ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Дар Ховалинг ба шарафи ҷашни миллӣ 300 иншоот бунёд мешаванд
ХОВАЛИНГ, 19.08.2020 /АМИТ «Ховар»/. Дар ноҳияи Ховалинг бахшида ба ҷашни бузурги миллӣ- 30-солагии Истиқлолияти давлатии Ҷумҳурии Тоҷикистон сохтмони зиёда аз 300 иншооти хурду бузург ба нақша гирифта шуда, то имрӯз 70 фоизи онҳо мавриди баҳрабардорӣ қарор гирифтаанд.
Тавре сармеъмори ноҳия Иноятулло Ҳоҷизода иттилоъ дод, айни замон бо фармоиши Дирексияи сохтмони иншооти ҳукуматии Дастгоҳи иҷроияи Президенти Ҷумҳурии Тоҷикистон дар деҳаи Сафедшаҳраки Ҷамоати деҳоти Лоҳутии ноҳия сохтмони бинои муассисаи таълимӣ барои 640 ҷои нишаст аз ҷониби ҶДММ “Фаридун” идома дорад.
Ба корҳои сохтмонӣ беҳтарин мутахассисони маҳаллӣ ҷалб карда шудаанд. Бинои мазкур дуошёна буда, аз 14 синфхона, утоқҳои фаннию корӣ, толори варзишӣ, толори маҷлисӣ, ошхона ва иншооти ёрирасон иборат мебошад.
Бино бо шабакаи мустақими гармидиҳӣ таъмин карда мешавад. Барои дар муҳлати муайянгардида анҷом додани корҳои сохтмонӣ масолеҳи хушсифати ватанӣ ва шароити хубӣ корӣ муҳайё гардидааст.
Дар деҳаи Токаки ин ноҳия сохтмони бинои иловагии мактаб барои омӯзгорону хонандагон дар арафаи анҷом қарор дорад. Пудратчии сохтмони иншооти мазкур ҶДММ «Қобилҷон-ЛТД» мебошад. Бо мавриди истифода қарор гирифтани бинои иловагӣ мушкилоти хонандагону омӯзгорони муассиса ҳалли хешро пайдо менамояд.
Ҳоло дар дигар иншооти ба шарафи ҷашн бунёдшавандаи ноҳия низ корҳои сохтмонӣ аз рӯи нақша идома доранд.
Пагоҳ дар Душанбе Форуми соҳибкории «Тоҷикистон, ба пеш!» оғоз меёбад
Роҳбарияти Бонки миллии Тоҷикистон дар ҷаласаҳои солонаи ХБА ва Гурӯҳи Бонки ҷаҳонӣ иштирок менамояд
Дурнамои тақвияти ҳамкории Тоҷикистон ва Австрия баррасӣ гардид
Сардори Хадамоти зиддиинҳисории Тоҷикистон дар ҷаласаи Шурои машваратӣ оид ба ҳимояи ҳуқуқи истеъмолкунандагон иштирок намуд
Форуми байналмилалии «Сайёҳии устувор ва мероси фарҳангӣ» иқтидори сайёҳӣ ва фарҳангии Тоҷикистонро муаррифӣ менамояд
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
Ширкати ҳавопаймоии «Shohin Airlines» ва «Turkish Airlines» Ёддошти тафоҳум ба имзо расониданд
Маҳсулоти кишоварзии Тоҷикистон бо сифати аъло дар бозорҳои хориҷӣ мавқеи муносиб пайдо кардааст
Дар Душанбе Форуми байналмилалии «Сайёҳии устувор ва мероси фарҳангӣ» оғоз гардид
Дар Душанбе истифодаи таҷрибаи пешқадами байналмилалӣ дар соҳаи кишоварзӣ баррасӣ гардид
Дар Душанбе ҷаласаи 10-уми Гурӯҳи кории махсуси СҲШ оид ба мусоидат ба сармоягузорӣ доир гардид
