Дар Китобхонаи миллӣ барои баргузории Озмуни «Фурӯғи субҳи доноӣ китоб аст» толори махсус кушода шуд

Июль 30, 2020 09:22

ДУШАНБЕ, 30.07.2020 /АМИТ «Ховар»/. Ҷиҳати дар сатҳи баланд баргузор намудани Озмуни ҷумҳуриявии «Фурӯғи субҳи доноӣ китоб аст», ки ба ифтихори ҷашни 30-солагии Истиқлолияти давлатии Ҷумҳурии Тоҷикистон таҳти сарпарастии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон миёни қишрҳои гуногуни ҷомеа баргузор карда мешавад, дар Китобхонаи миллии Тоҷикистон  толори алоҳида ташкил карда шуд. Дар ин бора зимни натиҷагирӣ аз фаъолияти шашмоҳаи Муассисаи Давлатии  «Китобхонаи миллии Тоҷикистон» иттилоъ дода шуд.

Зикр гардид, ки дар толори мазкур китобҳои тавсиявӣ аз рӯйи панҷ номинатсияи озмун (адабиёти классикӣ, адабиёти муосир, адабиёти бачагона, адабиёти ҷаҳон, шоирӣ) барои иштироккунандагон бо гузоштани адабиёт дар гӯшаҳо таъсис дода шудааст. Ҳамчунин ҳомилҳои электронии адабиёти тавсиявии озмуни мазкур омода карда шуда, ба довталабон ройгон дастрас гардонида мешаванд.

Ёдовар мешавем, ки яке аз мутасаддиёни баргузории Озмуни ҷумҳуриявии «Фурӯғи субҳи доноӣ китоб аст» Китобхонаи миллии Тоҷикистон ба шумор рафта, барои омода кардани ҷойи баргузории озмун дар даври чоруми он муваззаф гардидааст.

Ҳамзамон гурӯҳи махсуси таблиғотӣ таъсис ёфтааст, ки тариқи воситаҳои ахбори омма ба таври доимӣ доир ба баргузории озмун суҳбату вохӯриҳо мегузаронад.

Зимни ҷаласа директори Китобхонаи миллӣ Ҷумахон Файзализода зикр намуд, ки дар шашмоҳаи имсол 17396 нусха китоб ворид шудааст, ки аз ин ҳисоб 13 404 нусхаашро Китобхона ба маблағи бештар аз  186340 сомонӣ харида,  барои истифодаи хонандагон пешниҳод намуд.  Дар вохӯрӣ, ки бо иштироки сардорон ва масъулини шуъбаву марказҳои китобхона доир шуд, зикр гардид, ки дар ин давра ба китобхона 126 827 нафар хонандагон омада, тибқи дархосташон бештар аз 161 ҳазор нусха адабиёт пешниҳод карда шудааст.

Дар ин давра 8127 нафар хонандагон ба узвияти Китобхона  пазируфта шуданд. Аз оғози фаъолият то имрӯз шумораи умумии аъзои китобхона 201 019 нафар хонандаро ташкил медиҳад. Мутобиқ ба дархости унвонҷӯёну аспирантон ва магистрантону дигар кормандони соҳаи илм дар ин муддат 6822 нусха китоб барои хондан дар хона пешниҳод гардида, ҳамзамон маводи мазкур вобаста ба дархости хонандагон дар шакли электронӣ пешниҳод гардидаанд.

Дар ин давра 683 адад дархости китобхонаҳои вилоятҳои Бадахшону Хатлон, Суғд ва ноҳияҳои тобеи марказ иҷро гардидааст.

Акс аз бойгонии АМИТ «Ховар»

Июль 30, 2020 09:22

Хабарҳои дигари ин бахш

Филми «Автобус»-и коргардони тоҷик Абдулҳай Зокиров дар фестивали байналмилалӣ ҷоиза гирифт
12 сол қабл дар деҳаи Панҷрӯди Панҷакент мақбараи асосгузори адабиёти тоҷику форс Абӯабдулло Рӯдакӣ ифтитоҳ гардид
Осорхонаи миллии Тоҷикистон соҳиби ҷоизаи «Интихоби сайёҳон» гардид
3 нафар донишҷӯёни Донишкадаи давлатии фарҳанг ва санъат ғолиби даври ноҳиявии озмуни «Фурўғи субҳи доноӣ китоб аст» гардиданд
Кашшофи Саразм. Гиромидошти хотираи доктори илмҳои таърих, равоншод Абдуллоҷон Исҳоқӣ дар шаҳри Исфара
ГЕСӮИ ДАРОЗ — НИМИ ҲУСН. Имрӯз Рӯзи байналмилалии зебоӣ низ таҷлил карда мешавад
Тибқи супориши Пешвои миллат Эмомалӣ Раҳмон чопи китоби «Тоҷикон»-и аллома Бобоҷон Ғафуров оғоз шуд
Муовини Сарвазири мамлакат Ширин Исматуллозода ба аҳли фарҳанг мукофотҳои давлатӣ супорид
Ғолибони даври аввали озмуни «Об – гарави рушди деҳот ва сайёҳӣ» муайян ва қадрдонӣ шуданд
Ходими адабии АМИТ «Ховар» Камол Насрулло дар озмуни «Тоҷикистон – хонаи умеди мо» соҳиби ҷойи аввал дар бахши назм гардид
Дар Муъминобод меҳмонхонаи панҷситорадор ва осоишгоҳи «Чилдухтарон» бунёд мегарданд
Дар Сари Хосор сайру саёҳати сафарӣ ва Этно – фестивал доир гардид