ТАВАҶҶУҲ! Оббозӣ дар ҷойҳои барои саломатӣ хатарнок қатъиян манъ аст
ДУШАНБЕ, 19.06.2020. /АМИТ Ховар/. Як сокини 17-солаи ноҳияи Деваштичи вилояти Суғд бар асари беэҳтиётӣ ва риоя накардани қоидаҳои оббозӣ дар об ғарқ шуд. Барои пайдо кардани ҷасади марҳум кормандони Шуъбаи КҲФ дар ноҳияи Деваштич ҷалб шуда, баъди ҷустуҷӯи бештар аз чорсоата ҷасади ҷавон пайдо ва ба мақомоти дахлдор супорида шуд. Дар ин бора аз Кумитаи ҳолатҳои фавқулода ва мудофаи граждании назди Ҳукумати Ҷумҳурии Тоҷикистон ба АМИТ “Ховар” хабар доданд.
Сабаби марги ҷавони 17-сола оббозӣ дар ҷойе будааст, ки барои шиноварӣ таҷҳизонида нашудааст.
Аз аввали соли равон то кунун дар маконҳои обии ҷумҳурӣ 28 нафар ғарқ шудаанд, ки 9 нафари онҳо наврасони то 16-сола мебошанд.
Мавриди зикр аст, ки тибқи қарори Ситоди ҷумҳуриявии пешгирӣ аз авҷи коронавирус аз 15 июн мавсими оббозиву шиноварӣ дар саросари кишвар расман оғоз гардид. То ин замон маъмурияти ҳамаи истироҳатгоҳҳои наздисоҳилӣ барои истиқболи истироҳаткунандагон омодагӣ диданд, соҳилҳо бо ҳама ашёву таҷҳизоти зарурӣ таъмин шуданд. Кормандони Кумитаи ҳолатҳои фавқулода аз қабл омодагии ин тафриҳгоҳҳоро ба қабули истироҳаткунандагон санҷида буданд.
Ба огоҳиҳои пайвастаи Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон дар мавриди риояи қоидаҳои бехатарӣ дар обҳо ва манъи оббозӣ дар ҷойҳои ғайримуҷаҳҳаз нигоҳ накарда, шаҳрвандон ҳамоно беэҳтиётӣ мекунанд ва ҷони худро дар хатар меандозанд.
Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон бори дигар ба сокинон ва меҳмонони мамлакат муроҷиат мекунад: дар бораи амнияту бехатарии худ бияндешед! Қоидаҳои шиновариро риоя кунед.
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
