Саршумори ҳайвоноти нодир дар Тоҷикистон афзоиш меёбад

Июль 15, 2020 15:03

ДУШАНБЕ, 15.07.2020 /АМИТ «Ховар»/. Дар Тоҷикистон саршумори архарҳои (гӯсфандони кӯҳӣ) помирӣ то 9 ҳазору 592 сар афзудааст. Саршумори бузҳои пармашох то 711 сар, гавазнҳои кӯҳии бухороӣ — 408 сар ва палангҳои барфӣ — 156 сар зиёд шудааст. Дар ин хусус дирӯз, 14 июл роҳбарияти Кумитаи ҳифзи муҳити зисти назди Ҳукумати Ҷумҳурии Тоҷикистон зимни нишасти матбуотӣ ба хабарнигорон иттилоъ доданд.

Мутобиқи иттилои Кумита, дар соли равон барои шикори 140 сар ҳайвони ваҳшӣ, аз ҷумла барои бузи пармашох – 12, гавазни кӯҳии бухороӣ – 11, гӯсфанди Марко Поло — 105 ва хирси бӯр – 12 квота ҷудо шудааст.

Арзиши шикори ҳайвоноти нодир ба намуди он вобаста аст ва аз 10 то 300 ҳазор сомониро ташкил медиҳад.
Чунончи, арзиши шикори як сар гӯсфанди Марко Поло — 55 ҳазор сомонӣ, бузи пармашох — 300 ҳазор сомонӣ, гавазни кӯҳии бухороӣ — 26,4 ҳазор сомонӣ ва хирси бӯр — 10 ҳазор сомонӣ мебошад.

Ҳамчунин зикр шуд, ки корҳои биотехникӣ барои аз сардиҳои зимистон бе талаф баровардани ҳайвоноти ваҳшӣ идома доранд. Дар фасли сармо барои аз гуруснагӣ наҷот додани ҳайвоноти ваҳшӣ дар ҷойҳои муайяншуда барои онҳо хӯрок гузошта мешавад. Бо ин мақсад 10895 кг гандум, 1195 кг ҷав, 24208 кг хасбеда, 1424 кг кунҷора ва сабӯс, 1390 кг намак ва 710 кг ҷуворимакка масраф шуда буд.

 

ДАР АКС: гӯсфандҳои Марко Поло дар кӯҳҳои Тоҷикистон. АКС аз бойгонӣ

Июль 15, 2020 15:03

Хабарҳои дигари ин бахш

Пахтакорони ноҳияи Ҷаббор Расулов дар майдони зиёда аз 5 ҳазор гектар кишти чигит мегузаронанд
Вазири кишоварзии Тоҷикистон вобаста ба тақвияти корҳои саҳроӣ бо деҳқонони шаҳри Конибодом суҳбат намуд
Дар шаҳри Хоруғ корхонаи истеҳсоли ҳасиб бунёд мегардад
Дар Суғд барои дарёфти грантҳои раиси вилоят озмун баргузор мешавад
Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд