Бонувони имконияташон маҳдуди Хуросон соҳиби мошинаҳои нави дӯзандагӣ гардиданд

Июль 28, 2020 15:54

ДУШАНБЕ, 28.07.2020 /АМИТ «Ховар»/. Аз ҷониби Кумитаи иҷроияи ҲХДТ дар вилояти Хатлон ба коргоҳи хурди дӯзандагии деҳаи Сарбанди ноҳияи Хуросон, ки дар он гурӯҳи бонувони имконияти ҷисмонияшон маҳдуд зери сарпарастии филиали Ташкилоти ҷамъиятии “Иттиҳодияи миллии маъюбони Тоҷикистон” фаъолият менамоянд, ду мошинаи либосдӯзии барқӣ тақдим гардид. Дар ин хусус ба АМИТ «Ховар» аз шуъбаи иттилоот ва матбуоти  Кумитаи иҷроияи ҲХТД дар вилояти Хатлон хабар доданд.

Дар коргоҳи навтаъсис барои даҳ бонуи маҳаллӣ ҷойи кор фароҳам оварда шуда бошад ҳам,  аз сабаби дар он мавҷуд  набудани мошинаи дарздӯзӣ ҳамагӣ   6  нафар ба кор ҷалб гардида буданд.     Бо илова шудани ду мошинаи дӯзандагии дигар шумораи коргарони ин коргоҳ ба ҳашт адад расид. Ҳоло  имконияти фаъолият дар коргоҳи хурд  нисбатан беҳтар мегардад.

Намояндагони кумитаи иҷроияи вилоятии ҲХДТ – мудирони шуъбаҳои кор бо ҷавонон Беҳрӯз Бобоев ва кор бо занон Қурбонгул Раҷабзода баробари супоридани туҳфа зикр намуданд, ки имрӯзҳо дар ҷумҳурӣ  шароити будубоши шахсони дорои имконияти маҳдуд хеле хуб буда, онҳо аз ҷониби Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолии Ҷумҳурии Тоҷикистон пайваста дастгирӣ меёбанд.

Дар ҷумҳурӣ аз соли 1989 то инҷониб Иттиҳодияи миллии маъюбони Тоҷикистон  фаъолият дорад, ки  ҳадафи аслии он ҳимоя намудани ҳуқуқ ва манфиатҳои шахсони имконияташон маҳдуд мебошад. Ҳифзи иҷтимоии маъюбон, аз ҷумла, шахсони дорои имконияти маҳдуд яке аз самтҳои муҳим ва асосии сиёсати  иҷтимоии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ҳисоб меравад.  Бо талошҳои пайвастаи Сарвари давлат дар ҷумҳурӣ заминаи ҳуқуқии ҳифзи иҷтимоии маъюбон пурра таҳия ва мавриди амал қарор дода шудааст.  Аз ҷумла,  соли 2016 аз ҷониби Ҳукумати Ҷумҳурии Тоҷикистон «Барномаи миллии тавонбахшии маъюбон барои солҳои 2017-2020» таҳия ва қабул гардид, ки мақсади асосии он фароҳам овардани шароити мусоид барои маъюбон, беҳтар намудани вазъи тандурустӣ ва солимгардонии онҳо мебошад.

Бонувон ва маъмурияти ташкилоти болозикр барои ин амали наҷиб ба роҳбарияти Кумитаи иҷроияи ҲХДТ дар вилояти Хатлон изҳори сипос карданд. Тавре маълум гардид, дар ин коргоҳи хурди дӯзандагӣ имрӯзҳо занону бонувони дорои имконияти маҳдуд дар баробари дӯхтани либосҳои гуногун ҳамчунин тибқи талаботи ҷомеа ба дӯхтани ниқобҳо шурӯъ кардаанд.

Июль 28, 2020 15:54

Хабарҳои дигари ин бахш

КӢ ХОДИМИ ДИН ШУДА НАМЕТАВОНАД. Парлумони Тоҷикистон ба қонун дар бораи озодии виҷдон ва иттиҳодияҳои динӣ тағйирот ворид намуд
Наврасони Хоруғ ба лагери дараи Ромити шаҳри Ваҳдат раҳсипор гардиданд
Дар Душанбе «Барномаи давлатии рушди ғизои мактабӣ дар Ҷумҳурии Тоҷикистон барои солҳои 2022-2027» муаррифӣ шуд
13 деҳаи ноҳияи Файзобод бо фарогирии 19717 нафар аҳолӣ бо оби тозаи нӯшокӣ таъмин карда мешаванд
Музаффар Ашуриён дар Форуми 10-уми байналмилалии ҳуқуқӣ дар Санкт-Петербург иштирок дорад
Омӯзгорону касбомӯзони «Маркази таълими калонсолони Тоҷикистон» барои ҳайати Узбекистон дарси маҳорат гузарониданд
Дар Ҷамоати деҳоти Ворухи Исфара пас аз офати табиӣ дастрасӣ ба оби нӯшокӣ ва полезӣ таъмин гардид
МОҲИ ИЮЛ ТОҶИКИСТОНИЁНРО ЧӢ ГУНА ҲАВО ИНТИЗОР АСТ? Ба ин суоли АМИТ «Ховар» муовини Директори Агентии обуҳавошиносӣ Ҷамила Байдуллоева посух дод
ЭҲТИЁТ ШАВЕД, «ЧИЛЛА»-И ТОБИСТОН! Дар Тоҷикистон ин рӯзҳо ҳарорати ҳаво то ба 45 дараҷа мерасад
Дар ноҳияи Кӯшониён пули дарозиаш 85-метра ба истифода дода шуд
Корҳои кашидани хатти оби нушокӣ аз деҳаи Калтачинор ба маркази ноҳияи Балҷувон оғоз гардиданд
Ба Тоҷикистон беш аз 200 ҳазор воя ваксинаи намуди «Pfizer» ворид карда шуд