Ғолибони даври ҳафтуми Чемпионати Тоҷикистон оид ба футбол миёни бонувон муайян гардиданд
ДУШАНБЕ, 28.07.2020 /АМИТ «Ховар»/. Бозиҳои даври ҳафтуми Чемпионати Тоҷикистон оид ба футбол миёни бонувон дар варзишгоҳҳои мамлакат дар сатҳи баланд баргузор шуданд. Бозии марказии ин давр миёни дастаҳои футболи «Зебонисо»-и шаҳри Душанбе ва «Зебо»-и ноҳияи Дӯстӣ гузаштанд. Дар ин бора мухбири АМИТ «Ховар» Меҳрони Қурбон бо истинод ба Федератсияи футболи Тоҷикистон иттилоъ медиҳад.
Рақобати ин дастаҳо хеле ҷолиб сурат гирифта, бо пирӯзии дастаи футболи «Зебонисо»-и шаҳри Душанбе бо ҳисоби 4:0 ба поён расид. Рӯзигули Ҳасан ду гол, Амина Собирова ва Некубахт Худододова якголӣ ба ҳадаф расониданд.
Бохти дастаи футболи «Зебо»-и Дӯстӣ сабаб шуд, ки дастаи футболи «Хатлон»-и шаҳри Бохтар пас аз пирӯзӣ бар дастаи «Регар-ТадАЗ»-и Турсунзода бо ҳисоби 3:0 пешсафи ягонаи ҷадвали чемпионат гардид.
Дастаи футболи «Равшан»-и шаҳри Кӯлоб дар майдони худ бар дастаи «Панҷшер»-и Ҷалолиддин Балхӣ бо ҳисоби 1:0 пирӯз шуда, аввалин ғалабаашро ҷашн гирифт. Се холи аввалинро ба дастаи «Равшан»-и Кӯлоб Гулфайрӯз Ҳазратова овард. Дар ду бозии дигар дастаи футболи «Бешкент»-и ноҳияи Носири Хусрав ба дарвозаи дастаи «Барқ»-и шаҳри Норак 11 голи беҷавоб зад, дастаи футболи «Ҳосилот»-и ноҳияи Фархор дастаи футболи «Чашма»-и Шаҳритусро бо ҳисоби 1:0 мағлуб намуд .
| Б | Ғ | М | Б | Т-Т | Х | ||
| 1 | «Хатлон» (Бохтар) | 7 | 6 | 1 | 0 | 45-4 | 19 |
| 2 | «Зебонисо» (Душанбе) | 7 | 6 | 0 | 1 | 56-2 | 18 |
| 3 | «Зебо» (Дӯстӣ) | 7 | 5 | 1 | 1 | 35-7 | 16 |
| 4 | «Бешкент» (Носири Хусрав) | 7 | 4 | 1 | 2 | 28-6 | 13 |
| 5 | «Регар-ТадАЗ» (Турсунзода) | 7 | 3 | 1 | 3 | 30-8 | 10 |
| 6 | «Барқ» (Норак) | 7 | 3 | 0 | 4 | 5-38 | 9 |
| 7 | «Ҳосилот» (Фархор) | 7 | 2 | 1 | 4 | 4-19 | 7 |
| 8 | «Чашма» (Шаҳритус) | 7 | 2 | 0 | 5 | 8-38 | 6 |
| 9 | «Равшан» (Кӯлоб) | 7 | 1 | 0 | 6 | 1-35 | 3 |
| 10 | «Панҷшер» (Ҷалолиддин Балхӣ) | 7 | 0 | 1 | 6 | 4-59 | 1 |
Дар даври ҳаштум вомехӯранд:
29 июл (чоршанбе)
«Хатлон» – «Ҳосилот»
«Зебонисо» – «Чашма»
«Бешкент» – «Зебо»
«Панҷшер» – «Барқ»
«Регар-ТадАЗ» – «Равшан»
Дар Мусобиқаи байналмилалии «Дави дӯстӣ» ва веломарафон 10 ҳазор нафар иштирок намуданд
Мусобиқаи байналмилалӣ оид ба камонварӣ баргузор гардид
Хонандаи тоҷик дар Бозиҳои зимистонаи олимпӣ cоҳиби медали нуқра гардид
Дар Хуҷанд Мусобиқаи байналмилалии «Дави дӯстӣ» ва веломарафон баргузор мегардад
Байни Тоҷикистон ва Қирғизистон дар соҳаи тарбияи ҷисмонӣ ва варзиш барномаи ҳамкорӣ ба имзо расид
Дар вилояти Суғд мусобиқаҳои миллии пойга ва бузкашӣ баргузор шуд
ФУТБОЛ. Дастаи мунтахаби наврасони Тоҷикистон (U-17) бо ҳамсолони худ аз Қатар бозии дӯстона доир намуд
Моҳи март бахшида ба Ҷашни байналмилалалии Наврӯз дар Тоҷикистон мусобиқаҳои гуногуни варзишӣ доир мегарданд
Дар вилояти Суғд мусобиқаи байналмилалии дӯстонаи варзишӣ аз намуди камонварӣ оғоз гардид
ФУТБОЛ. Дастаи мунтахаби наврасони то 17-солаи Тоҷикистон барои ҷамъомади тамринӣ ба Қатар рафт
Байни «Саноатсодиротбонк» ва Клуби футболи «Истиқлол» созишномаи ҳамкорӣ ба имзо расид
Дар шаҳри Панҷакент мусобиқаи байналмилалии гӯштингирӣ баргузор мешавад
