Барои рӯзноманигорони ватанӣ ба мавзеи сайёҳию кӯҳнавардии Москвина пресс-тур ташкил гардид
ДУШАНБЕ, 14.08.2020. /АМИТ «Ховар»/. Имрӯз бо ибтикори Кумитаи рушди сайёҳии назди Ҳукумати Ҷумҳурии Тоҷикистон ва ширкати сайёҳии «Қуллаҳои тоҷик» барои гурӯҳи журналистони ватанӣ ба мавзеи сайёҳию кӯҳнавардии Москвина пресс-тур ташкил гардид, хабар медиҳад АМИТ «Ховар».
Дар мавзеи мазкур ҳамчун лагери сайёҳии кӯҳӣ барои дӯстдорони саёҳати кӯҳнавардӣ инфрасохтор ва шароити мусоид фароҳам оварда шуда, имкони қабули зиёда аз 100 нафар саёҳаткунанда дар як вақт мавҷуд мебошад.
Имрӯз истироҳаткунандагон зимни боздид аз ин мавзеъ аксу наворбардорӣ намуда, таассуроти худро рангин баён намуданд.
Дар панорамаи мавзеи мазкур, ки зиёда аз 4300 метр аз сатҳи баҳр баланд аст, шаш қуллаи баланду назаррабои Тоҷикистон, аз ҷумла қуллаҳои «Душанбе», «Озодӣ» ва «Исмоили Сомонӣ» ба хубӣ намоён буда, дили ҳар бинандаро тасхир менамоянд.
Масъулини ширкати «Қуллаҳои тоҷик» тасмим доранд соли оянда баъди ба эътидол омадани вазъи пандемия дар ҷаҳон нахустин гурӯҳи кӯҳнавардони хориҷиро қабул намоянд.
Мавриди зикр аст, ки то мавзеи Москвина гурӯҳи сайёҳон тариқи автобусҳо то фурудгоҳи ноҳияи Лахш рафта, сипас тариқи чархбол дар муддати 20 дақиқа ба лагери сайёҳию кӯҳнавардӣ интиқол дода мешаванд.
Ёдовар мешавем, ки ҳамасола бо дастгирии Ҳукумати Ҷумҳурии Тоҷикистон ва тадбирҳои Кумитаи рушди сайёҳӣ дар ин мавзеъ барои фатҳи қуллаи «Исмоили Сомонӣ» экспедитсияи байналмилалии кӯҳнавардӣ баргузор карда мешавад. Дар он зиёда аз 100 нафар кӯҳнавардон аз кишврҳои хориҷи дуру наздик ширкат меварзанд.
Тоҷикистону Ҳиндустон ҳамкории фарҳангӣ ва сайёҳиро таҳким мебахшанд
РУШДИ САЙЁҲӢ ДАР БАДАХШОН. Сабзазорҳои алпӣ, биёбонҳои баландкӯҳ, дарёҳои тезҷараён ва кӯлҳои мусаффои он назаррабо мебошанд
Ҳайати Тоҷикистон дар ҷаласаи 71-уми ҷаласаи Комиссияи Аврупоии Созмони умумиҷаҳонии сайёҳӣ иштирок намуд
Мавзеи сайёҳии «Арху» ба макони писандидаи сайёҳон табдил ёфтааст
Иштирокдорони Конфронси байналмилалии сатҳи баланд оид ба ҳифзи пиряхҳо бо корҳои сохтмонӣ дар НБО «Роғун» шинос шуданд
Эла Ионеску, намоянда аз Руминия: «Шумо, одамони хушбахтед, ки чунин Ватани зебо доред»
СИЁМА. Оби ин дарё ба даҳгонаи обҳои беҳтарини ҷаҳон дохил гардидааст
Варзишгар аз Амрико Каролина Глейш: «Ба дӯстону ҳамкоронам дар бораи табиати нотакрори Тоҷикистон нақл хоҳам кард»
Иштирокдорони Конфронси байналмилалии сатҳи баланд оид ба ҳифзи пиряхҳо мавзеъҳои таърихию фарҳангии Тоҷикистонро тамошо мекунанд
Барои сохтмони кампуси Донишкадаи байналмилалии Данғара лоиҳаи Бонки Исломии рушд амалӣ карда мешавад
Ҷаҳонгарди тоҷик Парчами Ҷумҳурии Тоҷикистонро дар нуқтаи баландтарини Антарктида парафшон намуд
Тоҷикистон барои қабули раисии Шурои Иттиҳоди Давлатҳои Мустақил оид ба сайёҳӣ изҳори омодагӣ намуд
