ФУТБОЛ. Пагоҳ бозиҳои даври ҷамъбастии марҳилаи аввали Чемпионати Тоҷикистон баргузор мегардад
ДУШАНБЕ, 10.07.2020. /АМИТ «Ховар»/. Пагоҳ дар варзишгоҳҳои мамлакат бозиҳои даври ҷамъбастии марҳилаи аввали лигаи олии Тоҷикистон оғоз мешаванд. 11 июл дастаҳои футболи «Куктош» бо «Файзканд», «Регар-ТадАЗ» бо «Хатлон», «Истаравшан» бо КМВА ва 12 июл «Хуҷанд» бо «Душанбе-83», «Истиқлол» бо «Локомотив-Помир»-и Душанбе байни ҳам рақобат мекунанд. Ин мавзӯъро шореҳи варзишии АМИТ «Ховар» Меҳрони Қурбон шарҳ медиҳад.
Ёдовар мешавем, ки бозиҳои даври ҳаштуми Чемпионати Тоҷикистон оид ба футбол миёни дастаҳои лигаи олӣ 4-5 июли соли равон баргузор гардида буданд.
4 июл дастаи футболи «Истиқлол»-и Душанбе дар шаҳри Кӯлоб бар дастаи «Файзканд»-и ноҳияи Восеъ бо ҳисоби калони 4:0 пирӯз шуд. Голҳои дастаи «Истиқлол»-ро дар ин вохӯрии ҷолиб Алишер Ҷалилов, Манучеҳр Ҷалилов ва Шериддин Бобоев ба ҳадаф расониданд. Дастаи «Хуҷанд»-и шаҳри Хуҷанд низ дар сафар бар дастаи «Локомотив-Помир»-и Душанбе бо ҳисоби 2:0 ғалаба кард. Дар варзишгоҳи марказии шаҳри Ваҳдат миёни дастаҳои футболи «Душанбе-83»-и Душанбе ва «Истаравшан»-и шаҳри Истаравшан бозии ҷолиб сурат гирифт. Ҳарчанд шогирдони Алиёр Ашурмамадов бо ҳисоби 0:2 пешсаф буданд, вале натавонистанд ин ҳисобро нигоҳ доранд. Душанбегиҳо дар қисми аввал ҳисобро мусовӣ намуданд. Дар қисми дуюм дастаҳо якголии дигар заданд. Натиҷа – 3:3 мусовӣ анҷом ёфт. Дар ҳайати тими Душанбе Элчибек Рашидбеков ду гол, Хуршед Абдуллоев як гол ба ҳалаф расониданд. Дар ҳайати «Истаравшан» низ капитан Илҳом Баротов ду гол, Қаҳрамон Ҳомидов як гол ба номашон сабт карданд.
5 июл дастаи Клуби марказии варзиши артиши (КМВА) Вазорати мудофиа дар майдони худ бо дастаи «Регар-ТадАЗ»-и Турсунзода бозӣ карда, бо ҳисоби 3:1 зафар ёфт. Дар ҳайати КМВА Шервонӣ Мабатшоев ду гол, Дилшод Восиев як гол заданд. Голи тими «Регар-ТадАЗ»-ро Нозим Бобоҷонов ба иҷро расонид. Баъд аз ин ғалаба артишиҳо ба ҷои чоруми ҷадвали чемпионат баромаданд. Дар бозии охирини давр дастаи футболи «Хатлон»-и шаҳри Бохтар дар майдони худ дастаи «Куктош»-и ноҳияи Рӯдакиро бо ҳисоби 2:1 шикаст дод. Се холи навбатӣ ба дастаи шаҳри Бохтар тавассути зарбаҳои нишонраси Худойдод Узоқов ва Сунатулло Исмоилов имконпазир гашт.
Ҳамин тариқ, пас аз натиҷагирии 8 даври Чемпионати Тоҷикистон дастаи футболи «Истиқлол»-и шаҳри Душанбе бо 22 хол дар садри ҷадвал қарор дорад. Дастаи «Хатлон»-и шаҳри Бохтар бо 17 хол дар ҷои дуюм ва «Хуҷанд»-и шаҳри Хуҷанд бо 16 хол дар ҷои сеюм мавқеъ гирифтаанд.
| ҶОЙ | ДАСТАҲО | Б | Ғ | М | Б | Т-Т | Х |
| 1 | «Истиқлол» (Душанбе) | 8 | 7 | 1 | 0 | 38-5 | 22 |
| 2 | «Хатлон» (Бохтар) | 8 | 5 | 2 | 1 | 15-11 | 17 |
| 3 | «Хуҷанд» (Хуҷанд) | 8 | 5 | 1 | 2 | 16-10 | 16 |
| 4 | КМВА (Душанбе) | 8 | 3 | 2 | 3 | 11-11 | 11 |
| 5 | «Душанбе-83» (Душанбе) | 8 | 3 | 2 | 3 | 9-15 | 11 |
| 6 | «Файзканд» (Восеъ) | 8 | 2 | 4 | 2 | 9-14 | 10 |
| 7 | «Куктош» (Рӯдакӣ) | 8 | 2 | 3 | 3 | 8-11 | 9 |
| 8 | «Регар-ТадАЗ» (Турсунзода) | 8 | 2 | 1 | 5 | 12-18 | 7 |
| 9 | «Локомотив-Помир» (Душанбе) | 8 | 1 | 1 | 6 | 7-15 | 4 |
| 10 | «Истаравшан» (Истаравшан) | 8 | 1 | 1 | 6 | 9-24 | 4 |
Манучеҳр Ҷалилов («Истиқлол») – 10 тӯб, Алишер Ҷалилов («Истиқлол») – 8 тӯб, Илҳом Баротов («Истаравшан») – 7 тӯб, Шериддин Бобоев, («Истиқлол»)- 6 тӯб, Рустам Соиров, («Истиқлол»), Парвиз Боқӣ-Охунов («Хатлон»), Дилшод Бозоров («Хуҷанд») — 5 тӯб, Вахит Оразсахедов («Истиқлол»), Худойдод Узоқов («Хатлон»), Шодибек Гаффоров (КМВА) 4 тӯб, Диловаршо Ғаниев («Регар-ТадАЗ») Идрис Аминов, Хуршед Абдуллоев ва Элчибек Рашидбеков ( ҳама «Душанбе-83») – 3-тӯбӣ.
Дар Сафорати Тоҷикистон дар Салтанати Умон бо дастаи мунтахаби олимпии футболи Тоҷикистон вохӯрӣ доир шуд
Дар Ҷамоати деҳоти Роҳатии ноҳияи Рӯдакӣ иншооти нави таълимию варзишӣ ба истифода дода шуданд
Дар вилояти Хатлон беш аз 40 мактаби варзишӣ фаъолият дорад
Дастаи мунтахаби наврасони Тоҷикистон (U-17) бо дастаи Русия бозии дӯстона анҷом медиҳад
ФУТБОЛ. Дастаи мунтахаби Тоҷикистон омодагиро ба бозӣ бо мунтахаби Чин оғоз намуд
ФУТБОЛ. Дастаи мунтахаби олимпии Тоҷикистон (U-23) бо ҳамсолони худ аз Умон ду бозии дӯстона анҷом медиҳад
Дар ноҳияи Мурғоб майдончаҳои нави варзишӣ ба истифода дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
