Санаи нави баргузории Бозиҳои олимпии Токио маълум гардид
ДУШАНБЕ, 01.04.2020. /АМИТ «Ховар»/. Аз 23 июл то 8 августи соли 2021 санаи нави баргузории Бозиҳои 32-юми олимпӣ дар Токио эълон гардид. Ин тасмим пас аз конфронси видеоии президенти Кумитаи байналмилалии олимпӣ Томас Бах бо Президенти Кумитаи байналмилалии параолимпӣ, раиси Кумитаи тадорукоти «Токио-2020» ва Ҳукумати Япония гирифта шуд. Дар ин бора намояндаи расмии Кумитаи миллии олимпии Тоҷикистон Умаралӣ Сафаралӣ ба мухбири АМИТ «Ховар» хабар дод.
Як ҳафтаи қабл бо қарори Кумитаи байналмилалии олимпӣ ва Ҳукумати Япония Бозиҳои олимпии Токио бо сабаби авҷ гирифтани сирояти вируси корона ба вақти дигар, аммо на дертар аз тобистони соли 2021 ба таъхир афтоданд. Бозиҳои параолимпӣ аз 24 август то 5 сентябри соли 2021 ба нақша гирифта шуданд.
Таҷрибаи ба вақти дигар гузаронидани Бозиҳои олимпӣ дар таърих бори аввал аст ва ин тасмимро федератсияҳои байналмилалӣ ва кумитаҳои миллии олимпӣ дастгирӣ карданд. Аз рӯи нақшаи аввалин, бозиҳо бояд имсол аз 24 июл то 9 август баргузор мешуданд. Акнун дар тақвими варзиши ҷаҳон тағйирот ба амал хоҳад омад. Аз ҷумла, Чемпионати ҷаҳон оид ба варзиши сабук-2021 ба соли 2022 гузаронида хоҳад шуд.
Ҳамин тариқ, варзиши сабуки ҷаҳониро зарур меояд соли 2023 низ чемпионати ҷаҳон гузаронад ва соли 2024 боз дар Бозиҳои олимпӣ ширкат кунад.
Чемпионати ҷаҳон оид ба шиноварӣ-2021 низ, ки моҳи августи соли оянда ба нақша гирифта шуда буд, ба вақти дигар гузаронида мешавад.
Тоҷикистон дар қароргоҳи СММ чорабинии сатҳи баланд оид ба нақши футбол дар солимии равонии ҷавонон доир намуд
Дар Тоҷикистон дар шаш моҳ 87 иншооти варзишӣ ба истифода дода шуд
Дастаи мунтахаби занонаи Тоҷикистон (U-20) дар Чемпионати CAFA-2026 иштирок менамояд
Федератсияи футболи Тоҷикистон дар Ню-Йорк фестивал баргузор менамояд
НИШАСТИ МАТБУОТӢ. Варзишгарони тоҷик дар беш аз 80 мусобиқаи сатҳи байналмилалӣ иштирок намуданд
Дар Душанбе дуюмин Чемпионати ҷаҳон оид ба гӯштингирӣ баргузор мешавад
Дар Душанбе Мусобиқаи ҷумҳуриявӣ оид ба ҷиу-ҷитсу ва грэплинг байни ҷавонон ва наврасон баргузор гардид
Дар Москва бахшида ба Рӯзи Ваҳдати миллӣ Мусобиқа оид ба футболи хурд таҳти унвони «Ҳамбастагӣ-2026» баргузор шуд
Дар ноҳияи Шаҳринав Маркази рушди бокс ва майдони варзишӣ ба истифода дода шуд
Дар деҳаи Себистони ноҳияи Данғара майдончаи варзишӣ ба истифода дода шуд
Дастаи мунтахаби Тоҷикистон оид ба футбол дар раддабандии нави ФИФА мақоми 101-умро соҳиб гардид
Дар Бадахшон лигаи волейбол байни мардон оғоз гардид
