Муроҷиати сокинони Рӯшон ба Кабирӣ: «Мардуми ноҳия чӣ кор карданашонро медонанд ва ба дасисаҳои ту ниёз надоранд»

Июнь 23, 2020 09:11

ДУШАНБЕ, 23.06.2020 /АМИТ «Ховар»/. Маркази матбуоти Раиси Вилояти Мухтори Кӯҳистони Бадахшон дирӯз маводеро бо номи «Муроҷиатномаи сокинони ноҳияи Рӯшон ба хоини миллат, ҷинояткор Муҳиддин Кабирӣ» мунташир сохт, хабар медиҳад АМИТ «Ховар».

Муаллифони нома ба Муҳиддин Кабирӣ, раиси ҳизби феълан дар Тоҷикистон мамнӯи Наҳзати ислом муроҷиат намуда, гуфтаанд, ки  дар паҳлӯи Ҳукумат ҳастанд, қонунро риоя мекунанд ва ба дасисаҳо аз хориҷ дода намешаванд.

«Мардуми ноҳияи Рӯшон ҳамарӯза​ дастгириҳои Ҳукумати кишварро баръало эҳсос менамоем. Тӯли солҳои соҳибистиқлолӣ ободонию ободкорӣ дар ноҳияи мо ва умуман дар Вилояти Мухтори Кӯҳистони Бадахшон ба таври назаррас ба роҳ монда шуда, дар ноҳия тамоми шароитҳо барои зисти аҳолӣ муҳайё карда шудааст», — омадааст дар нома.

Дар  ин нома ишора меравад, ки Кабирӣ чанде пеш дар як навор гуфтааст, ки «миллат бояд дар паҳлӯи мардуми Рӯшон бошад».

Муаллифон ин гуфтаҳои ӯро макру фиреби навбатӣ дар истифодаи сокинон дар «ҷиноятҳои тарҳрезишудаи Кабирӣ» хондаанд.

Дар нома гуфта мешавад, ки «ду ҷинояткоре, ки кирдорҳои онҳо боиси нигаронии аҳли ҷомеаи Рӯшон гаштааст», мавриди таърифу тавсифи мухолифин қарор гирифтаанд.

«Дар ноҳияи Рӯшон қонуну қоида пойдор буда, мақомотҳои қудратӣ вазифаҳои худашонро иҷро мекунанд. Мардуми Рӯшон бошанд чӣ кор карданашонро медонанд ва ба дасисаҳои ту ниёз надоранд. Аз як кирдори номатлуби дар як кӯчаи рӯшон содиршуда ту ҳангома насоз. Мардуми Рӯшон туро як ҳиёнаткор ва бозичаи дасти баъзе давлатҳо медонанд», — афзудаанд сокинон.

Дар муроҷиат тазаккур дода шудааст, ки мардуми Бадахшон, аз ҷумла аҳолии ноҳияи Рӯшон сиёсати пешгирифтаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон  муҳтарам Эмомалӣ Раҳмонро ҳаматарафа ҷонибдорӣ намуда, тамоми қувваи ҷисмонию зеҳнии худро баҳри амалӣ сохтани дурнамо ва нақшаҳои Ҳукумати кишвар равона месозем. «Мо медонем, ки тамоми дастуру супоришҳо ва корҳое, ки (аз ҷониби Ҳукумат) дар ноҳияи мо анҷом дода мешаванд, ба нафъ ва барои беҳбудии мо нигаронида шудаанд», — хулоса кардаанд муаллифони нома.

Июнь 23, 2020 09:11

Хабарҳои дигари ин бахш

Дар панҷ соли охир музди меҳнати амалкунандаи кормандони мақомоти ҳифзи ҳуқуқ дар Тоҷикистон 100 фоиз зиёд карда шуд
Дар Қувваҳои мусаллаҳи Тоҷикистон даври якуми таҳсил оғоз гардид
Дар Раёсати Вазорати корҳои дохилӣ дар вилояти Суғд доир ба ҳифзи ҳуқуқу манфиатҳои ноболиғон ҳамоиш доир шуд
Вазорати корҳои дохилӣ: «Ҳеҷ гоҳ корти бонкӣ ё маълумоти онро ба шахсони сеюм надиҳед»
Дар Палатаи ҳисоб оид ба сиёсати ҳуқуқии давлат дар самти пешгирӣ ва муқовимат ба экстремизм ва терроризм машварат доир шуд
Ҷаласаи Комиссия оид ба ҳолатҳои фавқулода ва мудофиаи граждании ноҳияи Шаҳринав баргузор шуд
Прокуратураи генералӣ: «Дар робита ба кушторҳои дар шаҳри Конибодом рухдода гумонбарон дастгир гардиданд»
Дар Вазорати мудофиаи Тоҷикистон оид ба ҷамъбасти даъвати тирамоҳӣ ҷаласа баргузор гардид
1500 нафар ҷавонони синни даъватии вилояти Суғд даври омӯзишии ронандагиро хатм намуданд
Дар шаҳри Бодканд вохӯрии гурӯҳҳои кории ҳайатҳои ҳукуматии Тоҷикистон ва Қирғизистон баргузор шуд
Бахшида ба Рӯзи таъсиси Воҳидҳои таъйиноти махсуси Вазорати корҳои дохилӣ ҳамоиш доир шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон баргузор гардид