Вазирони корҳои хориҷии Тоҷикистон ва Озарбойҷон масоили мубориза бо паҳншавии сирояти коронавирусро баррасӣ намуданд
ДУШАНБЕ, 11.05.2020 /АМИТ «Ховар»/. 9 май Вазири корҳои хориҷии Ҷумҳурии Тоҷикистон Сироҷиддин Муҳриддин бо Вазири корҳои хориҷии Ҷумҳурии Озарбойҷон Элмар Мамедяров суҳбати телефонӣ анҷом дод. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Вазирони корҳои хориҷӣ якдигарро бо ҷашни 75-солагии Ғалаба дар Ҷанги Бузурги Ватанӣ самимона табрик намуданд. Изҳори боварӣ карда шуд, ки Рӯзи Ғалаба минбаъд низ ҳамчун замина барои рушди муттасили муносибатҳои Тоҷикистону Озарбойҷон хизмат хоҳад кард.
Мусоҳибон масоили мубориза бо паҳншавии сирояти коронавирусро муҳокима намуда, якдигарро дар бораи вазъи бавуҷудомадаи эпидемиологӣ дар ду кишвар огоҳ карданд ва омодагии худро барои кори муштарак дар ин самт тасдиқ намуданд.
Сироҷиддин Муҳриддин ба Элмар Мамедяров барои кумаки башардӯстона, ки 7 май ба Тоҷикистон дар шакли лавозимоти тиббӣ ворид гардид, изҳори миннатдорӣ кард.
Ҷонибҳо ҳамчунин доир ба масоили ҳамкории минбаъдаи ду кишвар дар соҳаи нақлиёту коммуникатсия ва ҳамгироӣ дар доираи созмонҳои байналмилалӣ табодули афкор намуданд.
Акс аз ВКХ ҶТ
Ҳамкории дуҷонибаи Тоҷикистону Умон баррасӣ гардид
Сафири Тоҷикистон бо раиси Палатаи савдо ва саноати Салтанати Умон мулоқот намуд
Ҳамкории Тоҷикистон ва Эрон дар соҳаи илму фарҳанг баррасӣ шуд
Дар Берлин консерти ансамбли «Моҳирон» дар доираи фестивали байналмилалии Young Euro Classic баргузор гардид
Ҳамкории Тоҷикистону Кувайт дар соҳаи ҳуқуқи инсон баррасӣ шуд
Дар Кувайт ҳамкорӣ ва ҳамоҳангсозӣ дар самти консулӣ байни Тоҷикистон ва Давлати Кувайт баррасӣ гардид
Дар Вена масъалаҳои таҳкими ҳамкории илмӣ-фарҳангии Тоҷикистон ва Австрия баррасӣ гардиданд
Сироҷиддин Муҳриддин бо ҳамоҳангсози доимии СММ дар Тоҷикистон мулоқот намуд
Дар Анқара машваратҳои сиёсӣ байни вазоратҳои корҳои хориҷии Тоҷикистон ва Туркия баргузор шуданд
Масоили ҳамкорӣ дар соҳаи моликияти зеҳнӣ байни Тоҷикистон ва Корея баррасӣ гардид
Дар Теҳрон ҳамкории дуҷониба байни Тоҷикистон ва Эрон баррасӣ шуд
Сафири Тоҷикистон бо Вазири давлатии вазорати федералии корҳои хориҷии Олмон оид ба корҳои Аврупо мулоқот намуд
