Факултети муштараки сайёҳии Донишкадаи сайёҳӣ, соҳибкорӣ ва хизмат ва Донишгоҳи давлатии сайёҳӣ ва хизмати Россия таъсис дода мешавад
ДУШАНБЕ, 24.07.2020 /АМИТ «Ховар»/. Ояндаи наздик факултети муштараки сайёҳии Донишкадаи сайёҳӣ, соҳибкорӣ ва хизмат ва Донишгоҳи давлатии сайёҳӣ ва хизмати Россия таъсис дода мешавад. Дар ин бора имрӯз зимни нишасти матбуотӣ ректори Донишкадаи сайёҳӣ, соҳибкорӣ ва хизмат Убайдулло Асрорзода ба хабарнигорон ибрози назар намуд.
Бино ба маълумоти номбурда, дар айни ҳол лоиҳаи созишнома дар ҳолати баррасӣ қарор дорад. Дар ин давра робитаҳои хориҷии Донишкада бо донишгоҳу донишкадаҳо ва марказҳои илмӣ-таҳқиқотии ватанию байналмилалӣ густариш ёфт. Аз ҷумла, дар доираи ҳамкории байналмилалӣ бо макотиби олӣ ва муассисаҳои илмӣ дар шашмоҳаи аввали соли 2020 2 нафар омӯзгорони донишкада ба Донишгоҳи илмҳои татбиқии Бредаи Нидерланд сафари корӣ анҷом дода, такмили касб намуданд.
Инчунин дар ин давра иҷрои Лоиҳаи “Рушди таҳсилоти олӣ дар Тоҷикистон”, барномаҳои грантии “Омода намудани кадрҳо бо мақсади рушди устувори сайёҳӣ дар Ҷумҳурии Тоҷикистон” ва “Баланд бардоштани сифати таҳсилот дар асоси истифодаи муҳити иттилоотию таҳсилотии электронӣ дар Донишкада” бомуваффақият идома дода шуд.
Дар доираи барномаи грантии “Омода намудани кадрҳо бо мақсади рушди устувори сайёҳӣ дар Ҷумҳурии Тоҷикистон” дар шашмоҳаи аввали соли 2020 лабораторияҳои “Иттилоотӣ-сайёҳӣ” ва “Сервиси сайёҳӣ-меҳмондорӣ” таъсис дода шуда, бо таҷҳизоти муосири иттиллотӣ ва сайёҳиву меҳмондорӣ ҷиҳозонида шуданд.
Ҳамчунин барои дарёфти грантҳо тавассути маблағгузории Бонки Осиёии Рушд, Бонки исломии рушд ва Эрасмус + корҳои муайяне сурат гирифта истодаанд. Бо мақсади фароҳам сохтани пойгоҳи мустаҳками таълимӣ-таҷрибаомӯзӣ раёсати Донишкадаи сайёҳӣ, соҳибкорӣ ва хизмат ҷиҳати бунёд ва ҷиҳозонидани Маркази таълимӣ-таҷрибаомӯзии сайёҳӣ ва меҳмондорӣ дар чорчӯбаи лоиҳаи “Тақвияти таҳсилоти касбӣ-техникӣ ва омӯзиш”, ки бо маблағгузории Бонки Осиёии Рушд (БОР) амалӣ шуда истодааст, кӯшиш ба харҷ дода истодаанд. Донишкада дар ин давра якчанд суҳбату мулоқот бо коршиносони соҳаҳои сайёҳӣ ва меҳмондории кишварҳои хориҷаро ба нақша гирифта буд, вале бо сабаби паҳншавии бемории сироятии коронавирус ин мулоқот тариқи онлайн сурат гирифтанд.
Дар натиҷаи омӯзиши таҷрибаи Донишгоҳи илмҳои татбиқии Бредаи Нидерланд, Донишгоҳи гуманитарию ҳуқуқии Қазоқистон ва дигар донишгоҳҳои шарик ҳуҷҷатҳои менеҷменти сифати таҳсилот дар Донишкада такмил дода шуданд.
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
Пагоҳ дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
«Бисоз Life»: 2,5 маротиба бештар суҳбат намоед!
Имрӯз дар Тоҷикистон борон ва барф дар назар аст
Вобаста ба таҳким бахшидани ҳамкории милитсия бо ҷомеа дар ноҳияи Ёвон ҳамоиши маърифатӣ-ҳуқуқӣ доир гардид
Агентии амнияти химиявӣ, биологӣ, радиатсионӣ ва ядроӣ ҳамкориро бо Маркази ҷумҳуриявии илмии саратоншиносӣ тақвият мебахшад
Имрӯз дар баъзе ноҳияҳои Тоҷикистон барф меборад
Дар Боку таҳкими ҳамкории Тоҷикистон ва Донишгоҳи Академияи дипломатии Озарбойҷон дар соҳаи маориф ва илм баррасӣ шуд
