Дар назди Ташкилоти ҷамъиятии «Пайравони Пешвои миллат» маҳфили «Роҳбалад» таъсис ёфт
ДУШАНБЕ, 16.06.2020 /АМИТ «Ховар»/. Бахшида ба эълон гардидани солҳои 2019-2021 Солҳои рушди деҳот, сайёҳӣ ва ҳунарҳои мардумӣ дар назди Ташкилоти ҷамъиятии «Пайравони Пешвои миллат» маҳфили «Роҳбалад» таъсис дода шуд.
Тавре аз Ташкилоти ҷамъиятии «Пайравони Пешвои миллат» Каримҷон Салимов ба АМИТ «Ховар» хабар дод, маҳфили мазкур дар доираи дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ташкил гардида, мақсад аз он муаррифии имкониятҳои сайёҳӣ, арзишҳои фарҳангӣ, захираҳои таърихию мадании мамлакат ва ба ин васила омода намудани кадрҳои баландихтисос дар самти роҳбаладӣ мебошад.
Амалӣ намудани ҳадафҳои Ҳукумати Ҷумҳурии Тоҷикистон бо роҳи худташаккулдиҳии ҷавонон ва тарбия намудани насли навраси ҷумҳурӣ дар роҳи худшиносӣ ва худогоҳии миллӣ яке аз рисолатҳои асосии Ташкилоти ҷамъиятии «Пайравони Пешвои миллат» мебошад. Таъсиси маҳфили «Роҳбалад» ба ҷавонон имкон медиҳад, ки онҳо арзишҳои фарҳангию таърихӣ ва сайёҳии мамлакатро омӯхта, дар дохил ва хориҷи мамлакат Тоҷикистонро муаррифӣ намояд.
Дар маҳфили мазкур волонтёрони забондон аз рӯи 10 номгӯи забонҳои муоширати байналмилалӣ ҷалб гардида, онҳо метавонанд оянда роҳбалади ҳайати меҳмонони дипломатӣ, корпусҳои дипломатӣ, созмонҳои байналмилалӣ, гурӯҳҳои байнидавлатӣ ва сайёҳони хориҷӣ гарданд.
Маҳфили «Роҳбалад» дар оянда аз ҳисоби ҷавонон мутахассисони тахассусӣ ва соҳавӣ омода намуда, имкон дорад, ки ҳайати олимону муҳаққиқон, коршиносони соҳаи тиб, бостоншинос, иқлимшинос, гиёҳшинос ва хокшиносро дар он ҷалб намоянд.
Дар шаҳри Санкт-Петербург Форуми XIV байналмилалии ҳуқуқӣ оғоз гардид
Ваколатдор оид ба ҳуқуқи инсон дар вохӯрии машваратии ниҳодҳои миллии ҳуқуқи инсони давлатҳои аъзои СҲШ иштирок намуд
Дар Душанбе даври сеюми Форуми марказҳои таҳлилии «Осиёи Марказӣ ва Ҷумҳурии Корея» баргузор гардид
Дар соҳили Сирдарёи шаҳри Хуҷанд шиногоҳи нав ба истифода дода шуд
«ВАҲДАТИ МИЛЛӢ — АСОСИ ШУКУФОИИ ВАТАН». Таҳти ин унвон конференсияи ҷумҳуриявӣ баргузор шуд
Ҷавонони Тоҷикистон дар Форуми 6-уми «Сарварони ҷавони эҷодкори Осиёи Марказӣ ва Русия» иштирок менамоянд
РӮЗИ ХИЗМАТЧИИ ДАВЛАТӢ. Дар Тоҷикистон ташкили ин ниҳод яке аз дастовардҳои давраи соҳибистиқлолӣ мебошад
Байни Тоҷикистон ва Қирғизистон Ёддошти тафоҳум оид ба ҳамкорӣ дар соҳаи ҳуқуқи инсон ба имзо расид
Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мегардад
Душанбе мизбони Форуми марказҳои таҳлилии «Осиёи Марказӣ ва Ҷумҳурии Корея» мегардад
Дар Тоҷикистон дар даҳ сол як маротиба барӯйхатгирии аҳолӣ ва фонди манзил гузаронида мешавад
Дар Ховалинг соҳибкорон аз хонаводаҳои Каримовҳо ва Одинаевҳо барои ятимону маъюбон осоишгоҳ сохтанд
