Президенти Тоҷикистон дар ҷашни 75-солагии Ғалаба дар шаҳри Москва иштирок хоҳанд кард
ДУШАНБЕ, 02.06.2020/АМИТ «Ховар»/. Президенти Ҷумҳурии Тоҷикистон дар чорабинии тантанавӣ бахшида ба 75 –солагии Ғалаба дар Ҷанги Бузурги Ватанӣ, ки 24 июн дар шаҳри Москва баргузор мегардад, иштирок хоҳанд кард. Дар ин бора ба АМИТ «Ховар» аз раёсати иттилоотии Вазорати корҳои хориҷии Тоҷикистон иттилоъ доданд.
«Дар бораи иштироки Президенти Тоҷикистон дар маросими тантанавӣ бахшида ба 75-солагии Ғалаба дар Ҷанги Бузурги Ватанӣ, ки 24 июн дар шаҳри Москва баргузор мегардад, тавассути шабакаҳои дипломатии Россия расман иттилоъ дода шудааст»,- омадааст дар гузориши раёсат.
Президентҳои Қазоқистон Қосим-Жомарт Тоқаев, Қирғизистон — Сооронбай Жээнбеков, Молдова – Игор Додон, Сербия — Александр Вучич низ ширкати хешро дар парад тасдиқ намуданд. Тибқи иттилои рӯзномаи «Коммерсанть», эҳтимол дорад, ки Президенти Ӯзбекистон Шавкат Мирзиёев низ дар парад иштирок намояд: ӯ бе ин ҳам моҳи июн нияти ба Россия сафар кардан дошт» .
Ба ҷуз роҳбарони давлатҳои зикршуда, як гурӯҳи амрикоии собиқадорони Ҷанги Дуюми Ҷаҳонӣ низ ба Москва меоянд. Дар ин бора президенти хазинаи ғайриҳукуматии «The Greatest Generations Foundation» Тимоти Дэвис гуфтааст, менависад ТАСС.
Тавре қаблан иттилоъ дода будем, Президенти Россия Владимир Путин ҳанӯз 16 апрел эълон намуд, ки тамоми чорабиниҳои оммавӣ ба ифтихори 75-солагии Ғалаба дар Ҷанги Бузурги Ватанӣ, аз ҷумла парад дар майдони Сурх, ки 9 май дар нақша буданд, ба таъхир гузошта шуданд.
Тавре ТАСС хабар медиҳад, 26 май Президенти Россия дар машварат бо вазири мудофиаи кишвараш Сергей Шойгу эълом дошт, ки Паради Ғалаба 24 июн баргузор хоҳад шуд. Роҳбари давлат иброз дошт, ки ин санаро барои он интихоб кардааст, ки 24 июни соли 1945 паради маъруфи таърихии ғолибон баргузор гашта буд. Ин рӯзест, ки ҷанговарон дар наздикии Москва ҷангида, Ленинградро ҳифз карданд, ҳамчунин дар остонаи Сталинград ҷоннисорӣ карда, Аврупоро озод намуда, барои забти Берлин ҳарбу зарб намудаанд. Сарвари давлат ба роҳбари Вазорати мудофиа дастур дод, ки тамоми манбаҳои хатар ба саломатии иштирокчиёни парад бартараф карда шаванд.
АКС аз бойгонӣ
Ҳамкории Тоҷикистон ва Олмон дар қолаби ҳамкории бисёрҷониба баррасӣ гардид
Маҷмаи Умумии Созмони Милали Муттаҳид оид ба ҷузъиёти баргузории Конфронси оби СММ-2028 дар Душанбе қатънома қабул намуд
Барномаи кишварии ЮНИСЕФ барои Тоҷикистон барои солҳои 2027-2030 қабул шуд
Дар Олмон зарфияти иқтисодию сайёҳӣ ва мероси фарҳангии Тоҷикистон муаррифӣ гардид
Дар Теҳрон ба муносибати 35-солагии Истиқлоли давлатии Тоҷикистон нишасти матбуотӣ доир шуд
АЗ ИСТИҚЛОЛИ ДАВЛАТӢ ТО ТАШАККУЛИ РӮЗНОМАИ ҶАҲОНИИ ЗЕҲНИ СУНЪӢ. Андешаҳои академик Фарҳод Раҳимӣ дар ин маврид
Намояндаи доимии Тоҷикистон дар нишасти ғайринавбатии Шурои вазирони корҳои хориҷии кишварҳои аъзои СҲИ иштирок намуд
Бо ташаббуси Тоҷикистон СММ 31 августро Рӯзи байналмилалии зеҳни сунъии бехатар, ҳифзшуда ва боэътимод эълон намуд
Антониу Гутерриш: «Тоҷикистон дар пешбурди рӯзномаи байналмилалӣ оид ба масъалаҳои об ва пиряхҳо нақши пешсаф дорад»
Дар Миср ду китоб оид ба Тоҷикистон ба забони арабӣ ба нашр расид
Дар Душанбе машваратҳои сиёсӣ байни вазорати корҳои хориҷии Тоҷикистон ва Умон баргузор гардид
Сафири Тоҷикистон бо ҳамватанони бурунмарзии муқими Русия вохӯрӣ намуд
