Дар Ӯзбекистон ҳаракати нақлиёти автомобилӣ комилан мутавақиф шуд

ДУШАНБЕ, 27.07.2020 / АМИТ «Ховар» /. Мутобиқи қарори Комиссияи махсуси ҷумҳуриявӣ 25-26 июл (шанбе ва якшанбе) дар қаламрави Ӯзбекистон ҳаракати воситаҳои нақлиёти автомобилӣ, аз ҷумла таксиҳои ғайрисамтӣ манъ мешавад,- хабар медиҳад АМИТ “Ховар” бо истинод ба АМИ «УзА».

Дар Ӯзбекистон карантин то 15 август тамдид карда шуд. Қарори дахлдор аз тарафи Комиссияи махсуси ҷумҳуриявӣ оид ба таҳияи барномаи чорабиниҳои вобаста ба пешгирии паҳншавии коронавирус қабул шудааст, — хабар медиҳад АМИТ “Ховар” бо истинод ба хадамоти матбуоти Вазорати тандурустии ҶӮ.

Тибқи қарори мазкур, муҳлати манъ намудани баъзе намудҳои фаъолият, ки қаблан  мамнӯъ шуда буд, тамдид карда мешавад. Аз ҷумла, боғҳо, бозорҳои либосворӣ ва мағозаҳои калони молҳо, толорҳои варзишӣ, клубҳои фитнес, ҳавзҳои шиноварӣ, ҳама муассисаҳои таълимии томактабӣ, курсҳои омӯзишӣ ва маҳфилҳо, муассисаҳои хӯроки умумӣ (ба истиснои хадамоти дастраскунӣ), сартарошхонаҳо ва салонҳои зебоӣ, осоишгоҳҳо, лагерҳои кӯдакон, меҳмонхонаҳо, ҷойҳои оббозӣ ва дигари истироҳатӣ.Ҳаракати воситаҳои нақлиёти шахсӣ ва таксиҳо инчунин 31 июл, 1-2 ва 8-9 август низ манъ аст.

Ин маҳдудиятҳо ба дорандагони иҷозатномаҳо ва касоне, ки тибқи категорияҳои қаблан тасдиқшуда ба онҳо иҷозати рафту омад тавассути нақлиёт дода шудааст, дахл надоранд. Дар Ӯзбекистон то соати 10:00 ба вақти маҳаллии 26 июл шумораи умумии ҳолатҳои сироятёбӣ аз коронавируси COVID-19 ба 20,226 расидааст, хабар медиҳад хадамоти матбуоти Вазорати тандурустии Ӯзбекистон.Давоми як шабонарӯз дар кишвар 573 ҳолати сироятёбӣ бо COVID-19 сабт шудааст, 359 тани сироятшуда шифо ёфта, 5 тан фавтидаанд.