Вакилони Маҷлиси намояндагон як қатор созишномаҳоро баррасӣ намуданд

Июнь 30, 2020 12:08

ДУШАНБЕ, 30.06.2020 /АМИТ «Ховар»/. Имрӯз ҷаласаи навбатии Маҷлиси намояндагони Маҷлиси Олии Ҷумҳурии Тоҷикистон даъвати шашум, таҳти раёсати Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода баргузор гардид, хабар медиҳад хабарнигори АМИТ «Ховар» София ШОИК.

Дар ҷаласа лоиҳаи Қонуни Ҷумҳурии Тоҷикистон «Оид ба ворид намудани тағйирот ба Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2020», Созишномаи қарзӣ, Созишномаи қолабӣ, Созишномаи агентӣ ва Созишномаи кумаки техникии грантӣ байни Ҷумҳурии Тоҷикистон ва Бонки Исломии Рушд вобаста ба лоиҳаи муштараки «Дастгирии татбиқи Стратегияи миллии рушди маориф», Созишнома оид ба ворид намудани тағйирот ба созишномаҳо вобаста ба маблағгузорӣ байни Ҷумҳурии Тоҷикистон ва Бонки Исломии  Рушд барои мубориза бо вируси COVID-19, Созишномаи грантӣ байни Ҷумҳурии Тоҷикистон ва Бонки Осиёии Рушд оид ба Барномаи вокуниши фаъол ба COVID-19 ва дастгирии қисми хароҷоти буҷет,  Созишнома оид ба маблағгузорӣ байни Ҷумҳурии Тоҷикистон ва Ассотсиатсияи Байналмилалии Рушд оид ба лоиҳаи «Таҳкими устувории иҷтимоӣ — иқтисодӣ», Созишномаи лоиҳавӣ байни Бунёди миллии иҷтимоии маблағгузории Тоҷикистон ва Ассотсиатсияи Байналмилалии Рушд оид ба лоиҳаи «Таҳкими устувории иҷтимоӣ — иқтисодӣ»,  Созишномаи маблағгузорӣ байни Ҷумҳурии Тоҷикистон ва Ассотсиатсияи Байналмилалии Рушд оид ба лоиҳаи «Инкишофи барвақти кӯдакон барои густариши сармояи инсонӣ дар Тоҷикистон», гузориши Раиси Маҷлиси намояндагони Маҷлиси Олии Ҷумҳурии Тоҷикистон «Дар бораи ҷамъбасти фаъолияти иҷлосияи якуми Маҷлиси намояндагони Маҷлиси Олии Ҷумҳурии Тоҷикистон даъвати шашум» мавриди баррасии ҳамаҷониба қарор гирифтанд.

Раиси Маҷлиси намояндагони Маҷлиси Олии Чумҳурии Тоҷикистон Маҳмадтоир Зокирзода зимни гузориши худ иброз намуд, ки   дар ин давра бо вуҷуди таҳдид ва сирояти бемории коронавируси нави COVID-19 вакилони Маҷлиси намояндагони Маҷлиси Олӣ фаъолияти худро босамар идома дода, як қатор корҳоро ба сомон расонданд.

Дар давраи ҳисоботӣ ба Маҷлиси намояндагон беш аз 55 санади меъёрии ҳуқуқӣ, аз ҷумла 5 қонуни мукаммал, 27 тағйиру илова ба қонуну кодексҳо ва 19 созишнома ворид гардида, мавриди омӯзиш ва баррасӣ қарор гирифтанд.

То имрӯз ба хотири баррасии лоиҳаи қонуну кодексҳо, созишномаву протоколҳо 11 маротиба ҷаласаи Шӯро ва 9 маротиба ҷаласаҳои Маҷлиси намояндагон дар сатҳи зарурӣ гузаронда шуд.

Дар давоми иҷлосияи якум баъд аз омӯзиш ва баррасии масъалаҳо 197 қарори Шӯро ва 130  қарори Маҷлиси намояндагон қабул карда шуд.

Бояд иброз намуд, ки аз теъдоди умумии лоиҳаи санадҳои меъёрии ҳуқуқии пешниҳодшуда бо истифода аз ҳуқуқи ташаббуси қонунгузорӣ аз ҷониби Президенти Ҷумҳурии Тоҷикистон 10 лоиҳа, Ҳукумати Ҷумҳурии Тоҷикистон 40 лоиҳа ва аз тарафи вакилони Маҷлиси намояндагон 5 лоиҳа манзур карда шудааст.

Сипас, аз рӯи ҳамаи масъалаҳо қарорҳои дахлдор қабул карда шуд.

 

АКС аз бойгонӣ

Июнь 30, 2020 12:08

Хабарҳои дигари ин бахш

Ҳайати вакилони Тоҷикистон дар Муколамаи дуюми минтақавии парламентӣ оид ба рушди технологияҳои «сабз» иштирок намуд
Дар Маҷлиси намояндагон лоиҳаи Қонуни Ҷумҳурии Тоҷикистон «Дар бораи мақоми омӯзгор» мавриди баррасӣ қарор гирифт
Дар Русия ҷаласаҳои навбатии Ассамблеяи байнипарламентии давлатҳои ИДМ баргузор гардиданд
Файзалӣ Идизода бо ваколатдор оид ба ҳуқуқи инсон дар Федератсияи Русия вохӯрӣ намуд
Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ бо муовини Раиси Ҳукумати Федератсияи Русия Марат Ҳуснуллин мулоқот намуданд
Файзалӣ Идизода дар ҷаласаи маҷозии роҳбарони парламентҳои кишварҳо иштирок намуд
Иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Ҳайати Гурӯҳи дӯстӣ ва ҳамкории Маҷлиси намояндагони Тоҷикистон бо Палатаи намояндагони Маҷлиси миллии Беларус мулоқот намуд
Намояндаи Тоҷикистон дар Конфронси умумиҷаҳонии парламентӣ оид ба мубориза бо терроризм ва пешгирии ифротгароӣ иштирок намуд
Вакили Маҷлиси намояндагон: «Парлумони Тоҷикистон иштирокчии фаъол ва шарики муътамади Форуми осиёии ҳамкории парламентӣ мебошад»
ЗАБОНИ ТОҶИКӢ — ЗАБОНИ ҚУДРАТ ВА ИЛМУ ТАҲСИЛ. Андешаҳо оид ба бузургдошти забони давлатии Тоҷикистон
Дар Душанбе доир ба асосҳои қонунгузории гузариш ба рушди «сабз» ҳамоиш баргузор гардид