Вакилони Маҷлиси намояндагон лоиҳаи Қонуни Ҷумҳурии Тоҷикистон «Дар бораи фаъолияти баҳодиҳӣ»-ро баррасӣ намуданд

Май 15, 2020 11:39

ДУШАНБЕ, 15.05.2020 /АМИТ «Ховар»/. Имрӯз раиси Кумитаи Маҷлиси намояндагони Маҷлиси Олии Ҷумҳурии Тоҷикистон оид ба иқтисод ва молия Ҳоким Холиқзода дар ҷаласа иброз дошт, ки лоиҳаи  Қонуни  Ҷумҳурии Тоҷикистон  «Дар бораи фаъолияти баҳодиҳӣ» бо тартиби ҳуқуқи ташаббуси қонунгузорӣ аз тарафи Ҳукумати Ҷумҳурии Тоҷикистон таҳия ва пешниҳод карда  шудааст. 

Тибқи иттилои котиби матбуоти Маҷлиси намояндагон Муҳаммадато Султонов, дар ҷаласа ҳамчунин таъкид карда шуд, ки баҳодиҳӣ воситаи муҳими ба танзим даровардани муносибатҳои иқтисодӣ  ба шумор  рафта, барои амалисозии  муносибатҳои молӣ ва ғайримолӣ нақши муҳим дорад.

Аз ин лиҳоз, бо мақсади мутобиқ намудани Қонуни Ҷумҳурии Тоҷикистон  «Дар бораи фаъолияти  баҳодиҳӣ»  ба шароити муосир ва амалкунандаи иқтисодӣ, аз ҷумла ҷорӣ намудани стандартҳои баҳодиҳӣ, муайян намудани ваколатҳои Ҳукумати Ҷумҳурии Тоҷикистон ва мақомоти ваколатдори давлатӣ дар соҳаи фаъолияти баҳодиҳӣ, танзими фаъолияти баҳодиҳии ташкилоти қарздиҳӣ ҳангоми ба гарав гузоштани молу мулк ва танзими самараноки фаъолият дар ин самт лоиҳаи Қонуни мазкур таҳия карда шудааст.

Лоиҳаи Қонуни Ҷумҳурии Тоҷикистон «Дар бораи фаъолияти баҳодиҳӣ» аз 6 боб ва 31 модда иборат буда, асосҳои ҳуқуқии муносибатҳоеро ба танзим медарорад, ки ҳангоми амалӣ намудани фаъолияти баҳодиҳӣ бо мақсади муқаррар намудани арзиши бозорӣ ва ё арзиши дигари объектҳои баҳодиҳӣ ба вуҷуд меоянд, инчунин ҳуқуқ ва уҳдадориҳои субъектҳои фаъолияти баҳодиҳиро новобаста аз шакли моликияташон муайян мекунад.

Дар ҷаласаи кумита ҳамчунин Созишнома оид ба маблағгузорӣ байни Ҷумҳурии  Тоҷикистон ва Ассотсиатсияи Байналмилалии Рушд оид ба лоиҳаи «Рушди иқтисодиёти деҳот» ва лоиҳаи  Қонуни  Ҷумҳурии Тоҷикистон  «Оид ба ворид намудани тағйироту иловаҳо ба Қонуни Ҷумҳурии Тоҷикистон «Дар бораи гаравхона (ломбард)» мавриди баррасии вакилон қарор гирифта, аз рӯи ҳамаи масъалаҳои муҳокима гардида қарорҳои дахлдор қабул карда шуд.

Ҳамчунин ҳамин рӯз бо иштироки Раиси Кумитаи Маҷлиси намояндагон оид  ба тартиботи ҳуқуқӣ, мудофиа ва амният Рустам Шоҳмурод ҷаласаи кумитаи мазкур баргузор гардид.

Дар ҷаласа ду масъала — «Дар бораи тасдиқи протокол дар бораи ворид намудани иловаҳо ба Созишномаи байни давлатҳои аъзои Созмони Ҳамкории Шанхай оид ба гузаронидани машқҳои муштараки ҳарбӣ аз 27 июни соли 2007»  ва «Дар бораи қарори  Шӯрои Ассамблеяи парлумонии СААД аз 29 апрели соли 2020 «Дар бораи муроҷиати Ассамблеяи парлумонии Созмони Аҳдномаи  Амнити Дастаҷамъӣ ба парлумонҳои давлатҳои аъзои Шӯрои Аврупо ба муносибати 75-солагии Ғалаба бар миллатгароӣ дар Ҷанги дуюми ҷаҳон» мавриди баррасии вакилони аъзои кумита қарор гирифт.

Зимни суханронӣ вакилони мардумӣ иброз намуданд, ки тасдиқи Протоколи мазкур ба қонунгузории амалкунандаи ҷумҳурӣ мухолифат надошта, барои дар амал татбиқ гардидани муқаррароти Протоколи мазкур асоси ҳуқуқӣ фароҳам меорад ва аз буҷети давлатӣ хароҷоти иловагӣ талаб намекунад.

Кумита таклиф намуд, ки мавод барои баррасӣ ба Шӯрои Маҷлиси намояндагон пешниҳод карда шаванд.

Май 15, 2020 11:39

Хабарҳои дигари ин бахш

Вакилон аҳамияти Дастури Маҷлиси намояндагони Маҷлиси Олиро баррасӣ намуданд
ДАР ҶАВОБ БА ДАЪВАТИ ХАЙРХОҲОНАИ ПЕШВОИ МИЛЛАТ. Вакилони Маҷлиси намояндагони Маҷлиси Олӣ ба табибон ва оилаҳои ниёзманд кумак намуданд
Шӯрои Маҷлиси намояндагон лоиҳаи қонун «Дар бораи муқовимат ба коррупсия»-ро баррасӣ намуд
ПАЙРАВӢ БА ТАШАББУСИ ПЕШВОИ МИЛЛАТ. Вакили Маҷлиси намояндагон ба беморхонаи сироятии шаҳри Ҳисор кӯмак намуд
«НАВМЕД НАБОЯД ШУДАН АЗ ГАРДИШИ АЙЁМ…». Муроҷиати вакили Маҷлиси намояндагони Маҷлиси Олии мамлакат Гавҳар Шарофзода
Вакили Маҷлиси намояндагон Гулбаҳор Назирӣ: «Ҳар як рӯйдоди ҳаёт барои инсон панду андарз аст»
Толибхон Азимзода намояндаи Маҷлиси намояндагон дар Суди конститутсионӣ интихоб гардид
Ба Қонун «Дар бораи кино» тағйиру иловаҳо ворид гардиданд
ПИЛЛАПАРВАРӢ. Дар Тоҷикистон барои воридоти тухми хушсифати кирмак имтиёзи андозиву гумрукӣ ҷорӣ карда мешавад
Дар Маҷлиси намояндагон оид ба пешгирии сироятёбӣ ба пандемияи COVID-19 ҳамоиш баргузор гардид
Барои бо барқ таъмин кардани 61 деҳаи дурдастарини Бадахшон лоиҳаи нав татбиқ мегардад
ПЕШВОИ МИЛЛАТ- БУНЁДГУЗОРИ МАКТАБИ БЕНАЗИРИ ТАРБИЯИ ФАРЗАНД. Раиси тозаинтихоби Маҷлиси миллӣ дастпарвари ин мактаб буда, комёб гардиданаш дар ин маснад далели бебаҳс аст

Маводҳои таҳлилӣ