ДАРОЗТАРИН ГУЗАРГОҲИ ЗЕРИЗАМИНӢ ДАР ТОҶИКИСТОН ВА ОСИЁИ МАРКАЗӢ. Он имрӯз дар шаҳри Хуҷанд, дар мавзеи бозори марказии «Панҷшанбе» мавриди истифода қарор дода шуд
ДУШАНБЕ, 02.07.2020. /АМИТ «Ховар»/. Имрӯз дар доираи сафари кории Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба вилояти Суғд дар шаҳри Хуҷанд бо иштироки Ёрдамчии Президенти мамлакат оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода ва Раиси вилоят Раҷаббой Аҳмадзода дар кӯчаи Шарқ гузаргоҳи зеризаминии мавзеи бозори марказии «Панҷшанбе» мавриди баҳрабардорӣ қарор дода шуд. Дар ин бора АМИТ «Ховар» бо истинод ба сардори маркази матбуоти Раиси шаҳри Хуҷанд Маъмур Юсуфов хабар медиҳад.
Тавре гуфта мешавад, иншооти мазкур аз ҷониби соҳибкори маҳаллӣ Муртазо Алиев ба маблағи 20 миллион сомонӣ сохта ба истифода дода шуд. Фармоишгар ва пудратчӣ ҶДММ «Сохтмончиёни Суғд» буда, лоиҳаи он аз ҷониби ПИЛҶ «САНИИОСП» таҳия гардидааст. Масоҳати умумии қитъаи замини ҷудогардида 5054,4 м2 -буда, дарозии иншоот 260, бараш 18 метр буда, аз 10 даромад иборат аст.
«Ин дарозтарин гузаргоҳи зеризаминӣ дар Тоҷикистон ва ҳатто дар минтақаи Осиёи Марказӣ мебошад», — гуфт Маъмур Юсуфов ба хабарнигори АМИТ «Ховар».
Зимни ифтитоҳ зикр гардид, ки корҳои сохтмонӣ соли 2018 оғоз гардида, дар он беш аз 60 нафар сохтмончиёни маҳаллӣ кору фаъолият доштанд. Иншооти мазкур дорои 114 адад нуқтаҳои савдо буда, ҳангоми ба истифода додан зиёда аз 300 нафар шаҳрвандон бо ҷои кори доимӣ таъмин мегарданд.
Дар мағозаҳои гузаргоҳи зеризаминӣ дар баробари молу колои зарурӣ, ҳамзамон анвои гуногуни ватанӣ, бахусус истеҳсолоти либосҳои дохилӣ, ҳунарҳои мардумӣ ва маҳсули кори эҷодкорон манзури харидорон карда шудааст.
Абдуҷаббор Раҳмонзода ин иқдоми неки соҳибкорро тавсиф намуда, дар самти таъсиси ҷойҳои нави корӣ, рушди соҳибкорӣ, нақши муосир гузоштан ба муаррифии молҳои ватанӣ баҳои баланд дод.
Ҳамзамон болои гузаргоҳи зеризаминӣ мумфарш ва ҳудуди он барои бехатарии шаҳрвандон панҷарабандӣ карда шудааст. Роҳрави кӯчаи Шарқ пурра сафолакпӯш ва қадди роҳ бо усусли муосир чароғон гардидааст.
Бунёди чунин гузаргоҳи калони зеризаминӣ самараи рушди босуботи кишвар ва инкишофи соҳаи тиҷорат арзёбӣ гардида, барои ҳалли мушкилоти иҷтимоии сокинон ва бахусус таъмин бо ҷойи кори доимӣ мусоидат хоҳад намуд.
26 СЕНТЯБР-РӮЗИ МАҶЛИСИ ОЛӢ. 24 Паёми Президенти Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» ба ин мақоми олии намояндагӣ ва қонунгузор ироа гардидаанд
Имрӯз маҷлиси Ҳукумати Ҷумҳурии Тоҷикистон баргузор шуд
ТАЪРИХИ ПАЙДОИШИ МАМНУЪГОҲИ «БЕШАИ ПАЛАНГОН». Дар Осиёи Марказӣ нахустин шуда, маҳз дар Тоҷикистон мамнуъгоҳҳо ва парваришгоҳҳо ташкил шуданд
Ба Феҳристи мероси ҷаҳонии ЮНЕСКО ворид гардидани «Бешаи палангон» бозгӯи баланд гардидани мавқеи Тоҷикистон дар раддабандиҳои байналмилалӣ аст
МАЗРААИ ИФТИХОР: «Ҷангали туғайи мамнуъгоҳи Бешаи палангон» ба Феҳристи мероси умумиҷаҳонии ЮНЕСКО ворид карда шуд
Таъкидҳои муҳим аз суханронии Президенти Тоҷикистон Эмомалӣ Раҳмон дар мубоҳисаҳои умумии Иҷлосияи 78-уми Маҷмаи Умумии Созмони Милали Муттаҳид ба хотири таъмини сулҳ, амният, пешрафт ва тараққиёти байналмилалӣ
Абдухалил Ғафурзода: «Суханронии Президенти Тоҷикистон дар мубоҳисаҳои умумии иҷлосияи 78-уми Маҷмаи умумии СММ дастурамали мукаммал баҳри баҳамоӣ, ҳамгироӣ ва ҳамзистии кулли башарият аст»
ЧЕҲРАЕ МУНАВВАР ДАР САМОИ СИЁСАТИ ДАВРОН. Дар сиёсати хориҷии Тоҷикистон таҳким ва густариши ҳамкорӣ бо давлатҳои хориҷӣ бо номи Президенти мамлакат алоқаманд аст
Сарвари давлат: «Тоҷикистон барои истифодаи имкониятҳои логистикии худ, аз ҷумла шаш пул дар сарҳад, ҷиҳати идомаи расонидани кумакҳои башардӯстона ба мардуми Афғонистон шароити заруриро фароҳам овардааст»
Президенти Ҷумҳурии Тоҷикистон: «Обшавии босуръати пиряхҳо пажӯҳиш, ҷамъоварию коркарди маълумот ва ҳамкории амиқи байналмилалиро тақозо менамояд»
ХУШХАБАР! «Ҷангали туғайи мамнуъгоҳи Бешаи палангон» ба Феҳристи мероси умумиҷаҳонии ЮНЕСКО ворид гардид
