Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
ДУШАНБЕ, 21.09.2026 /АМИТ «Ховар»/. То 11 сентябр кишоварзони Тоҷикистон аз 275 ҳазору 290 гектар 866 ҳазору 754 тонна зироати ғалладонагӣ ҷамъоварӣ намудаанд, ки ҳосилнокӣ аз ҳар гектар то 40-сентнериро ташкил медиҳад.
Тавре аз Вазорати кишоварзии Ҷумҳурии Тоҷикистон ба АМИТ «Ховар» иттилоъ доданд, соли равон дар 286 ҳазору 679 гектар хоҷагиҳои ҷамоавӣ ва деҳқонии ҷумҳурӣ зироати ғалладонагӣ кишт карда шудааст.
Дар давраи соҳибистиқлолии Ҷумҳурии Тоҷикистон ҳосили ғалладонагиҳо 1,4 миллион тонна бештар шудааст. Соли 2025 дар ҷумҳурӣ 1,7 миллион тонна ғалладонагӣ истеҳсол карда шуд, ки нисбат ба соли 1991 ба андозаи 1,4 миллион тонна ё 6 маротиба зиёд аст. Тибқи маълумоти оморӣ, соли 2025 дар ҳама шаклҳои хоҷагидории ҷумҳурӣ майдони кишти зироати ғалладонагӣ 375 ҳазору 709 гектарро ташкил додааст.
Ғалладонагиҳо, аз қабили гандум, ҷавсар, лӯбиё, нахӯд, мош, шолӣ ва ҷуворимакка маҳсулоти хӯроки ҳаррӯзаи мардум дониста мешаванд. Аз ин рӯ, Вазорати кишоварзии Тоҷикистон талош дорад, ки кишти чунин зироатро дар мамлакат бештар намояд, то сокинони ҷумҳурӣ бо маҳсулоти аз ҷиҳати табиӣ тоза ва фоидаовар таъмин бошанд.
АКС аз бойгонӣ
Муколамаи чоруми минтақавӣ оид ба иқтисоди даврӣ дар Осиёи Марказӣ баргузор гардид
Имрӯз дар шаҳри Душанбе ҳавои тағйирёбанда пешгӯӣ мешавад
Дар шаҳри Душанбе ҷашни Меҳргон таҷлил мегардад
Дар Тоҷикистон ҷамъоварии меваи анор оғоз гардидааст
Дар Академияи идоракунии давлатӣ даври шаҳрии озмуни «Беҳтарин хизматчии давлатӣ аз ҳисоби занон» доир шуд
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
