Президенти мамлакат аз майдони парвариши картошка дар хоҷагии деҳқонии «Шердил»-и ноҳияи Деваштич дидан карданд

Июль 1, 2020 10:20

ДУШАНБЕ, 01.07.2020 /АМИТ «Ховар»/. Дар рӯзи дуюми сафари корӣ ба шаҳру ноҳияҳои вилояти Суғд Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар деҳоти Далёни болои ноҳияи Деваштич аз Хоҷагии деҳқонии «Шердил» боздид намуданд.

Сарвари давлат муҳтарам Эмомалӣ Раҳмон нахуст аз намоиши маҳсулоти кишоварзии аҳли заҳмати ин хоҷагӣ дидан карданд.

Дар намоишгоҳ анвои беҳтарини меваю сабзавот ва полезиҳо ба Пешвои миллат муаррифӣ гардид.

Иттилоъ дода шуд, ки хоҷагӣ дар ихтиёри худ 17,5 гектар замин дошта, 9 гектари он замини корам, 3 гектар чарогоҳ, 5,5 гектар боғ, аз ҷумла 4 гектар боғи мевадиҳандаи себ, шафтолу, гелос, олуча ва нок мубошад.

Аз сабаби он ки иқлими мавзеи Далёни боло нисбатан сард аст, то имрӯз дар ин ҷо кишти пиёз ба роҳ монда намешуд. Аммо имсол аҳли заҳмат барои таҷриба бори аввал дар масоҳати 1,5 гектар кишти пиёзи навъи «Бангкок»-ро ба роҳ монда, ҳосили хубро интизоранд.

Ҳамчунин дар байни қатори пиёз чормағзи заминии навъи туркӣ шинонидаанд ва он таҷрибаи нав дар соҳаи кишоварзӣ ба шумор меравад.

Аҳли заҳмати Хоҷагии деҳқонии «Шердил» дар масоҳати 4 гектар гандум кишт кардаанд, ки рӯзҳои наздик дарави он шурӯъ мешавад.

Масоҳати кишти картошка дар заминҳои хоҷагӣ 4 гектарро ташкил дода, дар он парвариши картошкаи навъҳои серҳосил ба роҳ монда шудааст.

Дар як гектар парвариши помидор ва дар 50 садяки дигар кишти навъҳои гуногуни зироат ба роҳ монда шудааст.

Хоҷагии деҳқонии «Шердил» соли 2003 ташкил шуда, соли 2014 таҷдид гардидааст. Дар он 9 саҳмдор фаъолият намуда, заминро самаранок истифода мебаранд ва натиҷа ҳамин аст, ки аллакай заҳмати онҳо самараи хуб ба бор овардааст.

Оби полезӣ ба заминҳои хоҷагӣ аз умқи 100 метр кашида шуда, таъмин карда мешавад. Кишоварзони ин хоҷагии ботаҷриба бо мақсади саҳм гузоштан дар фаровонии бозори дохилӣ ва паст кардани нархи аслии маҳсулот дар бозорҳои ҳудуди вилоят ва пойтахти мамлакат — шаҳри Душанбе, аз ҳарвақта дида бештар заҳмат мекашанд.

Ба ақидаи картошкапарварони хоҷагӣ, обу ҳавои мусоиди минтақа ба истеҳсоли навъҳои босифати картошка мувофиқ буда, интихоби тухмии навъи аъло имкон медиҳад, ки ҳосили фаровон ба даст оварда шавад.

Сарвари давлат муҳтарам Эмомалӣ Раҳмон ба аҳли заҳмати Хоҷагии деҳқонии «Шердил» барои истифодаи босамари замин, афзоиши истеҳсоли маҳсулот, таъмини бозорҳои дохилӣ, содироти маҳсулоти кишоварзӣ ба хориҷи мамлакат ва саҳм гузоштан дар таъмини амнияти озуқавории ҷумҳурӣ, дастуру ҳидоятҳо доданд.

Бо шарофати сиёсати созанда ва бунёдкоронаи роҳбарияти олии давлату Ҳукумати мамлакат ба истиқболи ҷашни 30-солагии Истиқлолияти давлатӣ роҳи миёни деҳаҳои навбунёд то заминҳои Хоҷагии деҳқонии «Шердил» дар масофаи 2,6 километр аз ҷониби мақомоти иҷроияи ҳокимияти давлатии вилояти Суғд мумфарш карда шуд.

Боздид аз майдони парвариши картошка дар хоҷагии деҳқонииБоздид аз майдони парвариши картошка дар хоҷагии деҳқонии “Шердил”-и ноҳияи Деваштич 01.07.2020 “Шердил”-и ноҳияи Деваштич 01.07.2020

Июль 1, 2020 10:20

Хабарҳои дигари ин бахш

Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Узбекистон Шавкат Мирзиёев суҳбати телефонӣ анҷом доданд
Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Туркия Реҷеп Тайип Эрдоган суҳбати телефонӣ анҷом доданд
Президенти Ҷумҳурии Тоҷикистон Эмомалӣ  Раҳмон бо Президенти Ҷумҳурии Исломии Эрон Саидиброҳим Раисӣ суҳбати телефонӣ анҷом доданд
ПАЁМИ ШОДБОШИИ Пешвои миллат Эмомалӣ Раҳмон ба муносибати иди саиди Фитр
Мубодилаи барқияҳои табрикии Президенти Ҷумҳурии Тоҷикистон Эмомалӣ Раҳмон ва Подшоҳи Белгия Филипп
Пешвои миллат Эмомалӣ Раҳмон аз мавзеъҳои сайёҳии ноҳияи Данғара боздид намуданд
Президенти Тоҷикистон Эмомалӣ Раҳмон дар ноҳияи Данғара Маҷмааи парвариши чорвои хушзотро дар Кооперативи тиҷоратии «Раҳмонҷон» ба истифода доданд
Сарвари давлат Эмомалӣ Раҳмон дар ноҳияи Данғара аз Кооперативи истеҳсолии «Сомонҷон» боздид карданд
Пешвои миллат Эмомалӣ Раҳмон дар деҳоти Лолазори ноҳияи Данғара муассисаи таълимиро мавриди баҳрабардорӣ қарор доданд
Президенти Тоҷикистон Эмомалӣ Раҳмон дар ноҳияи Данғара бинои филиали БДА ҶТ «Амонатбонк»-ро ифтитоҳ намуданд
Сарвари давлат Эмомалӣ Раҳмон дар ноҳияи Данғара Боғи фарҳангию фароғатиро ифтитоҳ намуда, ба ятимон туҳфаҳо тақдим карданд
Оғози сафари кории Пешвои миллат Эмомалӣ Раҳмон дар ноҳияи Данғара ва ифтитоҳи марҳилаҳои 3 ва 4-уми Маҷмааи нассоҷии ҶСП «Ҷунтай-Данғара Син Силу Текстил»