ва аз лиҳози экологӣ тоза метавонад шахсро аз гирифторӣ ба бемориҳои сироятӣ, аз ҷумла коронавирус эмин нигоҳ дорад»
ДУШАНБЕ, 08.04.2020. /АМИТ «Ховар»/. Истеъмоли ғизои солим ва аз лиҳози экологӣ тоза метавонад масунияти бадани инсонро баланд бардошта, ӯро аз гирифторӣ ба бемориҳои сироятӣ, аз ҷумла, коронавирус то андозае эмин нигоҳ дорад. Ин нуктаро ноиби президенти Академияи миллии илмҳои Ҷумҳурии Тоҷикистон, доктори илмҳои биология Абдусаттор САИДОВ дар суҳбат бо хабарнигори АМИТ «Ховар» Шукуҳи ДАЛЕР баён дошт.
Ба андешаи ин олими тоҷик, илми ҷаҳонӣ исбот намудааст, ки бештар нафарони синнашон аз 60 боло зери хатари сироятёбӣ аз COVID-19 қарор гирифтаанд. «Ин ба паст будани иммунитети бадани онҳо вобаста аст, ки бо ҳар гуна вирус мубориза бурда наметавонад»,- афзуд ҳамсуҳбати мо.
Абдусаттор Саидов ба он андеша аст, ки ба қайд гирифта шудани шумораи зиёди фавти одамон дар давлатҳои Аврупо ва Америка аз ҷиҳати дигар ба нуфузи аҳолии онҳо вобаста аст.
«Зеро тибқи баҳогузориҳои байналмилалӣ, дар ин минтақаҳо шахсони синнашон аз 60 боло хеле зиёд мебошанд. Одатан иммунитети бадани ин гуна одамон суст шуда, бемориро сахт паси сар мекунанд, ё ба он тоб оварда наметавонанд», — гуфт ноиби президенти Академияи миллии илмҳои Ҷумҳурии Тоҷикистон.
Ҳамсуҳбати мо зикр намуд, ки шахсони аз 18 то 40-сола иммунитети хеле баланд доранд ва онҳо ба ин ё он вирус сироят ёбанд ҳам, аломатҳояш дер маълум гашта, бемориро ба осонӣ паси сар мекунанд.
«Аз нуқтаи назари дигар, ин гурӯҳи аҳолӣ дар паҳн кардани бемориҳои сироятӣ нақши калон мебозанд»,- гуфт мавсуф.
“Хушбахтона,- изҳор намуд Абдусаттор Саидов, — дар Тоҷикистон шаҳрвандон ғизои аз лиҳози экологӣ тоза ва солимро бештар истеъмол мекунанд”.
Ба гуфтаи мавсуф, Тоҷикистон дар минтақаи субтропикии хушк ҷойгир аст. Бо назардошти таъсири баланди офтоб меваю сабзавоти истеҳсолшуда аз нуқтаи назари витаминнокӣ хеле ғанӣ мешаванд ва истеъмоли онҳо барои боло бурдани масунияти бадан мусоидат мекунад.
«Вақте масунияти бадан қавӣ аст, муборизаи организм ба ҳама гуна бемориҳои сироятӣ, аз ҷумла коронавирус хеле баланд мебошад»,- хулоса намуд олими тоҷик.
Президенти Ҷумҳурии Тоҷикистон Эмомалӣ Раҳмон бо медали «Барои хизматҳо дар рушди ҳамкории башардӯстона» сарфароз гардонида шуданд
ТОҶИКИСТОН — МИЗБОНИ ЧОРАБИНИҲОИ МУҲИМИ БАЙНАЛМИЛАЛӢ. Интихоби Душанбе чун макони баргузории ин чорабиниҳои муҳим ба таҷриба, эътибор ва нуфузи байналмилалии мамлакат асос ёфтааст
Вуруди Резервати биосферии «Ромит» ба Шабакаи ҷаҳонии мамнуъгоҳҳои ЮНЕСКО — рӯйдоди муҳим дар соҳаи экологии Тоҷикистон
ДИПЛОМАТИЯИ ТОҶИКИСТОН: АЗ СУХАНРОНИИ ТАЪРИХӢ ТО ТАШАББУСҲОИ ГЛОБАЛӢ. Эҳдо ба Рӯзи кормандони хизмати дипломатии Тоҷикистон
Президенти Тоҷикистон: «Таъсиси Маркази минтақавии зеҳни сунъиро дар шаҳри Душанбе салоҳи кор мешуморем»
Пиряхҳо ва дигар манбаъҳои обии Тоҷикистон то 60 фоизи захираҳои оби Осиёи Марказиро ташкил медиҳанд
Тоҷикистон дар соҳаи дипломатияи об мавқеи фаъол дорад
Тоҷикистон аз пайомадҳои манфии раванди тағйирёбии иқлим нигарон мебошад
Эмомалӣ Раҳмон: «Қатъномаи махсуси СММ оид ба эълон кардани «Даҳсолаи таҳкими сулҳ ба хотири наслҳои оянда» мавриди баррасӣ қарор дода шавад»
Президенти Тоҷикистон: «Маҷмаи Умумии СММ имконияти эълон намудани Соли байналмилалии маърифати ҳуқуқиро мавриди баррасӣ қарор диҳад»
Муҳаммадҷаъфари Ёҳаққӣ: «Мо раҳбари хирадмандеро меситоем, ки дасти як миллатро бар «Шоҳнома»-и устоди Тӯс кушода кард»
Бо пешниҳоди Тоҷикистон 14 қатъномаи Маҷмаи Умумии СММ оид ба масъалаҳои обу иқлим қабул гардид
