Шумораи гирифторони COVID-19 дар ҷаҳон беш аз 7,4 миллион нафар гардид
![](https://khovar.tj/wp-content/uploads/2020/04/COVID-19-KOVID-19-_-CHahon-Mir.jpeg)
ДУШАНБЕ, 11.06.2020 /НИАТ «Ховар»/. Шумораи ҳолатҳои сироятёбӣ аз коронавируси нав дар ҷаҳон беш аз 7,4 миллион гардида, зиёда аз 418 ҳазор нафар гирифторони COVID-19 вафот кардаанд, хабар медиҳад АМИТ «Ховар» бо истинод ба Созмони умумиҷаҳонии тандурустӣ (СУТ).
Тибқи охирин маълумоти СУТ, давоми шабонарӯзи гузашта 134 705 ҳолати нави гирифторшавӣ ба COVID-19 ошкор шуда, 5 165 бемор фавтидаанд. Ҳамин тариқ, шумораи умумии ҳолатҳои ошкоршудаи COVID-19 дар ҷаҳон 7 452 809 буда, теъдоди фавтидагон 418 919 мебошад.
11 март СУТ хуруҷи сирояти коронавируси нави COVID-19-ро пандемия эълон кард.